Morgunblaðið - 24.08.2020, Side 8

8 FRÉTTIRInnlent
MORGUNBLAÐIÐ MÁNUDAGUR 24. ÁGÚST 2020
Góð þjónusta í tæpa öld
10%afslátturfyrir 67 ára
og eldri
Hrafnarnir Huginn og Muninn íViðskiptablaðinu sögðu frá
þessu í nýjasta tölublaðinu: „Í lið-
inni viku sagði Fréttablaðið frá
niðurstöðum könn-
unar um fylgi flokka
í borgarstjórn sem
sýndu að meirihlut-
inn virðist hafa bætt
við sig. Fulltrúar
hans fögnuðu þessu
eðlilega. Fagnaðar-
læti Sigurborgar
Óskar Haralds-
dóttur, borgarfulltrúa Pírata og
formanns skipulags- og samgöngu-
ráðs, vöktu hins vegar sérstaka at-
hygli hrafnanna. Sagðist hún óend-
anlega þakklát fyrir traustið og að
hún héldi „ótrauð áfram að útrýma
fjölskyldubílnum“.
  
Óvanalegt er að stjórnmálamennhendi út í kosmósið jafn af-
dráttarlausum yfirlýsingum og
raun ber vitni, sér í lagi í ljósi þess
að um mikið hitamál er að ræða. Er
það til eftirbreytni fyrir aðra í
þeirri stétt enda best fyrir kjós-
endur að geta áttað sig á því með
auðveldum hætti hvaða stjórnmála-
menn eru sæmilega jarðtengdir og
hverjir ekki.“
  
Já, það er vissulega til bóta fyrirkjósendur að það liggi fyrir
yfirlýsing um að ætlunin sé að út-
rýma fjölskyldubílnum þeirra.
  
Segja má að það hafi ekki þurftþessa afdráttarlausu yfirlýs-
ingu til, öll verk núverandi meiri-
hluta í borgarstjórn hníga í þessa
sömu átt.
  
En það þarf þó ekki að koma áóvart að almenningur hafi
ekki trúað því hvað til stendur í
raun. Þegar markmiðið er jafn fjar-
stæðukennt þarf mikið til að fólk
trúi.
Sigurborg Ósk
Haraldsdóttir
Ætlar að útrýma
fjölskyldubílnum
STAKSTEINAR
Hægt er að lýsa skoðun á ritstjórnar-
greinum Morgunblaðsins á slóðinni
http://mbl.is/mogginn/leidarar/
„Við getum ekki látið bjóða okkur
þetta,“ segir Skúli Hreinn Guð-
björnsson, formaður bæjarráðs Dal-
víkurbyggðar, um verðhækkanir í
kjölfar þess að Samkaup ákvað í vor
að breyta verslun sinni í Búðardal úr
Kjörbúð í Krambúð.
Hann segir að samkvæmt verð-
könnun sem hann framkvæmdi sjálf-
ur á 52 vörunúmerum hafi verðlag í
búðinni hækkað um 25%, sem sé
„himinn og haf“ frá þeirri 7,7% verð-
hækkun sem Samkaup hafi gert ráð
fyrir við breytingarnar.
Skúli segir að mikil óánægja sé á
meðal heimamanna og „allir sem
maður talar við“, hafi að mestu hætt
viðskiptum við Krambúðina, nema
brýna nauðsyn reki til. Íbúar geri
sér frekar ferð til Borgarness eða
Stykkishólms til að kaupa inn til
heimilisins. „Ég sagði þeim að þetta
væri mesta vitleysa,“ segir Skúli um
viðvaranir sínar frá því í vor og bætir
við að „ef þeir snúa ekki til baka þá
verður opnuð önnur búð“.
Undirskriftasöfnun fyrir mótmæli
íbúa stendur nú yfir. Í samtali við
Baldvin Má Guðmundsson, forsvars-
mann söfnunarinnar, segist hann
gera ráð fyrir að flestir skrifi undir,
enda ríki mikil óánægja. Til stendur
að afhenda Samkaupum listann í vik-
unni. sighvaturb@mbl.is
Dalamenn mótmæla hærra verði
 Mikil óánægja vegna nýrrar Kram-
búðar  25% verðhækkun skv. könnun
Morgunblaðið/Sigurður Bogi
Verslun Mikil óánægja er meðal
heimamanna að sögn Skúla.
Berglind Gunnarsdóttir, landsliðs-
kona í körfubolta og læknanemi við
Háskóla Íslands, slasaðist alvarlega
í rútuslysi rétt fyrir utan Blönduós í
janúar þegar hún var á leið í skíða-
ferð til Akureyrar með samnem-
endum sínum. Berglind hefur síðan
verið í endurhæfingu, en hún hlaut
háls- og mænuáverka í slysinu.
Aðstandendur Berglindar settu í
vor af stað söfnun fyrir Berglindi, en
til stóð að hópurinn hlypi í Reykja-
víkurmaraþoninu sem fram átti að
fara á laugardag. Eftir að maraþon-
inu var aflýst fyrr í sumar vegna
heimsfaraldurs kórónuveiru ákvað
hópurinn að halda sitt eigið hlaup í
Stykkishólmi, hvaðan Berglind er
ættuð.
Sigríður Erla Sturludóttir, vin-
kona Berglindar og ein þeirra sem
standa að baki söfnuninni, segir í
samtali við mbl.is að hlaupið hafi
gengið eins og í sögu. Yfir 100 hlaup-
arar söfnuðu áheitum fyrir Berglindi
en alls tóku 87 þátt í hlaupinu í
Stykkishólmi á laugardag.
„Hún lenti í rútuslysinu í janúar
þegar hún var að fara í skíðaferð
með læknisfræðinni, og slasast mjög
illa á mænu og hálsi og var í byrjun
alveg lömuð fyrir neðan háls. Við er-
um að safna núna fyrir endurhæf-
ingunni hennar,“ segir Sigríður.
Hópurinn hefur alls safnað rétt
tæpum 10 milljónum í gegnum
Hlaupastyrk, en Sigríður Erla sjálf
hefur safnað rúmum 730 þúsund
krónum.
Hópurinn vonast til að safna yfir
10 milljónum á Hlaupastyrk, en
söfnunin heldur áfram út miðviku-
daginn. Hægt er að heita á Hlaupum
fyrir Berglindi á hlaupastyrkur.is.
liljahrund@mbl.is
Hlupu fyrir Berg-
lindi í Stykkishólmi
 Hlaupa til að safna
fyrir endurhæfingu
eftir rútuslys
Ljósmynd/Aðsend
Hlaup Aðstandendur hafa safnað
rúmlega tíu milljónum króna.