Tölvumál - 01.01.2017, Síða 8

8
Önnur ógn sem er nátengd ógninni sem lýst var hér að framan er öryggi
gagnanna. Gríðarlega mikilvægt er að huga vel að því hvernig fyrirspurnir
og innsending gagna og gagnabreytinga eru formaðar og prófaðar (e.
validation) og sendar inní gagnagrunnana sem og hvernig gögnunum er
skilað til baka til vefsins eða forritsins. Eitt þekktasta dæmið um árás á
gagnagrunna er SQL­innspýting (e. SQL­injection) þar sem hakkari bætir
inní SQL­fyrirspurn og eða innsláttar­textasvæði, sínum SQL­skipunum
og nær þannig að komast inní gagnagrunninn. Það er alltof algengt að
forritarar átti sig ekki á að nýta þá einföldu tækni sem kemur í veg fyrir
slíkar árásir. SQL innspýting er í dag (árið 2017 ) í fyrsta sæti skv. TOP
10 lista OWASP (www.owasp.org ) yfir ógnir sem steðja að tölvukerfum
og gagnagrunnum.
Og því miður hafa margir stærstu gagnalekar (e. data breaches) útí heimi
undanfarin ár, þar sem persónugreinanlegar upplýsingar og kreditkorta­
upplýsingar hafa komist í hendur glæpagengja, einmitt notast við SQL­
innspýtingu. Hjúpun SQL­fyrirspurna og innsendinga gagna í kóða, sem
og notkun á gagnagrunns­stefjum (e. stored procedures) ásamt góðri
og ítarlegri prófun (e. validation) gagna fyrir innsendingu, skiptir sköpum
í þeirri baráttu en það vill brenna oft við að hugbúnaðarlausnir skorti slíka
nálgun í hönnun. Það er sérstaklega áberandi í vefkerfum þar sem SQL
kóði er berskjaldaður fyrir hökkurum og sýnilegur í vafra með því einu að
opna sýn á kóða síðunnar.
LOKAORÐ
Með þróun forritunarmála og gagnagrunna skapast gríðarleg fjölbreytni
í hugbúnaðarlausnum fyrir vefi, bakvinnslukerfi sem og smá­forrita. Þessari
fjölbreytni ber að fagna en að sama skapi þarf að vega og meta hverju
sinni með ítarlegum prófunum hvort þessi eða hin lausnin henti þeim
vandamálum sem glímt er við, m.t.t. öryggis gagna og afkastagetu og
eins samanburði við gömlu lausnina.
Hugbúnaðarþróun er langhlaup og eins og í langhlaupi þá krefst
hugbúnaðarþróun agaðrar, vel skipulagðrar og markvissrar þjálfunar.
Þjálfun og endurmenntun í hugbúnaðargerð og gagnagrunns­forritun/
hönnun, í ört vaxandi tækniframförum samtímans krefst mikillar athygli
hugbúnaðar­sérfræðings á þeim framförum sem verða til þess að hann/
hún geti skapað sínum lausnum framgang í ört vaxandi samkeppni um
betri, öruggari og hraðvirkari lausnir.
Í orðaruglinu var að finna íslensk heiti fyrir eftirfarandi hugtök:
Flest orðanna mátti finna á tos.sky.is, en einnig voru nokkur prufuhugtök á sveimi.
batch processing runuvinnsla
browse vafra
cyberstalker neteltir
debugging kembing
domain lén
electronic rafrænn
emoticon lyndistákn
hacker tölvuþrjótur
hint / tooltip sviftexti
local staðvær
macro fjölvi
nanorobot dvergþjarki
pivot table veltitafla
refresh uppfæra
scroll bar skrunstika Nokkrar sögupersónur úr norrænni goðafræði
solid-state disk storkudrif smeygðu sér einnig inn í gátuna:
source control kóðavarsla
URL vefslóð Geri Vili Mímir
voice portal raddgátt Freki Vé Týr
wizard álfur Fenrir Váli Sif
ORÐARUGL
Íslensk tölvuorð
L A U S NLAUSN FRÁ SÍÐASTA BLAÐI