Fréttablaðið - 23.12.2020, Blaðsíða 28

EINN ÞÁTTURINN MUN
TAKA SVOLÍTIÐ Á
ÞESSU EN ÞAÐ AÐ TALA UM
KLÁM OG GAGNRÝNA KLÁM
VIRÐIST BARA VERA ELDFIMT.
SÍMAR AUGLÝSINGADEILDIR – AUGLÝSINGASTJÓRI: Gústaf Bjarnason gustaf@frettabladid.is ALMENNAR AUGLÝSINGAR: SÍMI 550 5050:
Hjördís Zoëga hjordis@frettabladid.is, Hlynur Þór Steingrímsson, hlynur@frettabladid.is , Sigfús Örn Einarsson sigfus@frettabladid.is, Örn Geirsson orn.geirsson@frettabladid.is
FÓLK/SÉRBLÖÐ SÍMI 550 5077: Atli Bergmann atli@frettabladid.is, Arnar Magnússon arnarm@frettabladid.is, Jóhann Waage johannwaage@frettabladid.is, Jón Ívar Vilhelmsson
jonivar@frettabladid.is, FÓLK OG SÉRBLÖÐ EFNI: Elín Albertsdóttir elin@frettabladid.is RAÐAUGLÝSINGAR /FASTEIGNIR SÍMI 550 5056: Hrannar Helgason hrannar@
frettabladid.is, Viðar Ingi Pétursson vip@frettabladid.is ÞJÓNUSTUAUGLÝSINGAR SÍMI 550-5055: Arna Rut Kristinsdóttir arnarut@frettabladid.is
Jólaopnun
Jólaþorpið opið frá
16-22:00
Umræðan sem hefur ver ið í k r ing um sumt sem ég hef gert hefur gert menn reiða en ég held að þessir þættir séu
ekki meira stuðandi heldur en
annað sem ég hef verið að gera,“
segir Þorsteinn V. Einarsson um
sjónvarpsþættina Karlmennskan
sem byrja á Hringbraut á mánu­
daginn.
„Ég held að ég sé kannski jafnvel
mögulega að sýna fram á að það
sem ég hef verið að gera hingað til
er ekki jafn mikil persónuleg árás
á karlmenn og menn hafa viljað
láta í veðri vaka,“ heldur Þorsteinn
áfram og bætir við að þættirnir séu
einhvers konar sjálfstætt afsprengi
samnefnds samfélagsmiðlaverk­
efnis.
#karlmennskan
„Þetta sprettur í rauninni upp af
myllumerkinu #karlmennskan þar
sem karlar voru að deila frásögnum
úr lífi sínu. Bara af upplifun sinni af
karlmennskuhugmyndum, bæði á
jákvæðan og neikvæðan hátt. Þetta
verður að þessum samfélagsmiðli,
fyrst og fremst á Facebook, þar sem
ég er svona að velta upp þessum
karlmennskuhugmyndum. Hvað
karlmennska er og allt þetta,“ segir
Þorsteinn um nettengingu þátt­
anna.
„Það má alveg segja að þetta séu
viðtalsþættir sem hverfast um til­
tekið málefni hverju sinni,“ segir
Þorsteinn sem ræðir bæði við sér­
fræðinga og fólk með reynslu.
Meðal annars um klám, of beldi
gegn körlum, sjálfsvíg karla og auð­
vitað karlmennsku.“ Og þar f lækj­
ast málin.
Einfalda skýringin
„Það færi eiginlega heil blaðsíða í að
svara því. Það er eiginlega ekki hægt
að segja hvað karlmennska er vegna
þess að um leið og ég segi „þetta er
karlmennska“ þá verður einhver
brjálaður,“ svarar Þorsteinn þegar
hann er spurður hvað karlmennska
sé.
„Og ef ég útskýri karlmennsku
einhvern veginn öðruvísi þá þætti
svarið ekki fullnægjandi. Þannig að
í grunninn getum við kannski sagt
bara að karlmennska er það sem
er talið hæfa körlum og drengjum
best hverju sinni í hverju samfélagi
í tengslum við menningu, stað og
stund og svo framvegis.
Ef ég ætti að gefa einhverja mjög
einfalda skýringu á karlmennsku
myndi ég segja að það væri það sem
einkennir karla eða drengi og telst
eftirsóknarvert meðal þeirra. Þá
erum við að tala kannski helst um
hegðun og viðhorf.
Ég vonast til að ég fái kannski
fleiri í lið með mér að gagnrýna þær
karlmennskuhugmyndir sem eru
ekki gagnlegar fyrir hvorki karlana
sjálfa né samfélagið í heild sinni,“
segir Þorsteinn um þættina sem
hann útilokar ekki að muni stuða
einhverja.
Klámvörnin
Klámið virðist til dæmis einhverra
hluta vegna sérlega viðkvæmt fyrir
gagnrýni. Jafnvel þótt of beldisvið­
bjóðurinn sem hefur grasserað á
PornHub hafi nýlega verið dreginn
fram úr skúmaskotum þessarar
stærstu klámveitu heims.
„Einn þátturinn mun taka svo­
lítið á þessu en það að tala um klám
og gagnrýna klám virðist bara vera
eldfimt. Það er bara eins og maður
sé einhvern veginn að ráðast á frið­
helgi einkalífsins. Eða eitthvað.
Bara eins og það sé fáránlegt viðhorf
að vera gagnrýninn á þetta klám.“
Þorsteinn segist til dæmis hafa
farið víða og rætt um karlmennsku
í grunnskólum og framhaldsskólum
og þegar hann talar um klám sem
of beldi í umræðum þar sé hann
stundum spurður hvort hann sé
ekki að grínast.
„Meira að segja svolítið gamlar
rannsóknir sem hafa verið gerðar á
klámi hafa sýnt að 90% af því klámi,
sem sagt er kynörvandi myndefni
sem finnst á þessum meginstraums­
klámveitum, er kynferðisof beldi.
Það er bara skilgreint sem kyn­
ferðisof beldi,“ segir Þorsteinn sem
byrjar að vaða í viðkvæmu karl­
mennskumálin á Hringbraut mánu­
daginn 28. desember.
toti@frettabladid.is
Þorsteinn tekur fyrir
karlmennsku og klám
Þorsteinn V. Einarsson hefur vakið umræður og deilur undir
#karlmennskan sem hann ætlar að teygja yfir í sjónvarp og taka á
klámi, ofbeldi og karlmennskunni í nýjum þáttum á Hringbraut.
Þorsteinn V. Einarsson hefur vakið athygli og hressilegt umtal með #karlmennskan sem hann þróar nú áfram í
sjónvarpi með þáttunum Karlmennskan sem eru að fara af stað á Hringbraut. FRÉTTABLAÐIÐ/ ANTON BRINK
2 3 . D E S E M B E R 2 0 2 0 M I Ð V I K U D A G U R24 L Í F I Ð ∙ F R É T T A B L A Ð I Ð