Morgunblaðið - 09.09.2020, Blaðsíða 11

FRÉTTIR 11Erlent
MORGUNBLAÐIÐ MIÐVIKUDAGUR 9. SEPTEMBER 2020
Stefán Gunnar Sveinsson
sgs@mbl.is
Brandon Lewis, ráðherra Norður-
Írlandsmála í bresku ríkisstjórninni,
sagði í gær í umræðum á breska
þinginu að fyrirhugað frumvarp
ríkisstjórnarinnar um lagfæringar á
Brexit-sáttmálanum bryti í bága við
alþjóðalög en einungis við „mjög sér-
tækar“ aðstæður.
Ummælin vöktu nokkra gagnrýni
frá þingmönnum allra flokka og vís-
uðu fulltrúar Verkamannaflokksins
til orða Margrétar Thatcher, fyrr-
verandi forsætisráðherra Íhalds-
flokksins, um að Bretar stæðu ávallt
við orð sín í samskiptum sínum við
önnur ríki.
Theresa May, fyrrverandi for-
sætisráðherra og þingmaður Íhalds-
flokksins, spurði einnig hvernig
hægt yrði að treysta Bretum í fram-
tíðinni ef þeir breyttu skilmálum
samninga sinna eftir á.
Frumvarpið „öryggisnet“
Verði frumvarpið að lögum mun
það veita breskum stjórnvöldum
heimildir til þess að snúa við vissum
ákvæðum Brexit-sáttmálans svo-
nefnda sem lúta að Norður-Írlandi,
og segja stuðningsmenn stjórnvalda
breytingarnar nauðsynlegar í ljósi
þess að nú er útlit fyrir að ekki muni
nást fríverslunarsamningur á milli
Breta og Evrópusambandsins.
Líkti Lewis frumvarpinu því við
öryggisnet, sem eingöngu kæmi til
framkvæmda ef nauðsyn væri að
koma í veg fyrir að tollamúr myndi
rísa á milli Norður-Írlands og hinna
þjóðanna í Stóra-Bretlandi, en 4.
grein Brexit-sáttmálans kveður á
um þau skilyrði sem viðskipti við
Norður-Írland þurfa að uppfylla svo
að ekki þurfi að loka landamærum
þess við Írland.
Áttunda viðræðulotan í fríverslun-
arviðræðum Breta og Evrópusam-
bandsins hófst í gær, en ekki er gert
ráð fyrir miklum árangri í henni, þar
sem viðræðurnar hafa m.a. strandað
á ágreiningi um fiskveiðar.
Brjóti í bága við alþjóðalög
 Ummæli ráðherra Norður-Írlandsmála gagnrýnd af þingmönnum allra flokka
 Frumvarpið sagt nauðsynlegt í ljósi hættunnar á að samkomulag muni ekki nást
AFP
Brexit Ummæli Brandons Lewis
vöktu mikla gagnrýni á þinginu.
Donald Trump Bandaríkjaforseti
hyggst heimsækja fimm svokölluð
„sveifluríki“ í vikunni, en nú eru
innan við tveir mánuðir þar til for-
setakosningarnar fara fram.
Trump hélt í gær kosningafundi í
Flórída og Norður-Karólínu, og
hyggst forsetinn einnig heimsækja
Michigan-, Nevada- og Pennsylv-
aníuríki í þessari lotu.
Nýjustu skoðanakannanir benda
til þess að forsetinn sé með lakara
fylgi en Joe Biden, frambjóðandi
demókrata, í öllum sveifluríkjunum
að Flórída undanskildu. Þá nýtur
Biden mikils forskots í könnunum á
landsvísu, eða sem nemur á bilinu
10-12 prósentustigum.
Hefur bilið breikkað nokkuð á ný
frá upphafi septembermánaðar eft-
ir að dregið hafði saman með fram-
bjóðendunum í lok ágúst.
BANDARÍKIN
AFP
Kosningar Donald Trump var vígreifur
á leið sinni til Flórídaríkis í gær.
Trump heldur til
sveifluríkjanna
Tveir ástralskir
fjölmiðlamenn,
Bill Birtles og
Michael Smith,
sem störfuðu í
Kína, kusu að
yfirgefa landið í
gærmorgun eftir
að hafa verið
yfirheyrðir af
kínverskum
stjórnvöldum um samskipti sín við
áströlsku fjölmiðlakonuna Cheng
Lei, sem var handtekin í síðasta
mánuði.
Varaði Bandaríkjastjórn við því
að aðrir erlendir fjölmiðlar kynnu
að verða fyrir svipuðu áreiti af
hálfu kínverskra stjórnvalda.
KÍNA
Ástralskir fjölmiðla-
menn flýja land
Cheng Lei
HRÖKKBRAUÐStjórnvöld í Hvíta-Rússlandi sögðu í
gærmorgun að þau hefðu stöðvað
stjórnarandstöðuleiðtogann Maríu
Kólesníkóvu við landamæri Hvíta-
Rússlands og Úkraínu. Sögðu Hvít-
Rússar að Kolesníkóva hefði reynt
að flýja, en Úkraínumenn sögðu að
hún hefði verið handtekin fyrir að
hafa neitað að yfirgefa Hvíta-Rúss-
land með valdi.
Fregnir bárust af því í fyrradag að
Kólesníkóva hefði verið gripin á göt-
um höfuðborgarinnar Minsk af óein-
kennisklæddum mönnum og færð
gegn vilja sínum upp í litla rútu. Hún
hafði áður heitið því að hún myndi
ekki flýja land, líkt og margir af sam-
herjum hennar hafa gert.
Sögð hafa rifið vegabréf sitt
Hvítrússnesk stjórnvöld sögðu
málsatvik hafa verið þau að Kólesní-
kóva hefði verið handtekin við landa-
mærin eftir að henni hefði verið
fleygt út úr bíl á ferð. Sögðu Hvít-
Rússar að hún hefði verið á ferðinni
með tveimur öðrum meðlimum
stjórnarandstöðunnar, Anton Rod-
nenkov og Ivan Kravtsov.
Úkraínsk stjórnvöld sögðu hins
vegar að bæði Rodnenkov og Kravt-
sov væru komnir til Úkraínu, en að
Kólesníkóva hefði „gripið til að-
gerða“ til þess að koma í veg fyrir að
hún gæti farið yfir landamærin.
Sögðu heimildir Interfax-Ukraine
fréttastofunnar að Kólesníkóva hefði
rifið vegabréf sitt í tvennt til þess að
varna því að sér yrði vísað úr landi.
Alexander Lúkasjenkó, forseti
Hvíta-Rússlands, sagði í viðtali við
rússneska fjölmiðla í gær að Kólesní-
kóva hefði reynt að flýja land.
Varaði hann einnig við því að ef
sér yrði bolað frá völdum myndi
Hvíta-Rússland falla og Rússar yrðu
„næstir í röðinni“.
AFP
Hvíta-Rússland María Kólesníkóva
var handtekin á landamærunum.
Handtekin við
landamærin
 Hvít-Rússa og Úkraínumenn greinir á
Hljómsveitin Rolling Stones opnaði í gær nýja
verslun í Carnaby Street í Lundúnum, en þar er
hægt að fá alls kyns klæðnað og aðrar vörur sem
tengjast hinum síungu „Rollingum“. Mick Jagg-
er, söngvari sveitarinnar, var ánægður með
staðsetningu búðarinnar, en Carnaby-stræti var
á sínum tíma viss miðpunktur í tónlistar- og
menningarlífi Lundúna á sjöunda áratugnum,
þegar hljómsveitin var upp á sitt besta.
AFP
Rolling Stones opna nýja búð í „Karnabæ“