Bæjarins besta - 20.05.1992, Blaðsíða 2

2
BÆJARINSBESIA • Miðvikudagur 20. maí 1992
Vestfirðir:
Ráðstefna um van-
nýtta fiskstofna
— á vegum nýstofnaðra Þróunarsamtaka á
Vestfjörðum
IMARSMÁNUÐI síðast-
liðnum voru stofnuð hér
vestra, Þróunarsamtök
Vestfjarða en tilgangur sam-
takanna er m.a. sá að vinna
að því að þekking og reynsla
á sviði sjávarútvegs á Vest-
fjörðum nýtist til þróunar og
nýsköpunar auk þess að
skapa vettvang þar sem hug-
myndir og frumkvæði
heimamanna fái umfjöllun
og stuðning.
Þá er það hlutverk Þróun-
arsamtaka á Vestfjörðum að
tryggja að fullt tillit sé tekið
til óska fyrirtækja á svæðinu
varðandi verkefnaval og
verði unnin í samráði við
þau auk þess að styrkja
stöðu rannsóknastofnanna á
Vestfjörðum. Aðilar að
samtökunum eru opinberar
stofnanir; útibú Rannsókna-
stofnunar fiskiðnaðarins,
útibú Hafrannsóknarstofn-
unar, Háskóli Islands, Há-
skólinn á Akureyri og
Byggðastofnun ásamt ýms-
um fyrirtækjum sem tengj-
ast veiðum, vinnslu og þjón-
ustu við sjávarútveg á
Vestfjörðum.
Samtökunum er ætlað að
skapa nýjan vettvang í sjáv-
arútvegi ásamt því að stuðla
að lausn vandamála sem
upp koma í vinnslu og veið-
um. Þegar ráðist er í ákveð-
in verkefni er gerður um
það sérsamningur sem þau
fyrirtæki sem áhuga hafa,
skrifa undir og geta með því
stjórnað að hve miklu leyti
og á hvaða hátt þau koma
inn í viðkomandi verkefni.
I samvinnu við Fjórð-
ungssamband fiskdeildanna
á Vestfjörðum ætla Þróun-
arsamtökin að efna til ráð-
stefnu sem ber yfirskriftina
„Vannýttar tegundir
Raunhæfur möguleiki?“. A
ráðstefnunni verður fjallað
um svonefnda „vannýtta
fiskistofna“. Fyrirlesarar
verða fulltrúar Sjávarút-
vegsráðuneytis, Hafrann-
sóknarstofnunar, Rann-
sóknastofnunar
fiskiðnaðarins og Sölumið-
stöðvar hraðfrystihúsanna,
sem munu ræða málin hver
frá sínu sjónarhorni.
Ráðstefnan verður haldin
á Hótel ísafirði miðvikudag-
inn 27. maí kl. 13.00 og er
fundurinn öllum opinn.
-s.
Fjarðarsvæðið
-einbýlishús
Hef kaupanda að góðu einbýlishúsi á
Fjarðarsvæðinu.
Arnar G. Hinriksson hdl.
Silfurtorgi 1,
ísafirði
Sími 4144.
ísafjörður:
Patreksfjörður /Þingeyri:
Samnintar hafa tekist á milli
Flugleiða og sveitarstjórna
SAMNINGAR hafa tek-
íst á milli sveitarstjórn-
anna á Patreksfiröi og á
Þingeyri annars vegar og
Flugleiða hf. um áætlunar-
flug félagsins til þessara
staða.
Samkvæmt nýrri sumará-
ætlun félagsins til þessara
staða og gildir frá 18. maí til
6. september verða flognar
11 ferðir til Patreksfjarðar á
viku og þrjár ferðir til Þing-
eyrar. Flogið verður með 19
sæta Twin Otter vél Flugfé-
lags Norðurlands hf., utan
hvað á föstudögum er flogið
með nýrri Fokker 50 flugvél
til Patreksfjarðar.
í tilefni sumaráætlunar
Flugleiða til þessara staða
hefur félagið ákveðið að
bjóða „betra verð“ á þess-
um leiðum sem er kr. 5.430.
til og frá Patreksfirði og kr.
5.370 til og frá Þingeyri.
Verðið er miðað við að
greitt sé fyrir báðar leiðir,
fram og til baka, með
a.m.k. tveggja daga fyrir-
vara og höfð sé viðdvöl í
þrjár nætur hið minnsta en
hér er um takmarkað sæta-
framboð að ræða.
-s.
Vitni
vantar
LÖGREGLAN á ísa-
firði hafði samband
við blaðið og vildi koma
eftirfarandi á framfæri:
Fimmtudaginn 30. apríl
sl. var ekið utan í vinstra
afturbretti og vinstri fram-
hurð bifreiðarinnar SP-
866, þar sem hún stóð við
Brunngötu 7, á ísafirði.
Tjónvaldur hvarf burt af
vettvangi án þess að til-
kynna ákeyrsluna. Bif-
reiðin SP-866 er af gerð-
inni Lada fólksbíll, hvít að
lit.
Föstudaginn 8. maí var
ekið utan í hægra fram-
bretti bifreiðarinnar AV-
321 þar sem hún stóð við
Stjórnsýsluhúsið á ísa-
firði. Tjónvaldur hvarf
burt af vettvangi án þess að
tilkynna ákeyrsluna. Bif-
reiðin AV-321 er af gerð-
inni Subaru fólksbifreið,
rauð að lit.
Ef einhverjir lesendur
blaðsins hafa einhverja
vitneskju um þessa atburði
eru þeir vinsamlegast
beðnir að hafa samband
við lögregluna á ísafirði.