Fréttablaðið - 23.12.2020, Blaðsíða 2

Ilmur af Þorláksmessu
VESTFIRÐIR Þingkonan Halla Signý
Kristjánsdóttir og eiginmaður
hennar Sigurður G. Sverrisson,
keyptu nýlega flugstöð af Þjóðkirkj-
unni. Halla og Sigurður leigja jörð-
ina Holt í Önundarfirði af kirkjunni
og hyggjast þau breyta flugstöðinni,
sem stendur á jörðinni, í hesthús.
Áður en Vestfjarðagöngin undir
Botnsheiði og Breiðadalsheiði voru
opnuð árið 1996 var áætlunarflug
til og frá Flateyri í Önundarfirði á
litlum flugvelli í Holti. Flugvöllur-
inn var aflagður en f lugstöðin var
þá mjög nýleg, byggð árið 1994. Hálf
f lugbrautin stóð inni á kirkjujörð-
inni að Holti sem og flugstöðin, sem
prestseturssjóður ákvað að kaupa í
kringum aldamótin.
„Við gerðum tilboð í f lugstöðina
um daginn sem var samþykkt,“
segir Halla, en þau hjónin hafa leigt
íbúðarhúsið að Holti af kirkjunni í
rúmlega eitt ár. Það er um það bil sá
tími sem kirkjan hefur verið með
flugstöðina á sölu, en með kvöð um
að rífa eða f lytja húsið af jörðinni.
Halla segir að kvöðin sé enn þá í
gildi. „Þegar við förum þurfum við
að taka húsið niður,“ segir hún.
Ástæðan fyrir þessari kvöð er
sú að Þjóðkirkjan vill ekki fá f leiri
leigjendur á jörðina eða skipta
henni frekar upp. Samkvæmt kirkj-
unni er kaupverðið trúnaðarmál,
fasteignamatið er hins vegar tæpar
3 milljónir króna.
„Maðurinn minn er með hesta
og það stendur til að breyta húsinu
í hesthús,“ segir Halla, sem setið
hefur á þingi fyrir Framsóknar-
flokkinn síðan árið 2017. Hún var
bóndi, hefur verið búsett fyrir vest-
an alla sína ævi og er dyggur mál-
svari landsbyggðarinnar. „Við erum
sjálf ekki með búskap núna, aðeins
nokkra hobbí-hesta,“ segir hún.
Flugstöðin er 80 fermetra álklætt
timburhús með steyptum grunni,
þremur herbergjum og þremur bað-
herbergjum. Er hún í þokkalegu
ásigkomulagi. Hefur húsið að mestu
verið notað sem geymsla eða sem
gistirými síðan kirkjan keypti það.
Halla telur að það verði nokkuð
einfalt að innrétta húsið sem hest-
hús. Það þurfi þó til dæmis að setja
stærri hurð á það fyrir skepnurnar.
Hvað f lugbrautina sjálfa varðar
segir Halla að hún sé nú orðin
uppgróin. Þó komi það einstaka
sinnum fyrir að litlar rellur lendi á
henni.
Flugbrautin að Holti var byggð
árið 1963 en á þeim árum var mikill
áhugi á auknum flugsamgöngum á
Vestfjörðum. Auk áætlunarflugs var
völlurinn töluvert notaður undir
einkaflug. Árið 1991 varð f lugslys
þegar drapst á mótor eftir f lugtak
smávélar. Tókst f lugmanninum að
lenda vélinni á maganum í firðinum
og komust hann og börn hans tvö
ómeidd í land.
kristinnhaukur@frettabladid.is
Alþingiskona keypti
flugstöð af kirkjunni
Húsið, sem reist var sem flugstöð í Önundarfirði, verður nú að hesthúsi eftir
að þingkona og maður hennar keyptu það. Skömmu eftir að flugstöðin var
byggð var völlurinn aflagður og keypti þá Þjóðkirkjan hana undir geymslu.
Flugbrautin að Holti í Önundarfirði er nú uppgróin en timburhúsið sem
áður hýsti flugafgreiðsluna er í þokkalegu ásigkomulagi. MYND/AÐSEND
Maðurinn minn er
með hesta og það
stendur til að breyta húsinu
í hesthús.
Halla Signý Krist-
jánsdóttir þing-
kona
ÍÞRÓTTIR Þrjú sem áður hafa verið
útnefnd Íþróttamenn ársins, eru
meðal tíu efstu í kjöri Samtaka
íþróttafréttamanna á Íþróttamanni
ársins 2020. Verðlaunin verða veitt
29. desember Þá verður kynnt val
á þjálfara ársins ásamt liði ársins.
Kvennalandsliðið í knattspyrnu á
flesta fulltrúa eða þrjá talsins.
Gylfi Þór Sigurðsson, leikmaður
Everton, Sara Björk Gunnarsdóttir,
leikmaður Lyon, og Aron Pálmars-
son hjá Barcelona, hafa áður verið
kjörin. Önnur tilnefnd eru knatt-
spyrnukonurnar Glódís Perla Vigg-
ós dóttir hjá Rosengård og Ingi-
björg Sigurðardóttir hjá Vålerenga,
körfuboltamennirnir Martin Her-
mannsson hjá Valencia og Tryggvi
Snær Hlinason hjá Zaragoza, sund-
kappinn Anton Sveinn McKee hjá
Toronto Titans, handboltamaður-
inn Bjarki Már Elísson hjá Lemgo og
frjálsíþróttakappinn Guðni Valur
Guðnason úr ÍR.
Nánar má lesa um málið á vef
Fréttablaðsins, frettabladid.is. – kpt
Landsliðskonur
margar á lista
Júlían J. K. Jóhannsson, íþróttamað-
ur ársins 2019. FRÉTTABLAÐIÐ/VALLI
SEYÐISFJÖRÐUR Úlfar Trausti Þórð-
arson, skipulags- og byggingarfull-
trúi á Seyðisfirði, varaði við því í
fyrra að aurflóð gætu fallið á bæinn.
Lagði Úlfar til að boruð yrðu
göng inn í Botnabrún til að ræsa
út  vatn  sem ella safnaðist fyrir í
stórrigningum og gæti orsakað flóð.
„Þetta er eins konar drenun á
massa til að hægja á honum eins
hægt er,“ lýsti Úlfar aðferðinni í
Fréttablaðinu 3. desember í fyrra.
Komið hefðu miklar rigningar
og aurskriður verið í ám og lækjum.
„Þetta er beint fyrir ofan byggðina
og það þarf að gera eitthvað til að
hægja á þessu.“
Sagði Úlfar að fulltrúi frá Veður-
stofunni hefði komið um haustið og
sagt á íbúafundi að ástandið væri
hættulegt. Aðspurður taldi hann
kostnað við fyrrnefndar aðgerðir
geta verið 800 til 1.500 milljónir
króna. Síðan þá hefur eftirlit verið
aukið með hættunni, en engin áætl-
un er um framkvæmdir. – gar
Varað við aurflóðahættu fyrir ári
Um 30 prósent landsmanna leggja sér skötu til munns í dag samkvæmt könnun MMR sem birt var í gær. Einn þeirra var í fiskbúðinni Hafbergi í gær.
Hlutfall þeirra sem snæða skötu lækkar um sjö prósentustig milli ára. Kannski er ástæðan fjöldatakmarkanir fremur en undarlegt bragð. Hlutfallið
mældist 35 til 38 prósent árin 2014 til 2019. Alls hefur hlutfall þeirra sem segjast ætla í skötu lækkað um 12 prósentustig frá 2011. FRÉTTABLAÐIÐ/ERNIR
Dómsmálaráðherra og fjármálaráðherra á Seyðisfirði í gær. FRÉTTABLAÐIÐ/VALLI
2 3 . D E S E M B E R 2 0 2 0 M I Ð V I K U D A G U R2 F R É T T I R ∙ F R É T T A B L A Ð I Ð