Málfríður - 15.04.1990, Blaðsíða 29

Fjárstyrkur sá, sem franska sendi-
ráðið hét félaginu frá franska utanrík-
isráðuneytinu, hefur nú borist okkur í
hendur og kunnum við þessum aðilum
bestu þakkir fyrir.
Næsti félagsfundur hefur ekki verið
ákveðinn en upplýsingar um hann
verða sendar félögum þegar þar að
kemur.
Guðný Sigurðardóttir
formaður
Frá félagi norsku-
og sænskukennara
12. febrúar
Hér skal í stuttu máli gerð grein fyr-
ir því helsta í starfi félagsins undanfar-
ið ár.
Aðalfundur Félags norsku- og
sænskukennara var haldinn í desem-
ber sl. Engar breytingar urðu á stjórn
félagsins þar sem lögð var fram tillaga
um að hún sæti til tveggja ára í senn
og var tillagan samþykkt. Stjórnina
skipa nú: Ingibjörg Sigurðardóttir,
formaður, Anne-Berit Mörch, vara-
formaður, Ingegerd Narby, ritari,
Björg Á. Juhlin og Sigrún H. Hallbeck,
gjaldkerar, og María Þorgeirsdóttir,
varamaður.
í október sl. hélt félagið ásamt Fé-
lagi dönskukennara fjölsótt námskeið
í Norræna húsinu fyrir kennara í nor-
rænum málum þar sem norski kenn-
arinn Anne-Karin Korsvold fjallaði
um „skrivprocessen i sprákundervisn-
ing“ (ritun í málakennslu). Grein eftir
hana um ritun í tungumálakennslu
birtist f októberblaði Málfriðar. Tii við-
bótar við þetta námskeið var haldið
námskeið fyrir norsku- og sænsku-
kennara skömmu síðar þar sem kynnt-
ar voru nokkrar aðferðir í tungumála-
kennslu. Fjallað var um „tileinkun
orðaforða", sem Sigrún H. Hallbeck
sá um að kynna. Annað meginefni
var „sjálfstæð vinna“ (sjálvstándigt ar-
bete) í umsjá Bjargar Juhlin. Reyndust
þessi námskeið bæði hagnýt og fræð-
andi, enda er sjálfsagt að kynna sér
helstu nýjungar í málakennslu eins
og kostur er.
Fastur liður í skólastarfinu er nem-
endaskiptaferðir og fóru t.d. nemend-
ur í norsku úr 7. bekk til Spydeberg í
Noregi í ágúst sl. Norræna ráðherra-
nefndin, Norræna félagið og mennta-
málaráðuneytið veittu styrk til ferðar-
innar. Fyrirhugaðar eru fleiri ferðir í
vor og á hausti komanda og hljóta
slíkar ferðir að veita nemendum og
kennurum gott tækifæri til að efla og
styrkja tengslin við nágrannaþjóðirnar.
í byrjun marsmánaðar nk. verður
haldin norsk/sænsk kvikmyndavika í
Norræna húsinu, ætluð nemendum í
norsku og sænsku. Hefðbundin
kennsla fellur þá niður, en nemendur
vinna síðan verkefni í tengslum við
þá mynd sem þeir hafa séð.
Nokkrir kennarar halda á norrænt
málanámskeið í Kungálv í Svíþjóð í
lok febrúar. Sjötta apríl verður hald-
ið námskeið fyrir kennara í félaginu
og ber það yfirskriftina „Talþjálfun
nemenda í tungumálakennslu", og
munu dönskukennarar einnig taka
þátt í námskeiðinu. Það verður haldið
í Norræna húsinu og fyrirlesari verður
Bo Arne Skiöld sem hefur verið lektor
í aðferðafræði við Kennaraháskólann í
Stokkhólmi. Hann hefur sérhæft sig í
þjálfun nemenda vð að tjá sig munnlega
og mun kynna margvíslegar aðferðir þar
að lútandi.
Að lokum: I byrjun febrúar voru
staddir hér á landi sænski vísnasöngv-
arinn Axel Falk og gítarleikarinn
Bengt Magnússon sem fluttu Bell-
man-dagskrá í Norræna húsinu og á
Akureyri í tilefni 250 ára afmælis
söng- og vísnaskáldsins Carl Michael
Bellman. Fengust þeir til að koma og
syngja fyrir nemendur í sænsku og
aðra sem áhuga höfðu í Menntaskól-
anum við Hamrahlíð við góðar undir-
tektir og hefur eflaust reynst mikil
upplyfting í vetrarkuldanum að hlýða
á nokkra létta Bellmanssöngva.
Ingibjörg Sigurðardóttir
formaður
BÆKUR FERÐALÖG
Ferðaskrifstofan Land og Saga skipuleggur ferðina fyrir þig
hvort sem hún er um eigið land eða til útlanda.
Höfum umboð fyrir fjölda málaskóla.
í Sögubúðinni færðu bækur um ísland og eftir íslenska rithöfunda
á erlendum tungumálum.
Úrval vasabrotsbóka á þýsku og frönsku.
Höfum fyrirliggjandi flestar námsbækur fyrir framhaldsskóla.
Sérpöntum námsbækur fyrir tungumálakennslu.
Láttu fagfólkið vinna verkin fyrir þig, þér að kostnaðarlausu.
Ferðaskrifstofan Land og Saga
BANKASTRÆTI 2 - SÍMI 91-627144
29