Lögmannablaðið - 15.09.1996, Blaðsíða 8

Lögmannavaktin
í Reykjavík
Nú eru liðin um tvö og hálft
ár síðan Lögmannavaktin
hóf starfsemi sína á vegum
L.M.F.Í., en á henni getur almenn-
ingur fengið endurgjaldslausa lög-
fræðiráðgjöf hjá starfandi héraðs-
dóms- eða hæstaréttarlögmanni.
Lögmannavaktin var fyrst í stað
starfrækt í húsnæði Héraðsdóms
Reykjavíkur, en haustið 1995 var
starfsemin flutt í húsnæði félagsins í
Alftamýri 9.
Reynslan af þessari starfsemi hef-
ur verið mjög góð og hafa fjölmarg-
ir einstaklingar fengið tækifæri til
að leita ráða hjá starfandi lögmönn-
um um hin margvíslegustu lög-
fræðilegu álitaefni. Þjónustan, sem
veitt er á vaktinni, er eingöngu
munnleg ráðgjöf. Þannig reka þeir
lögmenn, sem eru á vaktinni hverju
sinni, ekki erindi fyrir þá, sem að-
stoðar leita, t.d. með bréfaskrifum.
Vakthafandi lögmenn fylla út
skýrslur eftir hver viðtal og er
þannig hægt að safna sarnan töl-
fræðilegum upplýsingum um það
hvaða hópar fólks helst leita að-
stoðar og um hvað fyrirspurnir þess
snúast. Tekið skal fram hér að þess
er ekki krafist að fólk gefi upp nafn
sitt, þegar það pantar viðtalstíma.
Þá eru heldur ekki gefin upp nöfn
vakthafandi lögmanna hverju sinni.
Nafnleyndin gengur því í báðar
áttir.
A þeim tíma, sem Lögmannavakt-
in í Reykjavík hefur verið starfrækt,
hafa um 660 manns leitað þar lög-
fræðiráðgjafar. ívið fleiri konur en
karlar hafa komið á vaktina, en
munurinn er ekki mikill. Af einstök-
um málaflokkum hafa flest viðtölin
snúist um skaðabótamál, en
skammt þar á eftir koma fyrirspurn-
ir um hjónaskilnaði og sambúðar-
slit, því næst um fasteignir og síðan
um greiðsluerfiðleika og skuldaskil.
Einnig hefur töluvert verið spurt um
forsjármál, erfðamál, dánarbús- eða
gjaldþrotaskipti, refsimál og stjórn-
sýslu. Skiptingin eftir málaflokkum
er annars þessi:
Aðför/Nauðungasala ............ 19
Almannatryggingar .............. 7
Dánarbússkipti/gjaldþr.skipti 30
Erfðamál ...................... 35
Fasteignir..................... 80
Fjárskipti milli hjóna ........ 29
Forsjármál .................... 36
Greiðsluerfiðl., skuldaskil ... 70
Grenndarréttur ................ 15
Hjónaskiln./sambúðarsl...... 80
Hjúskaparmál að ö.l............ 17
Húsaleiga...................... 14
Neytendamál ................... 12
Oskráð sambúð ................. 12
Ráðningarsamn./vinnuréttur . 24
Refsimál....................... 35
Skaðabótamál................... 84
Skattamál...................... 16
Stjórnvöld .................... 31
Vátryggingamál................. 15
Viðhalds- og viðgerðars. ... 5
Þjónustusamningar .............. 5
Annað......................... 110
Reynt hefur verið að flokka þá,
sem leita til Lögmannavaktarinnar,
eftir starfsheitum, en skipting milli
einstakra starfsheita er þannig:
Atvinnulausir..................51
Atv.rekendur/sjálfst.starfandi . . 18
Heilbrigðisstéttir.............33
Iðnaðarmenn....................51
Húsmæður ......................56
Nemar .........................43
Opinberir starfsmenn ..........37
Sérfræðingar ..................34
Verkamenn/sjómenn..............89
Verslunar-/skrifstofufólk .....64
ÖrorkuVlífeyrisþegar ..........39
Annað..........................55
Niðurstaðan í viðtölunum hefur
oftast verið metin þannig að máli
hafi lokið með ráðgjöfinni, 279
sinnum, en í 247 skipti hefur fólki
verið ráðlagt að leita lögmannsað-
stoðar og í 60 skipti að leita til
stjórnvalda eða umboðsmanns Al-
þingis. í upphafi töldu sumir að
svokallaðir kverúlantar myndu
þyrpast í viðtöl á Lögmannavakt-
inni. Reynsla þeirra lögmanna, sem
staðið hafa vaktina, er þó allt önn-
ur. Telja flestir að þeir, sem leitað
hafa lögfræðiráðgjafarinnar, hafi
vissulega haft fulla ástæðu til að
leita upplýsinga og ráðgjafar um
málefni það, er viðtalið snerist um.
Alls eru 50 lögmenn skráðir á
Lögmannavaktarlistann í Reykjavík
og eru að jafnaði tveir lögmenn á
hverri vakt. MM
Lögmannavakt á
Akureyri og í
Hafnarfiröi
Vorið 1994 var komið á fót lög-
mannavakt á Akureyri og taka flestir
lögmenn bæjarins þátt i þeirri starf-
semi. Veturinn 1994-1995 fór aðsókn
á vaktina minnkandi, eftir því sem á
ieið tímabilið og leiddi það til um-
ræðu um hvort leggja ætti vaktina
niður. Niðurstaðan varð sú að halda
starfseminni áfram, á tveggja vikna
fresti í stað vikulegra viðtalstíma. Á
síðasta vetri varð aðsóknin mjög
góð, en ekki liggja fyrir tölur um
skiptingu í máiaflokka o.fl.
Þá má geta þess hér að lögmenn í
Hafnarfiröi hafa hug á því að stofna
til lögmannavaktar þar í bæ. Verður
sú starfsemi væntanlega í samstarfi
við sóknarpresta bæjarins, eins og er
um lögmannavaktina á Akureyri. Er
þess að vænta að lögmannavaktin í
Hafnarfirði byrji um eða eftir mán-
aðamótin september/október, en um
svipað leyti hefst starfsemin á Akur-
eyri einnig.
8
Lögmannablaðið