Morgunblaðið - 23.06.2020, Blaðsíða 32

Hinni árlegu hátíð HönnunarMars var frestað í vor
vegna kórónuveirufaraldursins en mun hefjast á
morgun, miðvikudag, og er þetta í tólfta skipti sem sí-
vaxandi hönnunarhátíðin er haldin. Að þessu sinni
verður boðið upp á um 80 sýningar og 100 viðburði
sem að sögn skipuleggjenda teygja sig yfir allt höfuð-
borgarsvæðið, frá Seltjarnarnesi, gegnum Hafnartorg,
miðbæinn, Skeifuna, Kópavog, upp í Garðabæ, Hafnar-
fjörð og Mosfellsbæ. Sjónum er beint að vöruhönnun,
fatahönnun, arkitektúr, grafískri hönnun, gullsmíði, ný-
sköpun, tækni, sjálfbærni, keramík, textíl og fleiru.
HönnunarMars hefst á morgun með
um 80 sýningum og 100 viðburðum
ÞRIÐJUDAGUR 23. JÚNÍ 175. DAGUR ÁRSINS 2020
Sími: 569 1100
Ritstjórn: ritstjorn@mbl.is Auglýsingar: augl@mbl.is
Áskrift: askrift@mbl.is mbl.is: netfrett@mbl.is
Í lausasölu 697 kr.
Áskrift 7.530 kr. Helgaráskrift 4.700 kr.
PDF á mbl.is 6.677 kr. iPad-áskrift 6.677 kr.
Sólveig Jóhannesdóttir Larsen úr Fylki, sem er leik-
maður 2. umferðar Pepsi Max-deildar kvenna í fótbolta
hjá Morgunblaðinu, segir að Árbæjarliðið ætli sér að
láta verkin tala en það hefur unnið tvo fyrstu leiki sína í
deildinni. „Ég er ekki að segja að við ætlum að vera litla
músin sem læðist í toppbaráttunni eða neitt slíkt,“
segir Sólveig sem veit ekki enn þá hve mikið hún getur
spilað með Fylkisliðinu í sumar vegna náms í Bandaríkj-
unum. »27
Þær ætla að láta verkin tala
ÍÞRÓTTIR MENNING
Steinþór Guðbjartsson
steinthor@mbl.is
Stjórnendur Bílaklúbbs Austur-
lands eru að undirbúa þriðju bíla-
sýninguna á Reyðarfirði sunnudag-
inn 28. júní, en þá verður árlegur
hernámsdagur haldinn þar hátíðleg-
ur. 100 ár eru frá því að Meyvant
Sigurðsson frá Eiði á Seltjarnarnesi
ók fyrstur manna yfir Fagradal
milli Reyðar-
fjarðar og Egils-
staða og er verið
að reyna að fá
eins bíl til að aka
í fararbroddi
bílalestar sömu
leið á hátíðinni.
Hernámsdag-
urinn á Reyðar-
firði er haldinn
síðasta sunnu-
daginn í júní eða
fyrsta sunnudag í júlí til að minnast
landtöku breska hersins á Reyðar-
firði 1. júlí 1940, fyrir 80 árum. Boð-
ið er upp á ýmislegt sem tengist
setuliðinu og er hugmyndin að bíla-
sýning verði hluti dagskrárinnar í
framtíðinni.
Brautryðjendur fyrir austan
Undanfarin tvö ár hefur Gísli
Birgir Gíslason, formaður Bíla-
klúbbsins og vélamaður hjá BM
Vallá á Reyðarfirði, staðið fyrir bíla-
sýningu í bænum með Bíladaga á
Akureyri að fyrirmynd. „Við stofn-
uðum þennan klúbb í fyrrahaust til
að endurvekja bílamenninguna á
svæðinu,“ segir hann. „Hér eru
margir fornbílar og aðrir merkilegir
og skemmtilegir bílar, en eigend-
urnir hafa gjarnan verið með þá
hver í sínu horni og við viljum ná
þeim saman eins og gert hefur verið
á Akureyri.“
Gísli stóð fyrir fyrstu bílasýning-
unni fyrir tveimur árum en þótti of
mikið að standa einn í atinu, fékk
fleiri til liðs við sig og félagið var
stofnað. „Framtakinu var vel tekið,
menn voru tilbúnir að vinna að
framgangi félagsins með það að
leiðarljósi að koma saman og gera
bílana sýnilega öðrum bílaáhuga-
mönnum,“ segir hann.
Meyvant Sigurðsson hafði tölu-
verða reynslu sem bílstjóri þegar
hann tók bílpróf vestur á Melum í
Reykjavík 8. maí 1918 og fékk öku-
skírteini nr. 68. Fyrsta mótorvagn
sinn, Ford-T módel, tveggja gíra
með skrásetninganúmerinu RE-16,
keypti hann af Magnúsi Skaftfelds
og ók á honum í prófið. Hann varð
ökumaður að atvinnu og stofnaði
meðal annars Vörubílastöð Mey-
vants. Kaupfélag Héraðsbúa byrjaði
að nota vörubíl 1919 og vorið eftir
gerði Þorsteinn Jónsson, kaup-
félagsstjóri á Reyðarfirði, samning
við Meyvant þess efnis að hann tæki
að sér aksturinn um sumarið. Hann
ók með vörur til bæja á Austurlandi,
þar sem akfært var, en vegirnir,
sem voru gerðir fyrir hestakerrur,
voru lagfærðir þetta sumar. Mey-
vant var fyrstur til að aka ýmsa vegi
fyrir austan, meðal annars frá
Reyðarfirði til Egilsstaða. Hann var
því brautryðjandi í orðsins fyllstu
merkingu.
Á fyrstu bílasýningunni á Reyðar-
firði sumarið 2018 voru 50 tæki til
sýnis og 70 bílar í fyrra. Gísli segist
ekki vita fjöldann í ár en reikna
megi með góðri þátttöku. Tækin
verða til sýnis og að loknum akstri
um þorpið verður ekið yfir Fagradal
til Egilsstaða fyrir þá sem vilja.
„Við erum að reyna að fá sams
konar bíl og Meyvant ók til að fara
fyrir bílalestinni,“ segir Gísli. Hann
bætir við bíllinn sé í Bolungarvík og
ekki sé búið að fjármagna flutning-
inn á honum austur.
Fyrstur yfir Fagradal
Vörubíll Bíll Kaupfélags Héraðsbúa, sem Meyvant ók, var líkur þessum.
 Akstur sömu leið og Meyvant frá Eiði ók fyrir 100 árum
liður í bílasýningu Bílaklúbbs Austurlands á Reyðarfirði
Ljósmynd/Ásgeir Metúsalemsson
Úrval Fyrsta bílasýningin Reyðarfirði. Fremst er Chrysler 300 árgerð 1967.
Meyvant
Sigurðsson