Morgunblaðið - 14.07.2020, Qupperneq 32
Í dag verður opnuð í Nýlistasafninu í Marshall-húsinu
sýningin Ný aðföng. Á sýningunni má sjá úrval verka
sem gefin hafa verið í safneign síðustu þrjú ár, verk eft-
ir Bjarka Bragason, Claudiu Hausfeld, G.Erlu, Hildi Há-
konardóttur, Jónu Hlíf Halldórsdóttur, Kolbrúnu Ýri Ein-
arsdóttur, Ragnheiði Ragnarsdóttur og Rúnu Þorkels-
dóttur. Elstu verkin á sýningunni eru frá sjöunda áratug
síðustu aldar og þau nýjustu eru aðeins nokkurra ára
gömul. Á sýningunni eru textílverk, skúlptúrar, ljós-
myndir og innsetningar.
Ný og fjölbreytileg aðföng á
sumarsýningu Nýlistasafnsins
Sigurður Bogi Sævarsson
sbs@mbl.is
„Lífið er eins og kvikmynd og bestar
eru þær þegar söguþráðurinn tekur
óvænta stefnu, svo spenna mynd-
ast,“ segir Kristján Bergsteinsson
hjá Bíóhúsinu á Selfossi. Þeir Mar-
inó Lilliendahl standa að rekstri Bíó-
hússins þar í bæ, sem opnað var aft-
ur sl. föstudag eftir rekstrarstopp
síðan í lok marsmánaðar. Þá varð að
gera hlé á sýningum vegna kórónu-
veirufaraldursins en slakann sem þá
myndaðist notuðu eigendurnir til
þess að endurnýja sæti og sitthvað
fleira í bíósölunum tveimur.
Netverslun og danshljómsveit
Til slíks hafði Kristján rúman
tíma; hann hefur síðastliðin þrjú ár
verið flugmaður hjá Icelandair en
var eins og mörgum öðrum þar sagt
upp störfum nú á útmánuðum.
„Þegar aðstæður breytast leitar
maður nýrra tækifæra. Meðfram
fluginu hef ég alltaf verið með mörg
járn í eldinum en samhliða bíó-
rekstrinum rek ég netverslunina
godkaup.is sem sett var á laggirnar í
apríl. Marinó sér um daglegan
rekstur Bíóhússins ásamt því að
vera forsprakki einnar vinsælustu
danshljómsveitar landsins, Stuðla-
bandsins.“
Von á góðu frá Bandaríkjunum
Bíóhúsið er í góðu samstarfi við ís-
lensku dreifingarfyrirtækin Mynd-
form, Samfilm og Senu og koma því
allar nýjustu myndirnar í sýningu á
Selfossi á sama tíma og á höfuðborg-
arsvæðinu. Og í júlí eru bíódagar.
Aðsókn að kvikmyndahúsum á þeim
tíma er yfirleitt góð, sú hefur að
minnsta kosti verið raunin á Sel-
fossi. Teiknimyndirnar hafa rúllað á
hvíta tjaldinu og í kvöld verður sýnd
bíómyndin Amma Hófí.
„Útgáfa nýrra mynda á næstunni
og sýning þeirra hér veltur svolítið á
ástandinu í heiminum og þá sérstak-
lega Bandaríkjunum. Þegar þær
byrja að detta inn er von á góðu, því
mörgum stórmyndum var slegið á
frest vegna Covid-19,“ segir Krist-
ján, sem getur þess að íslenskum
myndum sé stundum brugðið á
tjaldið í Bíóhúsinu, á sérsýningum
og eftir óskum sem berast.
Bestar eftir hlé
Bíóhúsið er undir sama þaki og
Hótel Selfoss – en reyndar er marg-
vísleg starfsemi önnur í húsnæðinu.
Bíósalirnir taka 118 og 52 gesti í
sæti og veitir ekkert af.
„Við vinnum mikið með hótelinu
og starfsfólki þar. Hér er fín ráð-
stefnuaðstaða, en kvikmyndasýn-
ingar auðvitað í aðalhlutverki. Í ára-
raðir var ekkert bíóhús hér á
Selfossi og þá töldu bæjarbúar lífs-
gæði sín verulega skert. Svo var
bætt úr og við Marinó tókum við
keflinu fyrir tveimur árum og nú eft-
ir nokkurra mánaða hlé höldum við
áfram. Bíómyndir eru líka yfirleitt
bestar eftir hlé – og sumar sýningar
eru endalausar,“ segir Kristján
Bergsteinsson að síðustu.
Morgunblaðið/Eggert
Bíómenn Marinó Lilliendahl til vinstri og Kristján Bergsteinsson í splunkunýjum og mjúkum sætum í sýningarsal.
Bíódagarnir eru í júlí
Bíóhúsið á Selfossi verður með allar bestu myndirnar
ÞRIÐJUDAGUR 14. JÚLÍ 196. DAGUR ÁRSINS 2020
Sími: 569 1100
Ritstjórn: ritstjorn@mbl.is Auglýsingar: augl@mbl.is
Áskrift: askrift@mbl.is mbl.is: netfrett@mbl.is
Í lausasölu 697 kr.
Áskrift 7.530 kr. Helgaráskrift 4.700 kr.
PDF á mbl.is 6.677 kr. iPad-áskrift 6.677 kr.
Fylkismenn eru á toppi úrvalsdeildar karla í fótbolta í
fyrsta skipti í sextán ár eftir óvæntan sigur á FH í
Kaplakrika í gærkvöld, 2:1. Árbæjarliðið hefur nú unnið
fjóra leiki í röð í deildinni. KR-ingar skutu Breiðablik af
toppnum með sannfærandi sigri í Vesturbænum, 3:1,
þar sem Stefán Árni Geirsson færði þeim sannkallaða
óskabyrjun. Stjörnumenn léku loksins eftir hálfs mán-
aðar sóttkví og héldu markalausu jafntefli gegn Val og
botnliðin KA og Fjölnir skildu jöfn á Akureyri. »26
Efstir í fyrsta skipti í 16 ár
ÍÞRÓTTIR MENNING