Morgunblaðið - 02.12.2020, Blaðsíða 18

18 MINNINGAR
MORGUNBLAÐIÐ MIÐVIKUDAGUR 2. DESEMBER 2020
Elsku Ingibjörg
mín. Þessi skrif eru
svo erfið. Þegar Baldur hringdi í
mig og tilkynnti mér þessar sorg-
arfréttir, það að þú værir farin
frá okkur. Hvernig gat það verið?
„Þú“ sem varst alltaf svo hress og
kát, svo ung. Þvílík amma, alltaf í
sundi, úti að ganga með Ebbu
systur þinni og hafðir svo gaman
af lífinu, varst alltaf svo heilbrigð.
Á erfitt með að trúa því að þetta
sé raunin.
Það er erfitt að finna jafn
hjartahlýja og yndislega mann-
eskju eins og þig. Hjartað mitt er
svo fullt af þakklæti yfir því að þú
sért mín fyrrverandi tengdamóð-
ir, vinkona og smma barnanna
minna og Baldurs. Þú tókst líka
Sesari alltaf eins og þínum.
Hugsaðir svo einstaklega vel um
barnabörnin þín, þau eiga eftir að
sakna þín óendanlega mikið.
Samband ykkar var svo einstakt
og fallegt. Það var alltaf toppur-
inn að fá að fara til ömmu í dekur.
Stundum á sunnudögum þegar
langt var liðið á daginn leiddi
maður oft hugann að því hvort þú
ætlaðir ekki örugglega að skila
þeim aftur, þú varst alltaf með
þau eins lengi og þú mögulega
gast. Nýttir hverja mínútu í að fá
að dekra við þau. Eins og þú
gerðir líka við öll hin barnabörn-
in, syni þína og tengdadætur.
Veittir þeim svo fallega og skil-
yrðislausa ást og umhyggju.
Er svo þakklát, elsku Ingi-
björg, að hafa fengið að kynnast
þér og hafa fengið að vera hluti af
þínu lífi. Fyrir allt það góða og
Ingibjörg
Björgvinsdóttir
✝ IngibjörgBjörgvins-
dóttir fæddist 24.
desember 1956.
Hún varð bráð-
kvödd 4. nóvember
2020.
Útför Ingibjarg-
ar fór fram 19. nóv-
ember 2020.
fallega sem þú
kenndir börnunum
mínum sem þau
munu svo sannar-
lega taka með sér
áfram inn í lífið.
Fyrir allt það sem
þú gafst af þér.
Kynntist þér rétt
um tvítugt, átti þá
margt eftir ólært.
Þú kenndir mér svo
margt um lífið og til-
veruna, varst alltaf svo hjálpsöm,
uppfull af hlýhug og góð-
mennsku. Stundum áttir þú það
til að vera með fastar skoðanir á
mörgu, sem fær mig til að brosa.
Því það sem þú vildir koma á
framfæri fór ekki á milli mála. En
það bjó svo mikil einlægni og góð-
vild á bak við allt frá þér. Enda
býr þín viska hjá mér í dag og
verður þar áfram. Sesar á eina
minningu sem stendur alltaf upp
úr þegar hann fór í dekur til þín.
Þú pantaðir pizzu með öllu græn-
metinu sem var til að mig minnir.
Hann borðaði ekki grænmeti þá,
en jæja, þú bara gleymdir því í
smástund. Hann bara pikkaði allt
af og var sáttur. En þú gleymdir
þessu aldrei, varst alveg miður
þín en hlóst mikið að þessu og
grínaðist með þetta gegnum árin,
og sagðir systkinum hans þessa
sögu ykkar.
Finnst það svo ótrúlega sárt að
fá ekki aftur frá þér símtal …
„Jæja, Ósk mín, hvernig hafið þið
og börnin það? Má ég koma og fá
þau lánuð í vikunni og fara með
þau og gera eitthvað skemmti-
legt?“ svo gafstu þér alltaf tíma í
spjall. Í þessum leiðöngrum ykk-
ar náðu þau alltaf að plata ömmu
sína með sér á Metro. Veit að þú
stakkst oftar en ekki upp á því að
fara annað. En alltaf var það sami
staður, þú lést þig hafa það. Get
ekki annað en brosað. Það sem þú
lést ekki eftir barnabörnunum
þínum. Við tvær hlógum oft að
þessu. Emma mín sagði við mig
fyrir nokkrum dögum: „Mamma,
nú verður þú að fara með okkur á
Metro. Amma gerði það alltaf og
nú verður þú að gera það!“ Allt í
lagi. Skal lofa þér því að hugsa
vel um barnabörnin þín, fer með
þau á staðinn ykkar, í sund og
held fallegu minningunum þeirra
um þig alltaf á lífi.
Elsku Ingibjörg mín, takk fyr-
ir allt það góða og fallega sem þú
gafst börnunum og mér. Farðu
vel með þig á nýja staðnum, megi
ljósið skína skært af himninum
frá þér. Blessuð sé minning þín.
Innilegustu samúðarkveðjur,
Baldur, Brynjar og fjölskyldur,
Ólína, systkini Ingibjargar og all-
ir sem stóðu henni nær. Megi
guðsstyrkur leiða ykkur í sorg-
inni.
Kær kveðja,
Ósk.
„Mjög erum tregt tungu að
hræra …“ segir í upphafi Son-
artorreks Egils Skallagrímsson-
ar. Þessi ljóðhenda Egils kemur
upp í huga okkar sem vorum
Ingibjörgu Björgvinsdóttur sam-
skipa. Sviplegt fráfall hennar var
okkur harmdauði. Í huga okkar
sem vorum með henni í hjúkrun-
arnáminu, deildum með henni lífi
í meðbyr og mótbyr og störfuðum
með henni lifir samt dýrmætt
fordæmi.
Í gerðinni var Ingibjörg
greind og einstök gæðamann-
eskja. Hún var orðvör, hæglát og
hófsöm, jafnlynd og dagfarsprúð
og gætti varúðar og miskunnsemi
í samskiptum við vini, vanda-
menn og skjólstæðinga og var
alltaf til staðar án þess að láta
mikið fara fyrir sér. Hún sýndi
innilega hluttekningu með þeim
sem áttu á brattann að sækja og
samgladdist þegar vel gekk í lífi
fólks. Næmi hennar birtist líka í
unun hennar af menningu og list-
um.
Þeir sem til hennar leituðu
vissu að hún væri góður hlust-
andi, héldi trúnað og væri mild í
dómum um menn og málefni.
Fólk kom heldur aldrei að tómum
kofunum hjá henni og hún var
manneskja orða sinna og fyrir-
heita. Því treysti fólk henni. Lík-
legt má telja að þessir eðliskostir
hafi verið gjafir trúar, sem hún
bar ekki á torg en birtist í verk-
um hennar. Einn af leyndardóm-
um lífsins er að þeir hafa mest að
gefa sem mest hafa reynt og þeg-
ar upp er staðið á víst enginn
neitt nema það sem hann hefur
gefið.
Í gerðinni var Ingibjörg líka
artarsöm gagnvart þeim sem
henni hafði verið trúað fyrir.
Þannig veitti hún aldraðri móður
sinni og strákunum sínum tveim-
ur hlýtt og öruggt utanumhald,
skjól og hjástoð sem aldrei brást
og styrkti þá til farsældar í lífinu.
Barnabörnin voru henni í senn
gleði- og hamingjugjafar og kær-
komnir gullmolar, sem hlýr og
ástríkur faðmur hennar þráði að
umvefja.
Það er ekki vandræðalaust að
skilgreina fyrir hvað góður
hjúkrunarfræðingur stendur.
Fagmennska þeirra einskorðast
t.d. ekki við færni eða þekkingu á
einu eða tveimur þröngum svið-
um. Fagmennsku hjúkrunar-
fræðinga verða ekki gerð raun-
hæf skil nema í fyrsta lagi sé litið
til víðtækrar og yfirgripsmikillar
þekkingar þeirra, því næst til
góðrar tilfinningagreindar og
loks til rökgreindar til að sam-
tvinna í verki breiða þekkingu og
næmi fyrir mannlegum þörfum.
Íslenskir hjúkrunarfræðingar
hafa valið að draga saman þessa
fjölgreindu þætti í þrjú minnis-
orð: hugur, hjarta, hönd. Fyrir
allt þetta stóð Ingibjörg.
Til faglegs vaxtar er gott að
líta til þeirra sem hafa náð að full-
blómstra á sínum sérsviðum.
Ingibjörg Björgvinsdóttir var í
hópi þeirra sem náðu svo mikilli
færni á víðu og kröfuhörðu sviði
hjúkrunar að við sem eftir lifum
getum horft til hennar og einsett
okkur að feta í spor hennar til að
verða betri fagmanneskjur.
Hjá ástvinum og sonum Ingi-
bjargar dvelur hugur okkar
núna. Öll getum við einsett okkur
að læra af fallegu, kærleiksríku
og göfugu fordæmi hennar.
Fyrir hönd skólasystra í p-
holli Hjúkrunarskóla Íslands,
Anna Margrét
Guðmundsdóttir.
Hjartans þakkir til allra þeirra sem sýndu
okkur samúð og hlýhug við andlát okkar
elskulegu móður, tengdamóður, ömmu
og langömmu,
ÖNNU H. SIGURJÓNSDÓTTUR,
Sóleyjarrima 21.
Hrönn, Kristín, Bára
og fjölskyldur
Ástkær eiginmaður, faðir, tengdafaðir
og afi,
HALLDÓR ÞÓR GRÖNVOLD,
aðstoðarframkvæmdastjóri ASÍ,
lést á Landspítalanum 18. nóvember.
Útför hans fer fram frá Grafarvogskirkju
7. desember klukkan 13. Athöfninni verður streymt á slóðinni
https://youtu.be/Ezc9enwZ3PY og á www.mbl.is/andlat.
Greta Baldursdóttir
Eva Halldórsdóttir Björgvin Ingi Ólafsson
Arnar Halldórsson
og barnabörn
Raðauglýsingar
Nauðungarsala
UPPBOÐ
Einnig birt á www.naudungarsolur.is.
Framhald uppboðs á eftirfarandi eignum verður háð á
þeim sjálfum, sem hér segir:
Túngata 22, Ísafjarðarbær, fnr. 212-0792 , þingl. eig. Þórður Halldór
Eysteinsson, gerðarbeiðendur Sýslumaðurinn á Norðurlandi vestra,
Húsasmiðjan ehf., Ísafjarðarbær og TM hf., miðvikudaginn 9. desem-
ber nk. kl. 14:00.
Freyjugata 6, Ísafjarðarbær, fnr. 222-2850 , þingl. eig. Planhús ehf.,
gerðarbeiðandi Skatturinn, miðvikudaginn 9. desember nk. kl. 11:00.
Skólavegur 13, Ísafjarðarbær, fnr. 212-0330 , þingl. eig. Ingvar Óskar
Sveinsson, gerðarbeiðandi Sýslumaðurinn á Norðurlandi vestra,
miðvikudaginn 9. desember nk. kl. 13:30.
Sýslumaðurinn á Vestfjörðum
1. desember 2020
Félagsstarf eldri borgara
Seltjarnarnes Námskeiðin í leir og gleri er í samráði við
leiðbeinanda. Kaffikrókurinn, handavinna og samvera í salnum í dag
er eingöngu fyrir íbúa Skólabrautar 3-5. Á morgun er fyrirhugað að
farandleikhópur Þjóðleikhússins mæti á leikhúsbílnum við Skólabraut
3-5 (að neðanverðu) kl. 11.30 og skemmti gestum og gangandi með
jólalögum, ljóðalestri leik. Klæðum okkur vel og virðum sóttvarnir.
Smáauglýsingar
Bækur
Bækur til sölu
Ljóðabók Jóns Þorlákssonar,
Bægisá. Alfreð Flóki, teikningar,
Um Grænland að fornu og nýju,
Árbækur Espolíns 1. - 12. útg.
Ævisaga Árna Þórarinssonar
1 - 6, Aldafar og örnefni í
Önundarfirði, Gestur Vest-
firðingur 1 - 5, Stjórnartíðindi
1885 til 2000, 130. bindi, Mann-
talið 1703. Kollsvíkurætt, Ponzi
18. og 19. öldin, Fjallamenn,
Hæstaréttardómar 1920 - 1960,
40. bindi, Þjóðsögur Jóns Árna-
sonar. Kvennablaðið 1. - 4. ár,
Bríet 1895, Ódáðahraun 1 - 3,
Fritzner orðabók 1 - 4, Flateyjar-
bók 1 - 4, Ferðabók Eggerts og
Bjarna 1981, Íslenskir Sjávar-
hættir 1 - 5, Sýslumannaævir
1 - 5, Tímrit Verkfræðinga Íslands
1 - 20 ár, Tímarit hins íslenska
Bókmenntafélags 1 - 25,
Ársskýrsla sambands íslenskra
Rafveitnaa 1942 - 1963. Hín
1. - 44. árg., Skýrsla um Lands-
hagi á Íslandi 1 - 5, Töllatungu-
ætt 1 - 4, Síðasti musterisridd-
arinn Parceval, Austantórur 1 - 3,
Kerling vill hafa nokkuð fyrir
snúð sinn, Nína, Ferðabók Þ. TH.,
1- 4, önnur útgáfa. Fólkð í firði-
num 1 - 3, Ættir Austfirðinga
1 - 9, Heimsmeistaraeinvígið í
skák 1972, Landfræðisaga
Íslands 1 - 4, Lýsing Íslands 1 - 4,
plús minn-ingarbók Þ. HT.,
Almanak hins Íslenska Bók-
menntafélags 1875 - 2006, 33.
bindi, Inn til fjalla 1 - 3, Fremra
Hálsætt 1- 2, Kirkjuritið 1. - 23.
árg., Bergsætt 1 - 3, V-Skafeftell-
ingar 1 - 4. Sunnudagsblað
Tímars, ib. Náttúrfræðingurinn 1
til 60, árg ób.
Uppl. í síma 898 9475
Sumarhús
Sumarhús – Gestahús –
Breytingar
 Framleiðum stórglæsileg sumarhús
í ýmsum stærðum.
 Tökum að okkur stækkun og
breytingar á eldri húsum.
 Smíðum gestahús – margar
útfærslur.
 Sjáum um almennt viðhald á
sumarhúsum og sólpöllum.
 Setjum niður heita potta og
smíðum palla og skjólveggi.
Áratugareynsla –
endilega kynnið ykkur málið.
Trésmiðja Heimis, Þorlákshöfn,
sími 892-3742 og 483-3693,
www.tresmidjan.is
Ýmislegt
Húsviðhald
Húsaviðhald.
Tek að mér ýmis
smærri verkefni
fyrir jólin.
Uppl. í síma 847 8704
manninn@hotmail.com
Færir þér
fréttirnar
mbl.is
Þekking og lífsaf-
staða Róberts
Trausta Árnasonar
var svo sérstök að
það var engu líkara en hann
hefði lifað víðs vegar um Norður-
álfu undanfarnar þrjár aldir eða
svo. Því miður kynntist ég hon-
um alltof seint en síðustu miss-
erin áttum við af og til löng sam-
töl sem voru mér sem opinberun,
hvort sem umfjöllunarefnið var
kjarnorkuvígbúnaður eða valda-
skeið Friðriks mikla Prússakon-
ungs.
Róbert Trausti greindi mér
frá ótalmörgu í trúnaði en tiltók
það aldrei sérstaklega enda ættu
„vandaðir menn að kunna að
grisja úr samtölum það sem
segja mætti frá“ eins og hann
orðaði það. Góð dómgreind
þeirra sæi um að annað yrði
varðveitt.
Ég á Róbert Trausta margt að
þakka. Hann kynnti mér meðal
annars hina stórkostlegu bók
Ernsts Jüngers, In Stahlgewit-
tern, og Il Gattopardo eftir Giu-
seppe di Lampedusa.
Fyrir rúmu ári var ég beðinn
að skipuleggja heimsókn þýskra
stjórnmálamanna úr flokki
Róbert Trausti
Árnason
✝ Róbert TraustiÁrnason fædd-
ist 24. apríl 1951.
Hann lést 23. októ-
ber 2020.
Útför Róberts
Trausta fór fram 9.
nóvember 2020.
Kristilegra demó-
krata hingað til
lands. Þá kom sér
vel að geta leitað til
Róberts Trausta og
hann hafði ráð und-
ir rifi hverju. Við
áttum það sameig-
inlegt að vera aðdá-
endur Þjóðverja
sem hann sagði
„hlaðkalda en bað-
stofuhlýja“ og
reglulega áminnti hann mig um
mikilvægi djúprar og víðtækrar
tungumálaþekkingar. Án hennar
stæðu menn kaldir úti á hlaði.
Róbert Trausti átti viðburða-
ríka ævi. Einhverju sinni hafði
hann lokið verkefni í Þýskalandi
sem þarlendir embættismenn
vildu gjarnan þakka honum al-
veg sérstaklega fyrir og spurðu
hvort hann hefði uppi einhverjar
óskir. Önnur þeirra tveggja óska
sem hann bar fram var að fá að
líta á skrifstofu Friðriks mikla
Prússakonungs í Schloss Sans-
souci. Fúslega var orðið við
þeirri bón og einn varði hann
klukkustund með vofu „der alte
Fritz“, leit yfir bækur hans og
handlék flautu hans og penna.
Ég sé Róbert Trausta fyrir mér
þar sem hann situr íhugull í hæg-
indastól sjálfs Friðriks mikla,
stólnum þar sem hinn frægi her-
konungur og heimspekingur
andaðist 17. ágúst 1786.
Guð blessi minningu Róberts
Trausta Árnasonar.
Björn Jón Bragason.
Skil | Þeir sem vilja senda Morgunblaðinu greinar eru vinsamlega
beðnir að nota innsendikerfi blaðsins. Smellt á Morgunblaðslógóið í
hægra horninu efst og viðeigandi liður, „Senda inn minningargrein,“
valinn úr felliglugganum. Einnig er hægt að slá inn slóðina
www.mbl.is/sendagrein
Skilafrestur | Ef óskað er eftir birtingu á útfarardegi verður greinin
að hafa borist eigi síðar en á hádegi tveimur virkum dögum fyrr (á
föstudegi ef útför er á mánudegi eða þriðjudegi).
Þar sem pláss er takmarkað getur birting dregist, enda þótt grein ber-
ist áður en skilafrestur rennur út.
Undirskrift | Minningargreinahöfundar eru beðnir að hafa skírn-
arnöfn sín en ekki stuttnefni undir greinunum.
Minningargreinar