Skessuhorn - 13.05.2020, Blaðsíða 4

MIÐVIKUDAGUR 13. MAÍ 20204
Garðabraut 2a - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til kl. 12.00 á þriðjudögum.
Blaðið er gefið út í 3.700 eintökum og selt til áskrifenda og í lausasölu.
Áskriftarverð er 3.280 krónur með vsk. á mánuði. Elli- og örorkulífeyrisþegar greiða
kr. 2.840. Rafræn áskrift kostar 2.570 kr. Rafræn áskrift til elli- og örorkulífeyrisþega er 2.370 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 950 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Kristján Gauti Karlsson kgauti@skessuhorn.is
Anna Rósa Guðmundsdóttir arg@skessuhorn.is

Auglýsingar og dreifing:
Hrafnhildur Harðardóttir auglysingar@skessuhorn.is
Umbrot og hönnun:
Ómar Örn Sigurðsson umbrot@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Leiðari
Eltst við axarsköft
Á mínum yngri árum voru þau ýmis störfin sem ég tók mér fyrir hendur.
Var fyrstu þrátíu árin búsettur í sveit og tók að mér sitthvað sem bauðst
svona milli þess sem ég mjólkaði kýr, var í heyskap eða sinnti öðrum bú-
störfum. Þannig var ég einhver árin bensínstittur í sveitabúðinni, nokk-
ur ár húsvörður í félagsheimilinu, vann tvo vetur í fiskeldisstöðinni en á
haustin var ýmist farið á vertíð í Grindavík eða í sláturhúsið í Borgarnesi.
Skaut lömb sum haustin en var ástöðumaður á fjárbíl önnur. Í rúmlega tvö
ár var ég svo búsettur í Danmörku og vann þar fyrst við að pakka sykri en
eftir það í ísverksmiðju við pinnaíssframleiðslu ofan í sólþyrsta evrópubúa.
En þessari lausamennsku á vinnumarkaði lauk í kjölfar þess að ég aflaði
mér háskólamenntunar um þrítugt. Eftir á að hyggja líkaði mér alltaf best
í þeim störfum þegar var svona ófyrirsjáanlegt að morgni hvernig dagur-
inn yrði. Mér fannst þannig skemmtilegra að standa á fjárbílnum í slátur-
tíð og koma á bæi víðsvegar í sveitum og hitta skemmtilegt fólk. Það voru
líflegri haust en þau sem ég stóð við færibandið og aflífaði lömb. Þótt alltaf
væri það nýtt lamb sem fór undir pinnann, þá var þetta svona rútínuvinna
og þegar búið er að skjóta kannski á þriðja þúsund lömb yfir daginn, þá var
þetta orðin talsverð endurtekning. Þrátt fyrir það var starfið vissulega lif-
andi, (nú kváir einhver), en það helgast af því að í fjárréttina kom skemmti-
legt fólk til að framvísa fé. Stundum komu karlarnir upp að skotrennunni
og spjölluðu um lífið og tilveruna, veðrið, vænleika dilkanna, kvenfélagið
eða sögðu sögur úr sveitinni. Hátíðisdagar voru sérstakir þegar Óli heitinn
á Grjóti var mættur. Þeir skilja það sem til hans þekktu.
En þrátt fyrir fjölda starfa og lausung á vinnumarkaði framan af starfs-
ævinni, hef ég nú tollað í því starfi sem ég nú gegni meira og minna í rúma
tvo áratugi. Það helgast af því að starf ritstjórans er býsna fjölbreytt. Í því
er maður í samskiptum við fjölda fólks utan sem innan Vesturlands og trúið
mér; það er enginn dagur fyrirsjáanlegur í minni vinnu. Vegna fjölbreytni
viðfangsefna og þeirra mála sem þarf að setja sig inn í hef ég stundum sagt
að ég njóti þeirra forréttinda að vera í stöðugu námi. Alltaf að læra eitthvað
nýtt. Ef ekki hvernig best er að haga sér í samskiptum við ólíkt fólk, þá eitt-
hvað um ólíkan rekstur, fjölbreytta menningu og almennt þau verkefni sem
tilheyra lífi og starfi þeirra sem hér búa. Þessum fjölbreytileika fagna ég.
En nú síðustu tvær vikur hefur heldur betur dregið úr fjölbreytileika
míns starfs. Vil ég meina að það geti ég kennt um einum og sama ráðherr-
anum. Hef ég verið bókstaflega á kafi í umfjöllun um axarsköft hans og
afleiðingar þeirra. Fyrir hálfum mánuði hófst þetta allt þegar téður ráð-
herra ákvað fyrirvaralaust að stöðva allar grásleppuveiðar við landið. Hann
gleymdi að vinna heimavinnuna sína og greip ekki inní ofveiði norðan við
landið sem leiddi til þess að kvóti ársins var búinn áður en vestlenskir grá-
sleppukarlar voru byrjaðir. Ef eitthvað er að marka veiðiráðgjöf Hafró er
því búið að ofveiða grásleppu norðan við land og vanveiða úr stofninum
hér fyrir vestan. Því allir eiga að geta séð að grásleppa er ekki flökkustofn,
fremur en ég er spretthlaupari! Ráðherrann er ekki enn búinn að kippa
þessu máli í liðinn og ég er ekki frá því að jafnvel hörðustu Sjálfstæðis-
menn séu búnir að fá nóg af kauða og embættisfærslum hans og ákalla nú
Jón gamla Bjarnason eins og mammon snöggra lausna. Svo til að bæta gráu
ofan á svart, ákvað þessi sami ráðherra, kannski sem meinta smjörklípu, að
skella inn á þing frumvarpi þess efnis að bændur eigi ekki lengur að marka
lömbin sín að vori! Halló! - Hvað næst? Ef þessi ráðherra fer ekki að draga
úr axarsköftum sínum, þannig að ég geti farið að skrifa fréttir um eitthvað
annað en snertir hann og hans embættisfærslur, þá nenni ég þessu ekki
lengur. Ég hverf þá frekar til annarra og meira lifandi starfa, til dæmis að
skjóta lömb í sláturhúsi.
Magnús Magnússon
Sauðfé hefur ekki verið færra á Ís-
landi í fjörutíu ár, samkvæmt hag-
tölum landbúnaðarins sem unn-
ar eru úr haustskýrslum. Frá því er
greint í síðasta Bændablaði að um
áramótin taldist ásett sauðfé í land-
inu vera 416 þúsund að meðtöldum
tæplega 1500 geitum. Árið 1980
taldist vetrarfóðrað sauðfé vera 828
þúsund í landinu. Fimm árum síðar
var farið að fækka nokkuð í stofn-
inum sem þá var 709 þúsund. Árið
1990 var talan komin í 549 þúsund
og í 458 þúsund árið 1995. Árið
2000 var sauðféð 465 þúsund og
hefur sá fjöldi haldist nokkuð svip-
aður, upp eða niður um 10.000 fjár
eða svo. Þannig komst fjöldinn í
480 þúsund árið 2010 og mest í 487
þúsund fjár árið 2014. Síðan hefur
sauðfénu fækkað nær jafnt og þétt
og var komið í 415.949 gripi á síð-
asta ári. mm
Þórólfur Guðnason sóttvarnalækn-
ir mun leggja til við heilbrigðis-
ráðherra að þær ferðatakmarkanir
sem nú eru í gildi vegna Covid-19
faraldursins verði það áfram eft-
ir 15. maí, líklega mánuði lengur
en hugsanlega skemur. Þetta kom
fram á upplýsingafundi almanna-
varna á mánudag. Núverandi fyr-
irkomulag, sem gildir til 15. maí,
kveður á um bann við komu rík-
isborgara utan EES og EFTA til
landsins, auk tveggja vikna sóttkví-
ar allra sem til landsins koma.
Á mánudag voru fjórir dagar liðn-
ir frá því síðast greindist smit hér á
landi. Sagði Þórólfur að hægt væri
að fullyrða að hér á landi væri sam-
félagslegt smit í lágmarki. „En við
getum líka sagt að veiran er örugg-
lega ekki farin úr samfélaginu,“
sagði Þórólfur.
kgk
Alls höfðu verið veitt leyfi fyr-
ir veiðum á 423 strandveiðibát-
um áður en strandveiðitímabilið
hófst mánudaginn 4. maí síðastlið-
inn. Eru það umtalsvert fleiri bátar
en hófu tímabilið á síðasta ári. Þá
voru 249 bátar með leyfi við upp-
haf tímabilsins en enduðu 620 í lok
sumars.
Flest leyfi höfðu við upphaf tíma-
bilsins nú verið gefin út á Svæði A,
sem nær frá Eyja- og Miklaholts-
hreppi til Súðavíkurhrepps, eða
170 talsins. Næstflest voru leyfin
á svæði D, eða 130 talsins, en það
svæði nær frá Hornafirði til Borg-
arbyggðar. „Athygli vekur að leyfin
á svæði D eru nú orðin fleiri en allt
árið 2018 og aðeins vantar níu leyfi
til að ná fjölda leyfa 2019,“ segir á
vef Landssambands smábátaeig-
enda. kgk/ Ljósm. úr safni/ af.
Á fundi bæjarráðs Akraneskaup-
staðar í síðustu viku var rætt um
fyrirhuguð samvinnuátaksverkefni
sveitarfélaga og ríkisins til fjölg-
unar sumarstarfa fyrir námsmenn.
Bæjarráð samþykkti að veita allt
að 25 milljónum króna í átaks-
verkefnið. Fjárheimildin miðast
við ráðningu í alls 50 störf í tvo
mánuði. Samþykktin er einnig
gerð með fyrirvara um samþykki
Alþingis á fjáraukalögum sem nú
liggja fyrir þinginu.
Akraneskaupstaður mun líkt og
önnur sveitarfélög þurfa að sækja
um sérstaka ráðningarheimild til
Vinnumálastofnunar en samþykki
stofnunarinnar er forsenda heim-
ildar sveitarfélaga til auglýsingar
á viðkomandi störfum og munu
þurfa að uppfylla ákveðin skilyrði
til þátttöku. Sveitarfélög þurfa
t.d. að skapa ný störf í tengslum
við sumarátaksstörf og eiga hefð-
bundin sumarafleysingarstörf því
ekki við í þeim tilfellum. Náms-
menn sem þiggja slíka vinnu þurfa
að vera 18 ára og vera á milli anna
í framhaldsskóla. Ráðningartím-
inn verður að hámarki tveir mán-
uðir á tímabilinu frá 1. júní til 31.
ágúst.
mm
Margir á veiðum við upphaf tímabilsins
Þórólfur Guðnason sóttvarnalæknir. Ljósm. úr safni.
Ferðatakmarkanir næsta mánuðinn
Ekki færra sauðfé á Íslandi í fjörutíu ár
Samþykktu fjárveitingu til að fjölga
sumarstörfum námsfólks