Morgunblaðið - 15.05.2020, Blaðsíða 2
2 FRÉTTIRInnlent
MORGUNBLAÐIÐ FÖSTUDAGUR 15. MAÍ 2020
Aðalfundur
Aðalfundur Hampiðjunnar hf. verður haldinn
að Skarfagörðum 4, Reykjavík,
föstudaginn 29. maí 2020 og hefst kl. 16:00.
Á dagskrá fundarins verða:
Stjórn Hampiðjunnar hf.
1. Venjuleg aðalfundarstörf samkvæmt samþykktum félagsins.
2. Tillaga um heimild félagsstjórnar til kaupa á
eigin hlutum skv. 55. gr. hlutafélagalaga.
3. Önnur mál, löglega upp borin.
Dagskrá, endanlegar tillögur ásamt ársreikningi félagsins
munu liggja frammi á skrifstofu félagsins, hluthöfum til sýnis,
tveimur vikum fyrir aðalfund.
Atkvæðaseðlar og önnur fundargögn verða afhent á fundarstað.
Framboðsfrestur vegna stjórnarkjörs rennur út fimm dögum
fyrir upphaf aðalfundar.
Tillögur frá hluthöfum, sem bera á fram á aðalfundi, skulu hafa
borist í hendur stjórnar með skriflegum hætti eigi síðar en 10
dögum fyrir aðalfund.
Hluthafar sem ekki geta sótt fundinn, en hyggjast gefa umboð,
þurfa að gera það skriflega eða með rafrænum hætti og þannig
að dagsetning komi fram.
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
Snorri Másson
Sigurður Bogi Sævarsson
Augljóst má vera að tillaga fulltrúa
Sjálfstæðisflokksins í skipulags- og
samgönguráði, um að aksturs-
stefnu á Laugavegi í Reykjavík
verði breytt til fyrra horfs, fær
ekki mikinn hljómgrunn. Þetta seg-
ir Sigurborg Ósk Haraldsdóttir,
borgarfulltrúi Pírata og formaður
ráðsins.
Eitt ár er nú liðið síðan aksturs-
stefnum á Laugavegi var breytt á
þann hátt að umferð um götuna fer
ýmist upp eða niður hana, en áður
gilti að öll umferð frá Snorrabraut
fór niður Laugaveg til vesturs að
Bankastræti og áfram í Lækjar-
götu. Eyþór Arnalds, oddviti borg-
arstjórnarflokks Sjálfstæðisflokks,
segir þessa tilraun ekki hafa geng-
ið upp og fæli fólk frá verslunar-
götunni. Breyta þurfi hlutunum
aftur til fyrra horfs, enda geti slíkt
orðið til bóta fyrir rekstur versl-
ana.
Skapar rugling
„Með þessu viljum við auðvelda
Íslendingum að koma og versla í
miðbænum,“ sagði Eyþór í samtali
við mbl.is í gær. Tillaga Sjálfstæð-
isflokksins er að umferð á kafl-
anum á milli Klappar- og Frakka-
stígs verði snúið aftur í vesturátt,
það er niður götuna eins og var
fram í maí á sl. ári. Að umferð um
Laugaveginn sé í tvær áttir segir
Eyþór Arnalds skapa rugling og
fæla frá.
Sigurborg Ósk segir tilgang
breytinganna á sínum tíma hafa
verið að gera umferð um Lauga-
veginn skilvirkari. Áður hafi bílum
sem komu inn á Laugaveg verið
ekið beint niður götuna og svo
beygt inn á Vatnsstíginn, sem
skapað hafi álag fyrir íbúa. Einnig
hafi bílum verið ekið áfram og inn
á göngugötur neðar við Laugaveg.
Markmiðið hafi verið að leysa
þennan vanda og ekkert tilefni sé
til að ætla að það hafi ekki orðið.
„Síðan höfum við líka kynnt
áfangaskiptingu þess að gera allan
Laugaveg að göngugötu, sem er
endanlegt markmið,“ segir Sigur-
borg.
Gróðri sé bætt við Hafnartorg
Sigurborg segir að ekki hafi gef-
ist tími til að afgreiða tillögu sjálf-
stæðismanna á fundi skipulags-
ráðsins í vikunni en það verði
væntanlega gert í næstu viku. Ein
tillagan sé að kanna möguleika á
rekstri kaffihúss í Hljómskálagarði.
Einnig að koma upp betri aðstöðu
fyrir sitjandi fólk í borginni með
skyggnum og því að bæta við
gróðri á Hafnartorgi. Þessar til-
lögur segir Sigurborg að séu allar
góðar og verði skoðaðar jákvætt.
Laugavegi varla breytt
Sjálfstæðismenn vilja umferðina í eina átt Auðveldi verslun Fari aftur til
fyrra horfs Umferðin er skilvirkari nú en áður, segir formaður samgönguráðs
Morgunblaðið/Kristinn Magnússon
Laugavegur Deilt er um akstursstefnur á helstu verslunargötu Reykjavíkur og sitt sýnist hverjum í málinu.
„Í könnunum sem við gerum erlend-
is með reglubundnum hætti sjáum
við að það er mikill áhugi á landinu.
Auk þess sjáum við fjölga að nýju í
þeim hópi sem getur hugsað sér að
ferðast milli Norður-Ameríku og
Evrópu.“ Þessum orðum fer Birna
Ósk Einarsdóttir, framkvæmda-
stjóri sölu- og
þjónustusviðs
Icelandair, um
horfurnar í flug-
heiminum um
þessar mundir.
Bendir hún t.d. á
að 86% svarenda
í fyrrnefndum
könnunum segj-
ast treysta Ís-
landi þegar kem-
ur að málefnum
tengdum útbreiðslu kórónuveirunn-
ar, en aðeins 14% bera lítið eða ekk-
ert traust til landsins í þeim efnum.
Þegar fólk er spurt hvort það sé
áhugasamt um að ferðast til Íslands í
framtíðinni lýsa 76% svarenda því
yfir að áhuginn sé fyrir hendi. Innan
við fjórðungur hefur ekki áhuga.
Þegar litið er til þess hvar áhuginn
er mestur sést að það er í Toronto í
Kanada (81% svarenda) og þá er
einnig mikill áhugi í London (76%),
París og á svæðum sem hafa flug-
tengingar við Ísland í Bandaríkjun-
um (77%). Breskir og bandarískir
ferðamenn hafa um árabil verið með-
al mikilvægustu hópa sem hingað
koma m.t.t. tekna og fjölda. Litlu
minni áhugi virðist meðal svarenda
búsettra í Frankfurt (71%) og
Kaupmannahöfn (74%).
Í könnunum félagsins er einnig
fylgst með hvort fólk sé líklegt til
þess að leggja leið sína yfir hafið
milli Norður-Ameríku og Evrópu en
Icelandair hefur í gegnum tíðina
sótt mikið inn á markað svokallaðra
tengifarþega sem nýta Ísland sem
stoppistöð á leið sinni milli heimsálf-
anna. Í mars stækkaði mjög hópur-
inn sem taldi ólíklegt að hann myndi
leggja upp í slíkt ferðalag en um-
skipti virðast hafa orðið strax í apr-
ílmánuði. Í hópi þeirra sem hafa
áhuga á að ferðast frá Evrópu til N-
Ameríku fjölgaði úr 60 í 70 prósent
milli mánaða og í hópi þeirra sem
vilja ferðast til Evrópu frá N-Am-
eríku fjölgaði úr 70 í 77 prósent.
Birna Ósk segir að þetta gefi von-
ir um að landið geti risið hratt að
nýju og að Icelandair hyggist vera í
stakk búið til að nýta breyttar
aðstæður þegar færi gefst.
„Við hugsum þetta ekki síður út frá
Íslendingum en farþegum að utan og
við erum að búa okkur undir að leggja
áherslu á hefðbundna staði fyrsta
kastið, t.d. London, Kaupmannahöfn
og Osló. Fólk virðist áhugasamt um
þessa áfangastaði og fleiri og þar hef-
ur eflaust áhrif að þarna búa margir
Íslendingar og fólk er farið að bíða
eftir því að geta heimsótt sitt fólk,
hvort sem það er út fyrir landstein-
ana eða hingað heim.“
Segir hún að félagið sé í starthol-
unum og tilbúið að sækja fram af
krafti um leið og markaðir opnast á
nýjan leik.
„Félagið er þó í erfiðri stöðu þessa
dagana og mikilvægt að við náum að
leysa þær áskoranir sem við stöndum
frammi fyrir til að geta einbeitt okkur
að endurreisninni, enda mikið í húfi.“
Vilja ferðast til Íslands
Markaðskönnun Icelandair sýnir að margir hafa hug á að
ferðast hingað Félagið undirbýr sókn við opnun landsins
Morgunblaðið/Eggert
Kyrrsettur Floti Icelandair er að mestu óhreyfður í Keflavík en vonir
standa til að hægt verði að auka tíðni ferða áður en langt um líður.
Birna Ósk
Einarsdóttir
„Hið nýja og
spennandi hverfi
í Gufunesi tekur
mið af legu
Sundabrautar,“
segir Dagur B.
Eggertsson,
borgarstjóri í
Reykjavík. Í
Morgunblaðinu í
gær segir Ólafur
Kr. Guðmunds-
son varaborgarfulltrúi að uppbygg-
ing Reykjavíkurborgar á smáhýsum
fyrir heimilislausa í Gufunesi sé utan
deiliskipulags og í vegstæði Sunda-
brautar.
Aðrar framkvæmdir borgarinnar
á svæðinu hafi þá þegar valdið vand-
ræðum, en á dögunum var tekin
skóflustunga að byggingum á vegum
Þorpsins vistfélags, þar sem verða
meðal annars 137 íbúðir. Vegna
þessa hafi fyrirhugaðri legu Sunda-
brautar verið breytt, en nýja veg-
stæðið liggi hærra en áformað var
með tilheyrandi vandræðum og
auknum kostnaði.
„Reykjavíkurborg á gott samstarf
við Vegagerðina um mál á Gufunes-
svæðinu. Samráð var haft við Vega-
gerðina við gerð skipulagsins næst
Sundabraut,“ segir Dagur í samtali
við Morgunblaðið.
„Málefni Sundabrautar eru jafn-
framt í góðum og traustum farvegi í
sameiginlegum starfshópi Vega-
gerðarinnar, Reykjavíkurborgar,
Samtaka sveitarfélaga á höfuðborg-
arsvæðinu og Faxaflóahafna.“
Málin í
traustum
farvegi
Dagur B.
Eggertsson
Samráð um veg-
stæði Sundabrautar