Morgunblaðið - Sunnudagur - 06.09.2020, Side 20

20 MORGUNBLAÐIÐ SUNNUDAGUR 6.9. 2020
LÍFSSTÍLL
Hamraborg 10, Kópavogi – Sími: 554 3200
Opið: Virka daga 9.30-18
Hússtjórnarskólinn í Reykjavík hefur ver-ið á sama stað við Sólvallagötu í bráð-um áttatíu ár og hefur skólameistarinn
Margrét Dóróthea staðið þar vaktina frá 1998.
Hún tekur vel á móti blaðamanni og býður inn á
hlýlega skrifstofu þar sem við náum að spjalla í
friði og ró. Margrét leiðir svo blaðamann inn í
stórt og gamaldags eldhús þar sem hún nær í
krukkur og flöskur fullar af sultum, geli og safa.
Nóg af bláberjum
„Við fórum í berjamó. Ég var búin að fara áður
sjálf að leita að krækiberjum, en fann ekki
mikið. En það er óhemjumikið af bláberjum.
Við fórum í Borgarfjörð og þar var svo mikið
af bláberjum að maður færði sig á milli þúfna
af því maður var orðinn leiður á að sitja á sama
stað svona lengi, það var sko nóg af bláberj-
um!“ segir Margrét og hlær.
Hún segist hafa frétt af góðu berjalandi sem
var inni á einkalóð og gerði hún sér lítið fyrir
og hringdi í bóndann.
„Ég kynnti mig og sagðist vilja koma í
berjamó með eina rútu af ungmennum. Hann
sagði bara: „Elskan mín, komdu bara með hóp-
inn.“ Það var skýjað en indælt veður og við fór-
um með nesti, kakó og kaffi. Og tíndum þessi
reiðinnar býsn af bláberjum. Ég held við höf-
um sultað úr þrjátíu kílóum,“ segir hún og
nefnir að þau hafi verið 26 að tína.
„Þetta eru yndisleg ber, sæt og fín. Við tínd-
um lítið af krækiberjum en við áttum smávegis
í frosti frá því í fyrra,“ segir hún.
Margrét segist hafa heyrt frá mörgum að
krækiberjauppskeran væri léleg í ár en kann
ekki skýringar á því.
„Ekki neina. Ég fór meira að segja á Þing-
völl þar sem alltaf hefur verið mikið af kræki-
berjum og við leituðum og leituðum. Við end-
uðum bara í sumarbústað í kaffi,“ segir hún og
segir það bagalegt.
„Mér finnst nefnilega krækiberjasafi svo
góður og krækiberjahlaupið alveg yndislegt.
En það er alltaf gaman að fara í berjamó, fara
með nesti og sitja úti í náttúrunni.“
Ógurlega mikil keyrsla
Þegar heim var komið úr berjamó voru berin
sett í kalda geymslu þar sem þau voru geymd
til næsta morguns.
„Þá sátum við úti á tröppum og hreinsuðum
öll berin og tíndum úr laufin og lyngið. Svo
sultuðum við og nemendum fannst það mjög
gaman. Hluti berjanna fór í frysti fyrir krakk-
ana sem koma eftir áramót,“ segir Margrét og
útskýrir að námið sé ein önn.
„Hér er ógurlega mikil keyrsla og engar frí-
mínútur. Í morgun voru allir í eldhúsinu frá
níu til hálftólf og svo var borðað og gengið frá.
Eftir það er prjónað eða ofið, alveg til að verða
fimm,“ segir hún.
„Það er alltaf nóg að gera hjá okkur og það
er það sem gerir það svo skemmtilegt.
Sykurinn er rotvarnarefnið
Úr bláberjunum bjuggum við til sultu og smá-
vegis bláberjasaft, sem við höfum ekki gert áð-
ur. Þetta er mjög gott út á grjónagraut og
hafragraut. Svo er hlaupið gott á brauð og kex
og það er svo gaman að borða það sem maður
gerir sjálfur,“ segir hún og deilir með les-
endum nokkrum berjauppskriftum og lætur
fylgja með að gamni uppskrift að chilisultu.
„Fólk er alltaf að býsnast yfir sykrinum en
hann er auðvitað rotvarnarefnið. Ég vil heldur
nota sykur en rotvarnarefni. Venjuleg heimili
hafa ekki pláss í ísskáp fyrir margar krukkur
af sultu,“ segir hún.
„En ein teskeið af sultu á kexið gerir manni
ekki illt; maður fitnar af einhverju öðru. Blá-
berin eru auðvitað full af næringu.“
Margrét segir þau einnig hafa fryst töluvert
til þess að nota síðar í pæ og kökur.
„Við seljum allt sem afgangs er þegar við
höldum opið hús en núna vitum við auðvitað
ekki hvernig fer með það vegna Covid. En ef
það verður ekkert opið hús skipta krakkarnir
þessu á milli sín.“
Morgunblaðið/Ásdís
Alltaf gaman
í berjamó!
Skólameistarinn Margrét
veit sitthvað um ber.
Hún segir mikið af blá-
berjum í ár en afar lítið
finnst af krækiberjum.
Nemendur Hússtjórnarskólans í Reykjavík fóru í berjamó og
nú er búið að sulta og safta. Skólameistarinn Margrét Dóróthea
Sigfúsdóttir deilir berjauppskriftum með lesendum.
Ásdís Ásgeirsdóttir asdis@mbl.is
Eldhúsið er fullt af stútfullum krukkum og flösk-
um sem geyma heimatilbúna sultu og safa.
1 lítri krækiberjasaft
(sjá aðferð úr kræki-
berjagelsuppskrift)
600 grömm sykur
safi úr einni sítrónu
Sjóðið hráefnin sam-
an í potti þar til syk-
urinn er uppleystur.
Setjið heitt á flöskur
og lokið. Kælið.
Fyrir þá sem vilja hrá-
saft, þá blandið þið hrá-
efnum saman og leyfið
sykrinum að leysast upp
á einum sólarhring.
Krækiberjasaft