Málfríður - 15.09.1995, Page 9

klifaði á því í ræðu og riti, að ein
komma í setningafræðiæfingu
hefði verið látin skera úr um
það, hvort piltur nokkur hlyti á
landsprófi svokallaða fram-
haldseinkunn eður ei. Veruleik-
inn var nú sjaldan, ef nokkurn
tíma, alveg svona dramatískur.
Aftur á móti hygg ég vera flestra
álit sem fylgdust með gangi
mála, að landsprófin hafi á
síðari hluta tímabils þeirra náð
að verða nútímalegri og að-
gengilegri en þau voru í byrjun,
án þess að í neinu væri slegið af
námskröfum. - Undirritaður fv.
tungumálakennari átti allmikið
samstarf við landsprófsnefndar-
menn í rúmlega tvo áratugi og
er sannfærður um, að upp til
hópa unnu þeir störf sín af færni
og réttsýni.
Landsprófsverkefni, einkum
þau sem voru nýjust af nálinni
hverju sinni, voru í stórum stíl
notuð í skólum til æfinga og
prófundirbúnings vítt og breitt
um landið. Það var mörgum
skólamönnum umhugsunarefni
á sínum tíma, að með þessum
hætti hefðu prófin haft mótandi
áhrif á kennsluna í skólunum, og
sýndist sitt hverjum um ágæti
þess.
Nemendur sem lokið höfðu
landsprófi með tilskilinni lág-
markseinkunn áttu, eins og áður
sagði, rétt á inngöngu í fram-
haldsskóla. Nemendur sem tóku
fyrsta landsprófið 1946 voru 240
talsins, en um 1500 voru þeir
orðnir er tóku hið síðasta vorið
1976. Þeir framhaldsskólar er
fyrir voru á fimmta áratugnum
áttu í mestu erfiðleikum með að
anna ört vaxandi aðsókn, sem
næstum mætti líkja við spreng-
ingu, og voru skólar þessir tví-
og þrísetnir um árabil, uns
skriður komst á byggingu nýrra
framhaldsskóla (Laugarvatn
1953, Menntaskólinn við Hamra-
hlíð 1966 o.s.frv.).
I dag eru mennta- eða fjöl-
brautaskólar í öllum landshlut-
um, á þriðja tug samtals, og fátt
sem minnir á þrengslin á 6. og 7.
áratugnum. „Mjór er mikils
vísir“ hljóðar máltækið. Flest af
því sem hér hefur að framan
verið drepið á hófst í raun með
fyrsta landsprófinu 1946, og það
hefur verið líkast spennandi
ævintýri að fylgjast með því sem
í kjölfarið hefur fylgt í næstum
hálfa öld.
Benedikt Sigvaldason er
fyrrverandi skólastjóri
Héraðsskóléuis á
Laugarvatni og kenndi við
Menntaskólann þar
•ýnum
nýjar
erlendar
námsbækur...
ERU OKKAR FAC
...að Austurstræti 18, 2. hæð.
Skjót og örugg
pöntunarþj ónusta.
Eymundsson
t/ STOFNSETT 1872 • SÍMI 511 1150