Fréttablaðið - 23.12.2020, Blaðsíða 6

REYKJAVÍK „Það hefur ekkert breyst.
Ekki neitt,“ segir Sigríður Ólafsdótt-
ir, hjúkrunarfræðingur og móðir
drengs í þriðja bekk Fossvogsskóla.
„Hann fær mikið exem. Svo
fær hann mikla heilaþoku, mikil
þreyta, á erfitt með að læra og
einbeita sér,“ segir hún. Ástandið
breytist alltaf þegar hann er ekki
í skólanum og tekur það hann
nokkra daga að jafna sig að fullu.
„Um daginn átti hann erfitt með að
telja upp vikudagana, mánudagur,
þriðjudagur, miðvikudagur. Hann
gat það ekki. Það var ekkert mál um
helgina þegar hann var ekki búinn
að vera í skólanum.“
Ráðist var í umfangsmiklar end-
urbætur á hluta húsnæðis Fossvogs-
skóla vorið 2019 eftir að upp komst
um myglu. Í sumar var svo aftur
ráðist í framkvæmdir á húsnæðinu
eftir fund með skólaráði. Í kjölfar
þeirra framkvæmda voru tekin sýni
í kjölfar þrýstings foreldra og starfs-
fólks. Fundust þá nokkrar tegundir
myglu. Í kjölfar þrifa var ráðist í
aðra sýnatöku fyrr í þessum mán-
uði og vinnur Náttúrufræðistofnun
nú að tegundagreiningu sem gerð
verður opinber á næstunni.
Foreldrar þr ig g ja nemenda
við skólann segja þau enn finna
fyrir einkennum myglu, þá hefur
eitt barn hætt í skólanum í haust
vegna þess. Foreldrarnir segjast
vita um fleiri börn sem finni fyrir
einkennum. Leitað hefur verið til
umboðsmanns borgarbúa og að
utanaðkomandi sérfræðingur verði
foreldrum innan handar.
Sigríður segir það útilokað að
einkennin megi rekja til annars
en húsnæðis skólans. „Hann tekur
gríðarleg stökk í námsárangri þegar
hann er ekki í þessu húsnæði. Til
dæmis síðasta vor þegar hann var
í útistofu,“ segir hún. „Hann finnur
ekki fyrir einkennum annars staðar.
Hann er líka þarna í marga klukku-
tíma á dag.“
Hún vill að það sé leitað betur að
rakaskemmdum og myglu í skól-
anum. „Þegar það eru svona mörg
börn sem finna fyrir þessu þá hlýtur
þetta að vera dreift um skólann.“
Þau tóku fyrst eftir einkennum
fyrir rúmu ári. „Hann var í útistofu
en veiktist alltaf þegar hann fór
í heimilisfræði. Fékk ljót útbrot.
Púslin fóru að raðast og við áttuð-
um okkur á hvað væri í gangi,“ segir
Sigríður. „Þá fórum við að skrifa bréf
til skólastjórnenda og Reykjavíkur-
borgar, þeim var sjaldan svarað.
Úrræði skólastjórnenda virðast
ekki vera nein. Okkur mætir bara
tómlæti hjá borginni. Ég hef hringt,
ég hef sent bréf, ég hef farið í fjöl-
miðla. Enginn hjá borginni hefur
haft sambandi við okkur, foreldra
barnsins.“
Hún hefur þó fengið símtal frá
skólastjóra Fossvogsskóla. „Það var
fimmtán mínútna samtal. Það er
það eina sem hægt er að flokka sem
eitthvert úrræði fyrir son okkar.“
Fram kom í máli sveppasérfræð-
ings á fundi sem haldinn var með
foreldrum í lok september í kjölfar
sýnatöku að ef einstaklingur finni
fyrir einkennum í húsnæði og hafi
verið útsettur fyrir myglu áður sé
mjög líklegt að það sé mygla í hús-
næðinu.
Sonur Sigríðar hættir að öllum
líkindum í skólanum um áramótin
og fer í annan skóla.
„Við getum ekki boðið honum
lengur upp á þetta. Hann þarf þá
að fara frá öllum sínum vinum og
verður í skóla í öðru hverfi en hann
býr í. Þetta er ömurleg staða og við
erum svakalega sorgmædd yfir
þessu.“ arib@frettabladid.is
Mundi ekki vikudaga
vegna myglueinkenna
Foreldri drengs í þriðja bekk Fossvogsskóla segir útilokað að myglueinkenni
megi rekja annað en til húsnæðis skólans. Einkennin hafa áhrif á einbeitingu
og námsárangur. Reykjavíkurborg segir að búið sé að taka húsnæðið í gegn.
Hátt í fjórða hundrað börn stunda nám í skólanum, hópur þeirra finnur fyrir einkennum. FRÉTTABLAÐIÐ/ERNIR
Segja fullt mark tekið á athugasemdum
Leitað var eftir viðbrögðum
Reykjavíkurborgar við um-
fjölluninni, óskað var eftir því að
yfirlýsingin hér fyrir neðan yrði
birt í heild sinni.
„Starfsfólk umhverfis- og
skipulagssviðs og annað starfs-
fólk borgarinnar sem hafa komið
að málefnum Fossvogsskóla hef-
ur ætíð hlustað á bæði foreldra
og foreldraráð skólans og tekið
fullt mark á þeim athugasemdum
og ábendingum sem komið hafa
fram. Húsnæðið hefur allt verið
tekið í gegn og komið í veg fyrir
rakavandamál.
Þær aðgerðir og það verk-
lag sem nú er fylgt varðandi
endurbætur og aðbúnað í
Fossvogsskóla var samþykkt
á sameiginlegum fundi skóla-
ráðs Fossvogsskóla, skóla- og
frístundasviði og umhverfis- og
skipulagssviði í september og
tilkynning þess efnis send til allra
foreldra. Í Fossvogsskóla eru 360
nemendur og 50 starfsmenn.
Skólastjóri, í samráði við
nemendaverndarráð Fossvogs-
skóla fjallar um málefni þeirra
nemenda sem hér um ræðir. Í
nemendaverndarráði situr meðal
annarra skólahjúkrunarfræðingur
skólans.
Á fundinum í haust sem vitnað
er til í fyrirspurninni var talað um
að viðgerðavinnu í skólanum væri
að ljúka en jafnframt var ákveðið
að taka mælingar fyrir og eftir þrif
svo hægt væri að meta ástand á
rykögnum í skólanum. Það hefur
verið gert.
Eftir að niðurstöður loftgæða-
mælinga frá Mannviti voru kynnt-
ar fyrir foreldrum og skólaráði
varð umhverfis- og skipulagssvið
við óskum foreldra og skólaráðs
um að skipta um verkfræðistofu í
byrjun 2019. Verkís sem er óháður
sérfræðingur í verkefninu tók
þá við rannsóknar- og grein-
ingavinnu á byggingarhlutum
skólans. Í skilaboðum Verkís til
borgarinnar var lagst gegn því að
tekin verði sýni í húsnæðinu til
tegundagreiningar þar sem ekki
væri nauðsyn á því.
Ekki var talið forsvaranlegt
að fá þriðju verkfræðistofuna
til þess að vinna sömu vinnu og
Mannvit og Verkís höfðu þegar
unnið sérstaklega í ljósi þess að
öll sýni sem send eru til grein-
ingar eru send til sama aðila, þ.e.
Náttúrufræðistofnunar Íslands
sem leggur fræðilegt mat á grein-
ingu sýna jafnt fyrir alla aðila sem
senda til þeirra sýni. Niðurstaða
greininga sýna sem send eru til
NÍ eru alltaf opinber. Verkfræði-
stofurnar Mannvit, Verkís og Efla
nota í grunninn sömu aðferðir.“
Um daginn átti
hann erfitt með að
telja upp vikudagana,
mánudagur, þriðjudagur,
miðvikudagur. Hann gat
það ekki. Það var ekkert
mál um helgina þegar hann
var ekki búinn að vera í
skólanum.
Sigríður Ólafs-
dóttir, móðir
nemanda í Foss-
vogsskóla
Meira á frettabladid.is
Hafðu samband í síma 568 8000
eða pantaðu gjafakort á borgarleikhus.is
Gefðu
ömmu
morð
um jólin
Skiltagerð og merkingar
Inni og úti merkingar, spjöld og skilti. Kíktu á
heimasíðuna okkar og skoðaðu þjónustuna
sem er í boði.
Xprent ehf. | Sundaborg 3 | 104 Reykjavík | 777 2700 | xprent@xprent.is
SANDBLÁSTURSFILMUR
BÍLAMERKINGAR SKILTAGERÐ
www.xprent.is
KYNNINGARSVÆÐI
N Ý F O R M
h ú s g a g n a v e r s l u n
h ú s g a g n av e r s l u n
Strandgötu 24 | 220 Hafnarfjörður | Sími 565 4100 | nyform.is
Mikið úrval af HVÍLDARSTÓLUM
með og án rafmagns lyftibúnaði
Komið og
skoðið úrvalið
2 3 . D E S E M B E R 2 0 2 0 M I Ð V I K U D A G U R6 F R É T T I R ∙ F R É T T A B L A Ð I Ð