Skessuhorn - 13.05.2020, Blaðsíða 18

MIÐVIKUDAGUR 13. MAÍ 202018
Sæfrost ehf. er fiskvinnslufyrirtæk-
ið í Búðardal. Starfsemi þess hefur
undanfarin ár fyrst og fremst snú-
ist um grásleppufrystingu og sölt-
un hrogna. Nú hefur eins og kom-
ið hefur fram Kristján Þór Júlíus-
son sjávarútvegsráðherra ákveðið
að stöðva allar grásleppuveiðar við
landið vegna mikilla veiða norðan
við land. Eftir 20. maí verður þó
leyfislegt að veiða allt að fimmtán
daga á innanverðum Breiðafirði.
Þessi ákvörðun ráðherrans kem-
ur sér afar illa fyrir fyrirtæki eins
og Sæfrost. Breki Bjarnason fram-
kvæmastjóri skrifaði atvinnuvega-
nefnd Alþingis opið bréf í síðustu
viku. Þar segir hann m.a. að fyrir-
tækið hafi verið hratt vaxandi og
var í fyrra annað stærsta á landinu
í vinnslu á grásleppu með á sjötta
hundrað tonn. Sæfrost hefur trygg-
ar sölur á bæði vottuðum og óvott-
uðum hrognum til Marenor AB í
Svíþjóð. „Grásleppuvertíðin hef-
ur tryggt atvinnu undanfarin ár í
um fimm mánuði á ári, frá miðjum
mars og fram í miðjan ágúst, og er
aðal rekstrargrundvöllur fyrirtækis-
ins. Þó fyrst og fremst tímabilið frá
20. maí þegar innra svæðið opnar í
Breiðafirði,“ skrifar Breki.
„Það er svolítið sérstakt að veiðar
skulu stöðvaðar því það er of mikið
af grásleppu, en aldrei hafa veiðar
verið stöðvaðar. Ef um loðnu væri
að ræða væri búið að „leita“ og auka
við kvótann. Sérstaklega eins og nú
árar. Í því samhengi vil ég benda
á að kostnaður við loðnuleit nam
1.385 milljónum króna á fjögurra
ára tímabili frá 2015 til 2018. Frá
þeim tíma þykist ég vita að kostn-
aður hafi heldur aukist þó ég hafi
ekki gögn þar um. Það er því ekki
til of mikils mælst að Hafró verði
látin endurskoða ráðgjöfina. Það
hlýtur að vera sanngjörn krafa þeg-
ar útlit er fyrir að grásleppugengd
sé sú mesta í áratugi. Eins og seg-
ir í úrskurði atvinnuvegaráðuneyt-
isins frá 5. júlí 2019 um útgefna
veiðidaga á grásleppuveiðum, þá
er grásleppuveiðum stjórnað með
sóknarstýringu og er hverju skipi
úthlutað ákveðnum fjöldi veiði-
daga. Grásleppuveiðum hefur ver-
ið stjórnað með sóknarstýringu allt
frá árinu 1997 og er hverju skipi út-
hlutað ákveðnum fjöldi veiðidaga
sem útgerðir hafa getað gengið að
vísu,“ skrifaði Breki.
mm
Á fundi bæjarráðs Akraness í síð-
ustu viku var fjallað um reglugerð
atvinnuvega- og nýsköpunarráðu-
neytis sem útgefin var 30. apríl síð-
astliðinn um bann við grásleppu-
veiðum frá og með miðnætti að-
fararnótt sunnudagsins 3. maí. Bæj-
arráð bókaði eftirfarandi: „Bæj-
arráð Akraness tekur undir með
félagsmönnum í smábátafélaginu
Sæljóni á Akranesi og mótmælir
fordæmalausri ákvörðum sjávarút-
vegs- og landbúnaðarráðherra um
að stöðva grásleppuveiðar með allt-
of skömmum fyrirvara. Bæjarráð
Akraness bendir á að misvægi er á
milli landshluta hvað varðar grá-
sleppuveiðar og gerir þá kröfu að
ráðherra endurskoði ákvörðun sína
þannig að jafnræðis verði gætt.“
Áskorunin hefur verið send sjáv-
arútvegs- og landbúnaðarráðherra
ásamt þingmönnum Norðvestur-
kjördæmis. mm
„Bæjarstjórn Stykkishólmsbæj-
ar mótmælir kröftuglega ákvörðun
sjávarútvegs- og landbúnaðarráð-
herra um að stöðva fyrirvaralaust
grásleppuveiðar við landið. Stykk-
ishólmshöfn hefur verið einn helsti
löndunarstaður grásleppu á landinu
um árabil. Af 5.000 tonna heildar-
afla í grásleppu á síðasta ári var
30% hans veiddur við innanverð-
an Breiðafjörð. Í Stykkishólmi var
22% af öllum grásleppuafla lands-
ins landað. Hlutfall grásleppu í
lönduðum heildarafla í Stykkis-
hólmshöfn nam 35% árið 2019,“
segir í ályktun bæjarstjórnar sem
samþykkt var 6. maí síðastliðinn.
„Í ljósi núverandi stöðu efna-
hags- og atvinnumála vegna kórón-
uveirunnar er um að ræða gríðar-
legt viðbótaráfall fyrir samfélagið í
Stykkishólmi. Gildir það um grá-
sleppusjómennina, vinnslurnar og
þeirra starfsfólk auk þess sem þetta
hefur veruleg áhrif á tekjur sveitar-
félagsins í gegnum hafnarsjóð og
þau störf sem hugsanlega munu
tapast. Þá eru viðskiptasambönd
og samningar vinnsluaðila í hættu
á að glatast. Takmörkunin mun að
óbreyttu hafa áhrif á 150 störf hér
á svæðinu og ætla má að um sé að
tefla hálfan milljarð í verðmæta-
sköpun.
Nú sem aldrei fyrr þarf samfé-
lagið stuðning opinberra stofnana
til að takast á við þessar fordæma-
lausu aðstæður. Nauðsynlegt er að
skoða frá ýmsum hliðum þá mögu-
leika sem eru fyrir hendi til að forða
frekara efnahagstjóni. Mikilvægt er
að nýta þær bjargir sem standa til
boða í samræmi við þá stefnu sem
mótuð hefur verið um stjórn fisk-
veiða.“
Þá segir í ályktun bæjarstjórnar
að til að vernda æðarvarp á svæð-
inu hafi tíðkast í áratugi að grá-
sleppuveiðar við Breiðafjörð hefjist
ekki fyrr en 20. maí ár hvert. „Sú
náttúruvernd hefur mætt almenn-
um skilningi og verið talin til fyr-
irmyndar. Dagarnir fimmtán sem
veiða má við Breiðafjörð frá og
með 20. maí bæta ekki upp þá 44
daga sem sjómenn gerðu ráð fyrir
að geta gert út. Bæjarstjórn Stykk-
ishólmsbæjar skorar á Hafrann-
sóknastofnun og sjávarútvegs- og
landbúnaðarráðherra að endur-
skoða heimild til grásleppuveiða á
innanverðum Breiðafirði og fjölga
veiðidögum þar til samræmis við
áður gildandi reglugerð. Í því sam-
bandi vekur bæjarstjórnin m.a. at-
hygli á eftirfarandi:
• Árlegur grásleppuafli við
innanverðan Breiðafjörð hefur ver-
ið 1.050 tonn undanfarin fimm ár.
• Stofnvísitala grásleppu vex
milli mælinga og engin vísindaleg
gögn hafa komið fram um að stofn-
stærð grásleppu standi ekki undir
þeirri nýtingu sem fyrri viðmiðun-
argildi ráðgjafarreglu gerði ráð fyr-
ir.
• Eins og bent hefur verið á af
þeim sem til þekkja er full ástæða til
að draga í efa reiknistuðla Hafrann-
sóknastofnunar við uppreikning á
tunnumagni fyrri ára sem leiddi til
skerðingar á ráðgjöf stofnunarinnar
á leyfilegu heildaraflamarki í ár.
• Mikil grásleppugengd og
afli við Norðurland bendir til að
stofnin sé stærri en Hafrannsókna-
stofnun gerir ráð fyrir í sinni ráð-
gjöf.
• Fyrir liggur að vinnslurn-
ar á svæðinu hafa sölumarkað fyrir
sambærilegt magn og var á síðasta
ári.
• Hafrannsóknastofnun hef-
ur margoft endurskoðað útgefn-
ar aflaheimildir í ljósi nýrra upp-
lýsinga. Má þar nefna heimildir til
loðnuveiða í gegnum tíðina.
Bæjarstjórn Stykkishólmsbæjar
skorar jafnframt á Alþingi að endur-
skoða strax núverandi fyrirkomulag
á grásleppuveiðum þannig að þessi
staða geti ekki komið upp aftur.
Það getur ekki staðist til frambúðar
að grásleppusjómenn á innanverð-
um Breiðafirði, sem fara síðastir af
stað, þurfi að bíða í von og óvon
eftir því hvernig veiðin gangi á öðr-
um svæðum. Að óbreyttu er hætta
á að hagsmunir grásleppusjómanna
og æðarbænda á Breiðafirði skarist
og ógni þar með sátt sem hefur ríkt
um vernd æðarfugls og náttúru við
Breiðafjörð í áratugi.“
mm
Á fundi bæjarstjórnar Snæfellsbæjar
síðastliðinn fimmtudag var rætt um
nýja reglugerð atvinnuvega- og ný-
sköpunarráðuneytisins frá 30. apríl
síðastliðins varðandi bann við grá-
sleppuveiðum frá og með aðfarar-
nótt sunnudagsins 3. maí. Bæjar-
stjórn samþykkti samhljóða eftir-
farandi bókun:
„Bæjarstjórn Snæfellsbæjar tek-
ur heilshugar undir mótmæli bæj-
arráðs Akraness og bæjarstjórnar
Stykkishólmsbæjar og mótmæl-
ir fordæmalausri ákvörðun sjávar-
útvegs- og landbúnaðarráðherra
um að stöðva grásleppuveiðar með
alltof skömmum fyrirvara. Bæjar-
stjórn Snæfellsbæjar tekur undir
með ofangreindum sveitarfélögum
að með ákvörðun sinni hafi sjávar-
útvegsráðherra komið á miklu mis-
vægi á milli landshluta hvað varðar
grásleppuveiðar og gerir þá kröfu
að ráðherra endurskoði ákvörðun
sína nú þegar þannig að jafnræðis
verði gætt.“
mm
Haraldur Jónsson grásleppukarl á Inga Rúnari AK-35 þurfti líkt og aðrir að taka
upp öll net sín í kjölfar ákvörðunar ráðherra. Hér eru netapokarnir á leið í land
sunnudaginn 3. maí.
Bæjarráð krefst þess að ráðherra
endurskoði ákvörðun sína
Ástgeir Finnsson grásleppusjómaður
í Ólafsvík þurfti laugardaginn 2. maí
að róa lífróður í land til að koma
veiðarfærum og afla í land fyrir
skyndistopp Kristjáns Þórs Júlíussonar
á grásleppuveiðum. Ljósm. af.
Mótmæla sömuleiðis
Bátar Sæfrosts eru nú bundnir við bryggju verkefnalausir. Tjaldur BA-68 og Stormur BA-500. Búið er að róa á Tjaldi BA á yfir
50 grásleppuvertíðar, en báturinn var smíðaður í Bátasmiðju Breiðafjarðar 1955.
Ákvörðun ráðherra er
reiðarslag fyrir Sæfrost í Búðardal
Bæjarstjórn mótmælir kröftuglega stöðvun grásleppuveiða