Víðförli - 15.11.1986, Side 16

FRIÐUR
Friðarjól
Klukkan 21 á aðfangadagskvöld
göngum við með friðarljósið þar
sem það ber fyrir augu nágrann-
ans, út við dyr, á svölunum eða
við gluggann og bregðum upp
ljósinu, tákni vonarinnar um frið
á jörðu, með ósk um gleðileg jól.
JÓL 1986
Jólanóttin
— fjárhirðarnir koma til Jesú
Hjálp!
Hirðarnir héldu að þeir sæju of-
sjónir, þar sem þeir sátu á lítilli hæð
fyrir utan Betlehem.
En það var engill sem þeir sáu, eng-
ill Drottins.
Skyndilega tók engillinn til máls.
Verið óhræddirþví sjá ég boðayður
mikinn fögnuð.
Yður er í dag frelsari fæddur, sem er
Kristur Drottinn í borg Davíðs.
Og þá varð geislandi bjart og allt í
kringum hirðana birtust englar sem
sungu svo undurfallega:
Dýrð sé Guði í upphœðum.
Hirðarnir fóru til Betlehem og
fundu barnið. Þeir sögðu frá englun-
um og glöddust með Jósef og Maríu.
Verst þótti þeim að þurfa að fara
aftur til kindanna sinna, það var svo
gott að vera hjá Jesúbarninu.
En þeir fóru heim og sögðu öllum
frá því að Jesús væri fæddur.
Eigum við ekki að gera það líka?
16 — VÍÐFÖRLI