Skessuhorn - 01.04.2020, Side 4

MIÐVIKUDAGUR 1. ApRÍL 20204
Garðabraut 2a - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til kl. 12.00 á þriðjudögum.
Blaðið er gefið út í 3.700 eintökum og selt til áskrifenda og í lausasölu.
Áskriftarverð er 3.280 krónur með vsk. á mánuði. Elli- og örorkulífeyrisþegar greiða
kr. 2.840. Rafræn áskrift kostar 2.570 kr. Rafræn áskrift til elli- og örorkulífeyrisþega er 2.370 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 950 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Kristján Gauti Karlsson kgauti@skessuhorn.is
Anna Rósa Guðmundsdóttir arg@skessuhorn.is

Auglýsingar og dreifing:
Hrafnhildur Harðardóttir auglysingar@skessuhorn.is
Umbrot og hönnun:
Ómar Örn Sigurðsson umbrot@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Leiðari
Hvað kennir þetta okkur?
Þrátt fyrir að enn séu vísbendingar um að kórónaveirufaraldur sá sem
nú gengur yfir heimsbyggðina hafi ekki náð hámarki útbreiðslu sinn-
ar, bendir margt til þess að sú stund nálgist. Þegar liðið verður fram
undir miðjan þennan mánuð verður hámarkinu náð hér á landi. Í
Kína þar sem veiran greindist fyrst, eru nýsmitaðir nú sárafáir og
lífið að nýju smám saman að taka á sig fyrri mynd. Þegar er nú ljóst
að veiran reynist fólki misjafnlega erfið eftir því hvar það býr. Verst
er ástandið í sunnanverðri Evrópu, á Spáni og Ítalíu, og vísbending-
ar um að í Ameríku reynist hún sömuleiðis skeinuhætt. Fyrir því eru
ástæður. Þá eru sömuleiðis vísbendingar um að íbúar á norðlægum
slóðum, eins og hér á landi og í Noregi, deyi hlutfallslega færri úr
sjúkdómnum. Vissulega veikjast margir, en þeir ná heilsu að nýju.
Eitt það athyglisverðasta sem ég hef lesið og tengist þessum nýja
veirufaraldri eru hugleiðingar Norðmannsins Erik Martiniussen.
Þar skrifar hann um sýklalyfjanotkun í landbúnaði og hugleiðir hvort
samhengi sé á milli mikillar sýklalyfjanotkunar og fjölda dauðsfalla.
Þakkar hann fyrir að í Noregi sé heilbrigðiskerfi sem sparar sýklalyf
þar til fólk hefur raunverulega þörf fyrir slík lyf. Sömuleiðis að norsk-
ir bændur nota varla nokkur sýklalyf í sínum landbúnaði. „Sennilega
mun takmarkandi sýklalyfjastefna okkar nú bjarga lífi margra Co-
vid-19 sjúklinga,“ skrifar Norðmaðurinn Erik Martiniussen í grein
sem lesa má hér aftar í blaðinu í lauslegri þýðingu.
Í síðustu viku greindum við frá því að brestur væri kominn í fæðu-
öryggi okkar Íslendinga. Vegna skertrar framleiðslugetu á grænmeti
á Spáni var Ísland fyrsta landið til að fá ekki sent grænmeti þaðan.
Fyrirsjáanlegur væri því skortur á innfluttu grænmeti hér á landi,
svo sem á gúrkum og tómötum. Mér þótti þetta afar merkilegt. Það
skyldi þó aldrei vera að hin meinta aðild okkar að evrópsku efnahags-
svæðinu risti ekki dýpra en þetta? Þegar á reynir passar hvert land
nefnilega upp á sitt og greinilegt að Ísland er ekki gjaldgengur þátt-
takandi í ESB.
Þetta tvennt sem ég hef nefnt hér að framan, það er sýklalyfjanotk-
un í matvælaframleiðslu erlendis og brestir í fæðuöryggi, sannfærir
mig um eitt. Við Íslendingar eigum að nýju að verða sjálfum okkur
nægir í matvælaframleiðslu. Ekki ósvipað og við vorum fyrir á að
giska hálfri öld eða svo. Við eigum að leggja alla áherslu á að fram-
leiða hér heima þann mat sem við þurfum til að tryggja fæðuöryggi
okkar sjálfra ef til óvissutíma kemur, líkt og nú. Við eigum ekki að
láta heildsala og stórkaupmenn ráða því hvað við fáum keypt til mat-
ar. Hættum að sýna einhverjum peningaöflum linkind, stöndum keik
og verjum það sem við erum best í, nefnilega innlenda matvælafram-
leiðslu. Við höfum jú hreinasta landið, frjósama mold, nægan jarð-
hita, endurnýjanlega orku og heilnæmasta kjötið. Við erum því rík
þjóð af auðlindum, en það finnast sífellt einhverjir sem eru tilbúnir
að tala þetta niður. Við veiðum besta fiskinn í heiminum og eigum að
éta hann sjálf, við ræktum áfram heilnæmasta kjöt í heimi, án sýkla-
lyfja, getum framleitt grænmeti allt árið og eigum að bjóða garð-
yrkjumönnum að kaupa rafmagn á sama verði og stóriðjan. Núver-
andi okur á rafmagni til þeirra er vissulega í boði stjórnvalda.
Dustum því rykið af slagorðum á borð við; „Kaupum íslenskt,“
„Styðjum innlenda framleiðslu“ og „Verslum í heimabyggð.“ Lærum
af þeirri reynslu sem nú er að hlaðast upp og berum höfuðið hátt.
Slíkt kallast ekki þjóðremba, heldur hrein og klár skynsemi.
Magnús Magnússon
Heiðar Örn Jónsson hefur ver-
ið ráðinn í starf eldvarnareftir-
litsmanns og varaslökkviliðsstjóra
Slökkviliðs Borgarbyggðar. Þrír
aðrir sóttust eftir starfinu þegar
það var auglýst; Bergur Már Sig-
urðsson, Sigurður Þór Elísson og
Viktor Örn Guðmundsson en að
loknu ráðningarferli var ákveðið að
ráða Heiðar til starfsins. Hann hef-
ur störf um miðjan aprílmánuð.
Heiðar hefur stundað nám í
húsasmíði en er auk þess menntað-
ur atvinnuslökkviliðsmaður, með
stjórnendaréttindi fyrir slökkvilið
og sjúkra- og neyðarflutningamað-
ur. Hann hefur unnið að slökkvi-
liðs- og sjúkraflutningamálum frá
2014.
Hann hefur starfað sem hluta-
starfandi slökkviliðsmaður hjá
Brunavörnum Árnessýslu og sem
neyðarflutningamaður á Heil-
brigðisstofnun Suðurlands. Áður
var hann slökkviliðsmaður hjá
Slökkviliði Borgarbyggðar, sjúkra-
flutningamaður hjá Slökkviliði
höfuðborgarsvæðisins og smiður
hjá EJI og Vörðufelli.
kgk
Mennta- og menningarmálaráð-
herra úthlutaði úr aðalúthlut-
un Safnasjóðs 2020 laugardag-
inn 21. mars síðastliðinn. Samtals
var úthlutað rúmum 177 milljón-
um króna. Úr aðalúthlutun voru
veittir 111 styrkir til 48 styrk-
þega, samtals að verðmæti rúmlega
139,5 milljónir, en 177 umsókn-
ir bárust. Einnig var 13 öndvegis-
styrkjum úthlutað til viðurkenndra
safna, en 23 umsóknir um slíka bár-
ust sjóðnum. Úthlutanir öndvegis-
styrkja skiptast svo: 37,7 milljónir í
ár, 40,7 á næsta ári og 32 milljón-
ir fyrir 2022. Heildarupphæð önd-
vegisstyrkjanna fyrir árin þrjú nem-
ur 110,4 milljónum króna, með fyr-
irvara um fjármögnun safnasjóðs á
næsta ári og 2022.
Styrkir til tíu verkefna
Fjögur söfn á Vesturlandi fengu
styrki til tíu verkefna við aðalút-
hlutun úr safnasjóði að þessu sinni.
Byggðasafn Dalamanna fékk 2,5
milljóna króna styrk vegna pökkun
safnskosts og flutninga.
Byggðasafn Snæfellinga og
Hnappdæla fékk fjóra styrki: 1,4
milljónir til skráningar safnmuna,
700 þúsund til Skotthúfunnar
2020, 660 þúsund í viðbrögð við
eftirliti Safnaráðs og 500 þús króna
styrk til sýningarinnar Landfestar
við Silfurgarð/Áttundi áratugurinn
í Flatey.
Byggðasafnið í Görðum á Akra-
nesi fékk þrjá styrki: 2,3 milljónir til
skipulagðar safnfræðslu, 1,5 milljón
til skráningar safngripa í Sarp og
1,3 milljónir í bætta varðveislu.
Landbúnaðarsafn Íslands á
Hvanneyri fékk tveimur styrkjum
úthlutað. Annars vegar 1,4 milljóna
króna styrks til skráningar muna
safnsins og hins vegar 750 þúsund
krónur til verkefnisins Náttúru-
túlkun í Gestastofu fyrir friðland
fugla í Andakíl.
Tveir öndvegisstyrkir
Byggðasafn Snæfellinga og Hnapp-
dæla - Norska húsið, fær samtals 9,5
milljóna króna öndvegisstyrk vegna
nýrrar grunnsýningar á næstu þrem-
ur árum. Tveimur milljónum er út-
hlutað á þessu ári, fimm á því næsta
og 2,5 árið 2022.
Byggðasafn Borgarfjarðar í Safna-
húsi fær samtals fjögurra milljóna
króna styrk til að hlúa að eldri safn-
kosti og miðlun hans. Eru tvær millj-
ónir veittar í ár og tvær á næsta ári.
kgk
Heiðar Örn Jónsson.
Ljósm. Borgarbyggð.
Heiðar Örn ráðinn til
Slökkviliðs Borgarbyggðar
Norska húsið í Stykkishólmi. Byggðasafn Snæfellinga og Hnappdæla fékk flesta
styrki vestlenskra safna að þessu sinni þegar úthlutað var úr Safnasjóði. Ljósm.
úr safni.
Söfn á Vesturlandi fengu
styrki úr Safnasjóði
Ganga af svonefndum aldamótak-
arfa virðist hafa gengið inn á Borg-
arfjörð og hefur hans sömuleiðis
orðið vart meðfram ströndinni allt
suður á Akranes. Síðdegis á mánu-
daginn fengu dorgveiðimenn á
Borgarnesbryggju nokkra slíka fiska
og sömuleiðis stangveiðimenn sem
voru að renna fyrir silung á Seleyri.
Á meðfylgjandi mynd hampar Þor-
leifur Geirsson í Borgarnesi vænum
karfa sem hann veiddi á mánudags-
kvöldið á bryggjunni í Borgarnesi.
Karfinn reyndist rétt tæp sex kíló
að þyngd og afar bragðgóður að
sögn Þorleifs, en hann kveðst hafa
grillað hann í hádeginu í gær.
mm/ Ljósm. km
Aldamótakarfi veiðist nú í Borgarfirði