Morgunblaðið - 21.09.2020, Page 4

4 FRÉTTIRInnlent
MORGUNBLAÐIÐ MÁNUDAGUR 21. SEPTEMBER 2020
PON er umboðsaðili
PON Pétur O. Nikulásson ehf.
Melabraut 21, 220 Hafnarfjörður
Sími 580 0110 | pon.is
Við bjóðum alla Jungheinrich eigendur velkomna!
GÆÐI OG ÞJÓNUSTA
Sigtryggur Sigtryggsson
sisi@mbl.is
Á næstunni verður ráðist í end-
urgerð sjóvarnargarðs á Eiðsgranda
í Reykjavík, frá dælustöð í Eiðsvík á
móts við Boðagranda að hringtorg-
inu fyrir framan JL-húsið. Við vissar
veðuraðstæður og háa sjávarstöðu
hefur sjór gengið yfir garðinn með
tilheyrandi tjóni og röskun á umferð.
Reykvíkingar voru sannarlega
minntir á nauðsyn aukinna sjóvarna
við Eiðsgranda þegar haugabrim
gerði á laugardagskvöldið, samfara
vindi og hárri sjávarstöðu. Grjóti og
þara rigndi yfir nærliggjandi gras-
bala og göngu- og hjólastíga. Starfs-
menn hverfisstöðvarinnar á Fiski-
slóð voru mættir til hreinsunarstarfa
snemma í gærmorgun. Tjón var ekki
umtalsvert. Það helst að túnþökur
sem lagðar voru við nýjan hjólastíg
flettust upp og eyðilögðust. Þarf að
endurleggja allt torfið.
Á meðan á framkvæmdunum við
brimvarnargarðinn stendur verður
gangandi og hjólandi vegfarendum
beint framhjá framkvæmdasvæðinu
og mögulega þarf að takmarka bíla-
umferð á nærliggjandi götu. Til-
kynnt verður um það fyrirkomulag
síðar.
Tilboð í verkið voru opnuð sl.
mánudag. Alls bárust þrjú tilboð.
Lægst bauð Suðurverk hf., tæplega
144,8 milljónir. Var það 72,8% af
kostnaðaráætlun, sem hljóðaði upp á
178,9 milljónir. JG vélar buðu 176
milljónir og Grafa og grjót ehf. rúm-
ar 329 milljónir. Nú er verið að fara
yfir tilboðin. Verklok eru áætluð 31.
desember 2020.
Í verklýsingu kemur fram að um
sé að ræða upprif og endurbyggingu
sjóvarnargarðsins. Upprifið efni/
stórgrýti verður flokkað og endur-
nýtt og aðflutt efni frá nálægum lag-
erum verður einnig notað í verkið.
Sjóvarnargarðurinn verður hækkað-
ur frá því sem nú er. Lágmarkshæð
á toppi sjóvarnargarðs verður 6,5
metrar yfir sjávarmáli og toppurinn
verður fjögurra metra breiður. Enn-
fremur segir að vanda skuli til verka
við aðlögun við núverandi grjótgarð-
.Rífa þarf upp núverandi göngustíg
samhliða viðgerð á sjóvörnum. Ekki
er gert ráð fyrir að unnið verði í
neinum lögnum í þessu verki. Verkið
skal vinnast samhliða vinnu við nýj-
an hjólastíg við Eiðsgranda og nauð-
synlegt er talið að samræma vinnu
milli þessara tveggja verkefna.Vinna
má við uppröðun á neðsta hluta
garðsins úr fjörunni þegar sjávarföll
leyfa og restina af vörninni ofan af
vinnupalli". Ljóst er að tveir 3-6
klukkustunda langir gluggar á sólar-
hring gera það mögulegt að vinna
við gröft og fleygun í þurru" í fjör-
unni.
Nokkur dæmi eru um það á síðari
árum að sjór hafi flætt yfir brim-
varnargarðana við Ánanaust og
Eiðsgranda. Að morgni aðfangadags
árið 2003 gerði mikið óveður með
þeim afleiðingum að göngustígur og
grjótgarður meðfram ströndinni í
Ánanaustum og á Eiðsgranda
skemmdust á nokkur hundruð metra
kafla. Malbikið flettist upp og grjót
úr grjótgarðinum dreifðist um svæð-
ið. Í mars 2007 áttu gangandi veg-
farendur fótum sínum fjör að launa
frá sjó, grjóti og þara sem rigndi yfir
þá. Illfært varð um göturnar vegna
sjógangs. Þá fóru saman háflæði og
sterk suðvestanátt.
Morgunblaðið/Júlíus
Árið 2007 Sjór flæddi yfir brimvarnargarð fyrir framan JL-húsið. Ökumenn settu í „sund-
gírinn“ og gangandi fólk átti fótum sínum fjör að launa frá sjó, grjóti og þara sem rigndi yfir.
Ljósmynd/Regína Ásvaldsdóttir
Árið 2020 Haugabrim gerði á laugardagskvöldið, samfara miklum vindi og hárri sjávarstöðu. Ráðist verður í endurgerð sjóvarnargarðsins á næstunni.
Bæta brimvarnir í Vesturbænum
 Sjóvarnargarður við Eiðsgranda endurgerður  Sjógangur hefur valdið tjóni og röskun á umferð
Morgunblaðið/Júlíus
Árið 2003 Sjór gekk á land við Ánanaust og olli miklum skemmdum á nokkur hundruð metra
kafla þar, auk þess sem malbikið flettist upp. Ráðist var í endurbætur á sjóvarnargarðinum þar.
Kjartan Gíslason, framkvæmda-
stjóri súkkulaðigerðarinnar Omnom,
segir að í kjölfar þess að fjallað var
um fyrirtækið í heimildarþáttum á
Netflix hafi salan aukist um 30 þús-
und prósent fyrstu vikuna. Fjallað
var um framleiðslu Omnom í þátt-
unum Down to Earth with Zac Efron
og fóru þættirnir í sýningu í júlí.
„Þegar þetta fór í loftið sprakk
netsalan okkar erlendis nánast á
einni nóttu. Ég held að fyrstu
helgina höfum við farið yfir tíu þús-
und dollara í sölu,“ segir Kjartan í
samtali við Morgunblaðið.
Tökurnar fóru fram fyrir rúmlega
tveimur árum og segir Kjartan að
þau hafi næstum því gleymt að þætt-
irnir væru í framleiðslu. Hann segir
að þau hafi ekki gert sér neinar
væntingar um að fá mikla umfjöllun í
þáttunum og því hafi þetta komið
skemmtilega á óvart.
Heimsfaraldurinn hefur haft mikil
áhrif á framleiðsluna hjá Omnom og
sagði fyrirtækið upp starfsfólki í
framleiðslunni auk þess sem hluta-
bótaleiðin var nýtt. Í kjölfar þátt-
anna gátu þau ráðið starfsfólk aftur í
framleiðsluna og skráð sig af hluta-
bótaleiðinni smátt og smátt. Fram-
leiðslan fór svo á fullt eftir verslun-
armannahelgina.
„Það er búið að ganga rosalega vel
og framleiðsluteymið er búið að
standa sig eins og hetjur,“ segir
Kjartan og bætir við að hann sé
þakklátur fyrir að starfsfólkið hafi
tekið svo vel í breytingarnar.
Salan jókst um 30 þúsund
prósent eftir Netflix-þátt
 Omnom seldi fyrir 10.000 bandaríkjadali fyrstu helgina
Súkkulaði Sjónvarpstökurnar fóru
fram fyrir rúmlega tveimur árum.