Morgunblaðið - 15.05.2020, Blaðsíða 6
6 FRÉTTIRInnlent
MORGUNBLAÐIÐ FÖSTUDAGUR 15. MAÍ 2020
FÁST Í BYGGINGA-
VÖRUVERSLUNUM
Við framleiðum lausnir
Sími 577 6700 / islandshus@islandshus.is / www.islandshus.is
Bestu undirstöðurnar fyrir
SÓLPALLINN – SUMARHÚSIÐ – GIRÐINGUNA
DVERGARNIR R
NAGGUR
H: 120 cm
PURKUR
H: 60 cm
TEITUR
H: 80 cm
ÁLFUR
H: 30 cm
Frábær hönnun, styrkur og
léttleiki tryggja betri
undirstöðu og festu í
jarðvegi.
Skoðið
nýju
heimas
íðuna
islands
hus.is
Aron Þórður Albertsson
aronthordur@mbl.is
„Það er mjög jákvætt ef aðilar geta
stigið fram og hafið farþegaflug. Ég
held að það geti verið mjög góð við-
bót við núverandi markað,“ segir Jó-
hannes Þór Skúlason, framkvæmda-
stjóri Samtaka ferðaþjónustunnar
(SAF). Nefnir
hann flugfélögin
Bláfugl (e. Blue-
bird Nordic) og
Play í því sam-
hengi.
Líkt og Við-
skiptaMogginn
greindi frá á mið-
vikudag hafa for-
svarsmenn Blá-
fugls sagst
reiðubúnir til að fylla skarð Ice-
landair tímabundið, fari svo að síð-
arnefnda félagið verði gjaldþrota. Þá
hefur sömuleiðis verið haft eftir
stjórnarmönnum Play að félagið geti
verið komið með eina til tvær vélar í
loftið með skömmum fyrirvara beri
svo undir.
Að sögn Jóhannesar koma félögin
tvö ekki í stað Icelandair þó að þau
geti haldið uppi flugsamgöngum til
og frá landinu tímabundið. Það taki
jafnframt langan tíma að byggja upp
jafn öflugt fyrirtæki og Icelandair.
„Það er auðvitað mjög jákvætt ef að-
ilar geta stigið fram og hafið far-
þegaflug. Play hefur ákveðnar for-
sendur núna en Bláfugl hefur
kannski aðeins minni reynslu af því.
Við þurfum þó að varast það að hvor-
ugt þessara félaga getur stigið alfar-
ið inn fyrir Icelandair,“ segir Jó-
hannes og bætir við að Icelandair
hafi byggt upp öflugt leiðar- og sölu-
kerfi. Þá sé fyrirtækið mikilvægasta
fyrirtæki ferðaþjónustunnar og slíkt
skarð verði ekki fyllt á augabragði.
„Í fyrra flutti Icelandair 60-70%
þeirra sem hingað komu sem ferða-
menn. Við sáum hvað fyrirtækið er
öflugt þegar WOW hvarf af mark-
aðnum. Þeir nýttu sveigjanleika sinn
þannig að þeir gátu tekið meira af
ferðamönnum til Íslands,“ segir Jó-
hannes, sem ítrekar að mörg ár taki
að byggja upp sams konar kerfi og
Icelandair býr nú yfir.
Verðmæti farþega skiptir máli
Mikið hefur verið rætt og ritað um
hvort Icelandair þurfi að breyta
staðsetningu sinni á markaði til að
mæta samkeppni lággjaldaflug-
félaga. Jóhannes segir svo ekki vera
enda verði íslensk ferðaþjónusta að
horfa til annarra þátta.
„Þegar við horfum á stefnu okkar
til framtíðar erum við alltaf að reyna
að auka verðmæti hvers ferðamanns.
Við megum ekki einblína um of á
fjölda þeirra. Þannig er mikilvægt að
auka vægi flugfélaganna sem bera
með sér mikil verðmæti hingað,“
segir Jóhannes sem kveðst viss um
að fjöldi flugfélaga vilji koma hingað
til lands þegar faraldurinn er yfir-
staðinn.
„Lággjaldaflugfélög munu alltaf
vilja fljúga hingað. Það er hins vegar
mikilvægt að vera með blöndu af
þeim og svo félögum sem flytja ann-
ars konar farþega,“ segir Jóhannes.
Ný flugfélög
væru góð viðbót
við markaðinn
Erfitt að fylla skarð Icelandair fari
svo að félagið verði gjaldþrota
Morgunblaðið/Eggert
Icelandair Staða Icelandair skiptir
ferðaþjónustuna miklu máli.
Jóhannes Þór
Skúlason BAKSVIÐ
Helgi Bjarnason
helgi@mbl.is
Stjórnvöld í Færeyjum og Grænlandi
hafa ekki slakað á reglum um sóttkví
fólks sem kemur frá Íslandi. Á meðan
tilslökun sjórnvalda hér gagnvart fólki
frá þessum löndum er ekki gagnkvæm
er ekki grundvöllur til að hefja flug að
nýju því þótt fólkið gæti sloppið við
sóttkví hér þyrfti það að fara í sóttkví
þegar það kæmi aftur heim til Fær-
eyja eða Grænlands.
Ákvörðun heilbrigðisráðherra um
að taka Grænland og Færeyjar af lista
þeirra landa sem skilgreind eru sem
há-áhættusvæði vegna smits af kór-
ónuveiru tekur gildi í dag, 15. maí. Eru
því ekki lengur neinar takmarkanir
vegna sóttvarna, svo sem kröfur um
sóttkví, í gildi vegna ferða fólks á milli
landanna.
Ákvörðunin er einhliða ráðstöfun af
hálfu Íslands, eins og Rún Ingvars-
dóttir, sérfræðingur í utanríkisráðu-
neytinu, bendir á í skriflegu svari.
„Slíkar ákvarðanir þurfa að vera
byggðar á áhættumati hvers og eins
ríkis og þótt við vonumst eftir gagn-
kvæmni hefur ekkert verið staðfest í
þeim efnum,“ segir Rún.
Hún tekur fram að engar formlegar
viðræður hafi farið fram. Utanríkis-
ráðherra hafi falið sendiráðunum að
kanna með óformlegum hætti hvort í
löndum sem hafa náð bestum árangri í
baráttunni gegn kórónuveirunni sé
vilji til tvíhliða samskipta. Slíkar þreif-
ingar standi enn yfir. Ráðherra hafi
einnig talað fyrir því á fundum með
norrænum kollegum sínum að Norð-
urlöndin skoði það hvernig opna megi
för fólks innan Norðurlandanna og
sömuleiðis lagt áherslu á slíka sam-
vinnu í samtölum við kollega í Eystra-
saltsríkjunum.
Eyjarnar lokaðar út júní
Færeyingar hafa lokað landinu fyrir
ferðafólki til loka júnímánaðar og tak-
markanir á komum til Grænlands
gilda til 1. júní en með möguleika á
framlengingu.
Stjórnvöld í Færeyjum tilkynntu í
gærmorgun um tilslakanir á sam-
komubanni. Á blaðamannafundinum
sagði lögmaður Færeyja, Bárður á
Steig Nielsen, að rætt hefði verið um
að létta á takmörkunum vegna ferða á
milli Færeyja og landa þar sem lítil
smithætta er en ákveðið að gera það
ekki að sinni. Búist er við nýjum til-
lögum fyrir mánaðamót. Lögmaðurinn
sagði á fundinum, þegar hann var
spurður hvort ekki yrðu afnumdar
takmarkanir gagnvart Íslandi, að
hann væri þakklátur Íslendingum fyr-
ir þeirra aðgerðir og þetta yrði skoðað
í kjölfarið.
Færeyska flugfélagið Atlantic Air-
ways hefur íhugað möguleikann á því
að hefja aftur flug til Íslands, sam-
kvæmt fréttum færeyskra fjölmiðla,
en bendir á vandamálið með að ferða-
fólk sem snýr aftur til Færeyja þurfi
að fara í sóttkví þar. Félagið er með
flug á áætlun til Íslands, þrátt fyrir
þessar takmarkanir, það næsta á
föstudaginn í næstu viku, en ferðirnar
eru síðan felldar niður þegar nær
dregur.
Air Iceland Connect er með áætlun í
gildi um flug til Grænlands í júní, þrjá
daga í viku. Samkvæmt upplýsingum
félagsins þykir ekki ástæða til að end-
urskoða flugáætlun að svo stöddu. Að-
stæður séu þó metnar á hverjum tíma
og áætlunin endurskoðuð.
Morgunblaðið/Björn Jóhann
Þórshöfn Stjórnvöld í Færeyjum íhuga að aflétta takmörkunum gagnvart löndum þar sem smithætta er lítil.
Grannarnir hafa ekki
slakað á reglum hjá sér
Færeyingar ánægðir með framtak stjórnvalda á Íslandi
„Þegar þessar fréttir komu frá Íslandi fórum við, eins og aðrir í ferða-
þjónustunni, strax að skipuleggja framhaldið. Við sjáum fram á að geta
farið að flytja ferðamenn til Íslands,“ segir Linda Gunnlaugsdóttir, fram-
kvæmdastjóri Smyril line á Íslandi. Norræna siglir milli Danmerkur, Fær-
eyja og Íslands. Sett verður upp aðstaða til skimunar á Seyðisfirði sem
farþegar frá öðrum löndum en Færeyjum þurfa að fara í, nema þeir geti
framvísað vottorði um ónæmi.
Linda segir stjórnendur Smyril line gera sér grein fyrir að ekki sé von á
sama fjölda farþega og venjulega á þessum tíma árs. Það myndi þó muna
um ef þeir yrðu 100 á viku í stað 20-30 eins og nú er. Þá segir
hún að ekki sé við því að búast að Færeyingar flykkist til Íslands þrátt
fyrir að búið sé að opna á þá leið – allavega ekki á meðan í gildi eru regl-
ur þar um 14 daga sóttkví við komuna heim aftur.
Geta nú flutt farþega til Íslands
NORRÆNA
Seyðisfjörður Ekki er von til þess að farþegar flykkist í Norrænu á ný fyrr en
slakað hefur verið á reglum um sóttkví á hinum áfangastöðum skipsins.