Víðförli - 15.01.1983, Side 5

A valdi videotrölla
— „Maður verður hræddur og líður svaka
illa, en samt vill maður alltaf sjá meira
og meira — það er eins og maður geti
ekki hætt“.
Þetta eru orð tíu ára drengs. Hann er
af þeirri kynslóð barna og unglinga sem
hefur frá fyrsta fari lifað með þeim ógn-
um og skelfingum, sem fjölmiðlar færa
inn í þeirra reynsluheim. Með vídeóbylt-
ingu síðustu ára hefur síðan beinlínis
orðið innrás í þann hugarheim.
Verulegt eftirlit hefur verið með
„gömlu" fjölmiðlunum, kvikmyndaeftir-
lit hefur takmarkað aðgang að kvik-
myndum, ríkisfjölmiðlar, útvarp og
sjónvarp, hafa fylgt ákveðnum reglum,
þótt ekki hafi allir verið ásáttir um það.
Um vídeó gegnir allt öðru máli.
Myndbandaleigur hafa sprottið upp
eins og gorkúlur hérlendis á síðustu
árum og það eru augljóslega ofbeldis-
myndir sem mest framboð er af, og mæt-
ir það eftirspurn. Helgi E. Helgason
fréttamaður sjónvarps brá upp ógnvekj-
andi mynd af ástandi þessara mála hér-
lendis í Kastljósi nýverið.
Myndbönd eru nærtæk á mörgum
heimilum. Þar sem báðir foreldrar vinna
fullan vinnudag utan heimilis, er það
ekki óalgengt að börn þeirra séu mikið á
eigin vegum - og horfa þá gjarnan á
myndbönd með ofbeldisefni með ófyrir-
sjáanlegum afleiðingum.
Umræðan fer fram vítt og breitt um
lönd og spurt hversu skaðvænlegum
áhrifum skemmtunarofbeldið valdi.
Verjendur myndbandanna eiga nú t.d.
erfiðara að mótmæla þeim niðurstöðum
rannsókna sem benda til þess að árásar-
girni aukist með vaxandi skoðun ofbeld-
ismynda. Alvarlegri er þó líklega hin sál-
arlega sköddun sem gerist smám
saman við skoðun ofbeldis og klám-
myndanna. Sérstaklega verða hinir
yngstu fyrir þessum áhrifum. Hætta er á
að sjálfsmynd þeirra og afstaða öll til
umhverfisins verði neikvæðari. Jónas
Wall, sænskur fjölmiðlafræðingur telur
að slíkt myndefni ofbeldis og kláms,
beinlínis rugli og afsiði fólk, það dragi úr
möguleikum fólks til að skilja aðra og
koma fram við hvert annað á mann-
eskjulegan máta. —
Gróðaarmar fjölþjóðlegra fyrirtækja
myndbandatröllanna - ná nú hindrun-
arlítið inn í viðkvæma sálarkima margra
íslenskra barna, eitra þar tilfinningalíf
og umhverfa eðlilegum viðhorfum og
gildismati. Sem endranær eru það sem
minnst mega, sem munu mest tapa,
börnin úr vanmegna fjölskyldum sem
ekki auðnast að verja þau eða vernda
fyrir skaðlegum áhrifum. Þessi börn eru
beinlínis í tröllahöndum - má ekki
vænta þess að þau ærist, eins og gerðist
í þjóðsögunum? Þjóðfélagið hefur reynt
að koma hér til liðs með lagasetningu
um aðra fjölmiðla. Það er nauðsynlegt
að sett verði lög um útlán myndbanda
með ofbeldisefni eða klámi, og almenn-
ingur verði vakinn til umhugsunar um
þau skaðlegu áhrif sem slíkt myndefni
veldur. Umhyggja fyrir velferð barna
hlýtur að sitja í fyrirrúmi fyrir gróðasjón-
armiðum, jafnvel þótt þau séu undir
yfirvarpi prentfrelsis og jafnvel listar.
Hlýtur ekki kirkjan í boðun sinni um
frið, um samhjálp, um virðingu fyrir
mannlífinu, að benda á þetta vandamál
við bæjardyrnar, og berjast fyrfr því að
frelsa börnin úr valdi vídeótrölla.
B.G.
Kæri vinur, það er aldrei of seint að byrja
nýtt og betra líf.
Nú, þá held ég að það liggi nú ekkert á.
Þú veist auðvitað að litlir drengir eiga að
fara með pabba og mömmu í kirkju á
sunnudögum.
Jú, jú, en það er bara ekki nokkur leið að
drösla þeim þangað.
Jæja, hvernig finnst þér að vera skáti.
Það er súper, bara ef maður þyrfti ekki að
gera góðverkin.
Nýtt úr Kirkjuhúsinu
Kirkjuhúsið er nú að festa rætur í samfélaginu. Fólk veit
nú orðið hvað hér er að finna og kemur til að leita ákveð-
inna hluta. Það veit að hér fást m.a. bækur kristilegs efnis,
hljómplötur með kristilegri tónlist, kirkjumunir og minn-
ingarkort.
Öllum sem gefa út minningarkort er velkomið að hafa
þau á boðstólum hér. Hingað er þægilegt að koma fyrir fólk
sem er á ferð í bænum og svo er hægt að hringja í síma
21090 og fá gengið frá kortinu símleiðis.
Einnig fást ýmsir smámunir sem tengjast kirkjulegum
athöfnum í heimahúsum, og þar sem fermingar eru óvenju
snemma í ár vil ég minna á að allar fermingarvörur eru hér
á boðstólum. Fólki út á landi vil ég benda á að það getur
fengið þessar vörur póstsendar og er þá betra að vera fyrr
á ferðinni en seinna.
Ekki síst vil ég segja frá því að Kirkjuhúsið mun annast
útvegun á fermingarkyrtlum. Þeir eru úr mjög góðu efni
sem ekki þarf að strauja, einfaldir en fallegir í sniði og
þægilegir í notkun.
Verið velkomin að líta inn, hringja, og jafnvel þiggja
kaffibolla!
Bestu kveðjur, Þorbjörg.
VÍÐFÖRU: — 5