Morgunblaðið - 17.06.2020, Blaðsíða 46

VESTMANNAEYJAR46
MORGUNBLAÐIÐ MIÐVIKUDAGUR 17. JÚNÍ 2020
Ásgeir Ingvarsson
ai@mbl.is
Berglind Sigmarsdóttir segir að
með nýrri ferju og tíðari ferðum á
milli Landeyjahafnar og Vest-
mannaeyja sé engin afsökun leng-
ur fyrir því að heimsækja ekki
Vestmannaeyjar. „Er upplagt að
koma hingað í dagsferð og enn
betra ef tími gefst til að gista og
dvelja lengur svo að ráðrúm gefist
til að upplifa allt það sem Vest-
mannaeyjar hafa upp á að bjóða. Á
þessu tiltölulega litla svæði er svo
ótalmargt til að sjá og gera, og
raunar ætti að vera óhætt að skilja
bílinn eftir við Landeyjahöfn því
þegar komið er út í Eyjar er stutt
á milli staða og hægt að ganga eða
hjóla um alla Heimaey á stuttum
tíma.“
Berglind er formaður Ferða-
málasamtaka Vestmannaeyja en
einnig veitingafrömuður því hún og
eiginmaður hennar Sigurður Gísla-
son landsliðskokkur reka heilsu-
veitingastaðinn Gott og flatböku-
staðinn Pítsugerðina. Ugglaust
eiga margir lesendur mat-
reiðslubók Berglindar og Sigurðar
uppi í hillu í eldhúsinu því þau
gáfu á sínum tíma út metsölubók-
ina Heilsuréttir fjölskyldunnar.
Gott hóf starfsemi fyrir sex árum
og voru móttökurnar svo góðar að
hjónin ákváðu að opna útibú með
sama nafni í miðbæ Reykjavíkur.
„Sonur okkar veiktist og þurfti á
sérstöku mataræði að halda en við
rákum okkur á að oft virtist
heilsusamlegur matur frekar
bragðlítill og óspennandi. Ég
sökkti mér ofan í þessi fræði og
rýndi í hvaða hráefni væri best að
nota, og Sigurður nýtti bakgrunn
sinn sem meistarakokkur til að
gera ljúffenga rétti úr þessu holla
hráefni,“ segir Berglind söguna.
„Bókin fékk afskaplega góðar við-
tökur og í framhaldinu ákváðum
við að opna veitingastað byggðan á
sömu hugmyndafræði og rann-
sóknum.“
Gott er einn af fjölmörgum
framúrskarandi veitingastöðum í
Vestmannaeyjum og segir Berg-
lind veitingageira bæjarfélagsins
miklu öflugri en ætla mætti að
íbúafjöldinn gæfi tilefni til. „Veit-
ingastaðirnir hérna eru reknir af
miklu metnaði og birtist árang-
urinn m.a. í því að þegar leitað er
að bestu veitingastöðum Suður-
lands á Tripadvisor þá eru a.m.k.
tveir eða þrír staðir úr Vest-
mannaeyjum í hópi þeirra allra
bestu.“
Berglind fæst ekki til að gera
upp á milli veitingastaðanna í bæn-
um, en þeir sem til þekkja vita að
matgæðingar sem staldra stutt við
standa oft frammi fyrir miklum
valkvíða þegar stigið er á land í
Vestmannaeyjum. Fyrir áhuga-
sama má nefna staði á borð við
handverksbrugghúsið Brother‘s
Brewery, Slippinn og Einsa Kalda.
Nýir staðir bætast reglulega við og
var t.d. skyndibitastaðurinn Éta
opnaður á vordögum við góðar við-
tökur.
Jafnast á við að fara í
golfferðalag til Spánar
Svo margt er í boði í Vest-
mannaeyjum að ekki væri hægt að
telja það allt upp í einu viðtali.
Berglind nefnir þó sérstaklega á
söfn bæjarins: Eldheima, Sagn-
heima og Sea Life Trust sem hýsir
núna tvo káta mjaldra sem senn
verða fluttir í rúmgóða sjókví.
„Áhugafólk um golf hefur líka upp-
götvað að heimsókn til Vest-
mannaeyja jafnast alveg á við það
að fara í golfferðalag til Spánar.
Þar sem kórónuveirufaraldurinn
hefur valdið því að ekki er lengur
hægt að skjótast til Islantilla eða
La Manga þarf að leita uppi bestu
vellina á Íslandi. Golfvöllurinn í
Vestmannaeyjum hefur oft lent á
topplista virtustu vefsíðna og tíma-
rita yfir fallegustu náttúrulegu
golfvelli heims og leitun að golf-
velli í öðru eins umhverfi. Er auð-
velt að komast þar að og taka
nokkra hringi, og upplagt að ljúka
ánægjulegum degi á golfvellinum
með heimsókn á góðan veitinga-
stað og gista síðan á notalegu hót-
eli yfir nóttina.“
Á vefsíðunni VisitVestmannaeyj-
ar.is má finna ágætis yfirlit yfir þá
þjónustu og afþreyingu sem er í
boði á svæðinu og segir Berglind
að allir eigi að geta fundið eitthvað
við sitt hæfi. „Það má skoða
Heimaey á tveimur jafnfljótum og
njóta kyrrðarinnar og náttúrunnar,
eða leyfa adrenalíninu að streyma
á fjórhjóli ellegar sjókajak. Alls
kyns ferðir eru í boði, bæði á landi
og á sjó, og sundlaugin í miklu
uppáhaldi hjá barnafjölskyldum.“
Þar sem matgæðingar fá valkvíða
 Veitingastaðirnir í Vestmannaeyjum þykja hver öðrum betri og golfvöllurinn einn sá fallegasti í heimi
Ljósmynd/Óskar Friðriksson
Hraði Berglind segir bæði hægt að upplifa ró eða leyfa adrenalíninu að streyma í ferðalagi til Vestmannaeyja.
Ljósmynd/Óskar Friðriksson
Innlifun Safnið Eldheimar gerir sögu eldgossins mjög góð skil.
Ljósmynd/Óskar Friðriksson
Öflug Berglind við afgreiðsluborðið. Veitingastaðir í Eyjum þykja bera af.
Það styttist í að ár verði liðið frá því
nýr Herjólfur var tekinn í notkun.
„Ferjan kom til landsins 15. júní en
þá tók við undirbúnings- og þjálf-
unartímabil og
var nýr Herjólfur
settur í rekstur
þann 25. júlí,“
segir Guðbjartur
Ellert Jónsson,
framkvæmda-
stjóri Vest-
mannaeyjaferj-
unnar Herjólfs
ohf.
Fyrsta rekstr-
arár nýju ferj-
unnar hefur gengið lygilega vel, að
sögn Guðbjarts. „Við fengum afskap-
lega gott veður sem gerði okkur lífið
léttara og hafa aldrei verið jafn tíðar
siglingar milli Vestmannaeyja og
Landeyjahafnar.“
Nýja ferjan er með tvinn-aflrás og
getur siglt til og frá Landeyjahöfn á
raforkunni einni saman. Fullkomnir
rafhleðsluturnar voru reistir í landi
og úti í Eyjum í september og októ-
ber síðastliðnum en bilun kom upp í
turninum í Landeyjahöfn. „Bilunin
snýr að því að þrívíddarauga er notað
til að greina staðsetningu rafmagns-
klóarinnar á skipinu og tengja saman
turn og skip með sjálfvirkum hætti.
Þrívíddaraugað í Landeyjahöfn hætti
að virka sem skyldi en töf varð á að
erlendir tæknimenn gætu komið til
landsins að laga bilunina enda rask-
aði kórónuveiran ferðum til og frá
landinu,“ útskýrir Guðbjartur.
Tengiturninn í Vestmannaeyjum
hefur hins vegar virkað fullkomlega
og siglir Herjólfur nær hljóðlaust
aðra leiðina, knúinn áfram af raforku.
Guðbjartur segir það sérstaka upp-
lifun að ferðast með ferjunni og
heyra ekki drunur í skipsvél. „Hljóð-
vistin um borð er allt önnur og him-
inn og haf á milli nýja og gamla Herj-
ólfs. Þá er nýja ferjan þannig hönnuð
að siglingin er mýkri og fer betur um
farþega. Þá er dekkið á nýja skipinu
þannig hannað að farþegar geta
gengið allan hringinn og notið allrar
þeirrar náttúrufegurðar sem fyrir
augu ber á siglingunni.“
Stefnir í ágætan júní
Það er rúmt um farþega í nýju
ferjunni og í dag þarf ekki að gera
sérstakar ráðstafanir vegna smit-
varna. Á tímabili þurfti þó að virkja
neyðaráætlun þar sem daglegum
siglingum var fækkað úr sjö niður í
þrjár og aðeins ein áhöfn að störfum
hvern dag til að lágmarka líkurnar á
að smit gæti breiðst út á meðal
starfsmanna. „Við komum upp sér-
stakri aðstöðu fyrir farþega sem
halda þurfti aðskildum frá öðrum og
útbjuggum skipið þannig að sem
minnstur samgangur væri á milli far-
og gangi reksturinn betur í dag en
bjartsýnustu spár gerðu ráð fyrir. „Í
maí var farþegafjöldinn þó ekki nema
58% af því sem hann var á sama tíma-
bili í fyrra. Stefnir í að júní verði
ágætur og greinilegt af samsetningu
farþega að Íslendingar eru byrjaðir
að ferðast um landið og margir sem
skjótast í dagsferð til Vestmanna-
eyja.“
Þegar hann er beðinn um góð ráð
handa ferðalöngum sem hyggjast
heimsækja Vestmanaeyjar í sumar
minnir Guðbjartur á að siglingin frá
Landeyjahöfn taki aðeins 35 til 40
mínútur og taki því ekki nokkra
stund að skjótast út í Eyjar. „Gestir
ættu að gera annað tveggja: annars
vegar að nota tækifærið og slaka á og
vera ekki á harðahlaupum heldur
gefa sér nægan tíma til að skoða sig
um, og helst gista eina nótt í Vest-
mannaeyjum; eða hins vegar að
koma einfaldlega tvisvar til Eyja, því
hér er svo margt að gera og sjá að
það er fjarri því nóg að ætla bara að
staldra við í fjórar eða fimm klukku-
stundir.“ ai@mbl.is
Tekur enga stund að skjótast til Eyja
 Það fer vel um farþega í nýjum Herjólfi og mun betri hljóðvist um borð en í gömlu ferjunni
Morgunblaðið/Sigurður Bogi
Hraðferð Siglingin tekur 35-40 mínútur og ekki amalegt útsýni á leiðinni.
þega. Af öryggisástæðum þarf bíla-
dekkið að vera mannlaust á meðan
siglt er en við brugðum út af þeirri
reglu í örfáum tilvikum þegar smitin
voru hvað mest og aðstæður til sigl-
inga nógu góðar og biðu farþegar þá í
bílum sínum á leiðinni á milli lands og
Eyja.“
Eins og gefur að skilja olli farald-
urinn töluverðu tekjutapi en Guð-
bjartur segir að með hækkandi sól
hafi farþegum fjölgað nokkuð hratt
Guðbjartur Ellert
Jónsson
MVið elskum Ísland »51