Víðförli - 15.10.1990, Blaðsíða 4

Hátíðahöldin 1. desember
1989
Að venju sá Félag guðfræðinema
um hátíðaguðsþjónustu sem lið í
fullveldishátíðahöldum Háskóla ís-
lands 1. desember, og var guðsþjón-
ustunni útvarpað. Að þessu sinni
fögnuðu guðfræðinemar jafnframt
fjörutíu ára afmæli Félags guð-
fræðinema. Félagið bauð öllum
prestum landsins að taka þátt í af-
mælishátíðinni og þágu margir boð-
ið. Þá þótti vel við hæfi að fá próf.
Þóri Kr. Þórðarson, frumkvöðul að
stofnun félagsins, til að flytja pré-
dikun dagsins.
Útskrifaðir kandidatar
Haustið 1989 útskrifuðust Eiríkur
Jóhannsson og Steinunn Arnþrúður
Björnsdóttir með embættispróf í
guðfræði. I janúar 1990 útskrifuðust
Guðrún Edda Gunnarsdóttir með
embættispróf í guðfræði og Stein-
unn H. Knútsdóttir með BA-próf í
guðfræði.
Vorið 1990 útskrifuðust eftirtaldir
kandidatar með embættispróf í guð-
fræði: Guðný Hallgrímsdóttir,
Hjörtur Hjartarson, Jón Hagbarður
Knútsson, Sigríður Guðmarsdóttir
og Sigurður Kr. Sigurðsson.
Loks voru eftirtaldir kandidatar
útskrifaðir 27. október síðastliðinn:
Bjarni Karlsson, Ingileif Malmberg,
Jantina H. De Ruiter, Þór Hauksson
og Örnólfur Jóh. Ólafsson.
Þess má geta til gamans að Ingileif
Malmberg útskrifaðist með hæstu
meðaleinkunn, 1. einkunn 8,90 stig,
sem gefin hefur verið frá því að
10-einkunnastiginn var tekinn upp.
Eldra metið átti sr. Arnfríður Guð-
mundsdóttir sem útskrifaðist 1986
og er nú í doktorsnámi í trúfræði í
Bandaríkjunum. Svo skemmtilega
vill til að tengdafaðir Ingileifar sr.
Heimir Steinsson á metið á eldri
einkunnastiga (1. ágætiseinkunn
14,94 stig). Ingileif hóf nú í haust
framhaldsnám í gamlatestamentis-
fræðum við Árósarháskóla, og er
maður hennar, sr. Þórhallur Heimis-
son, þar einnig við nám.
Málstofa í guðfræði og
rannsóknir kennara
Málstofa í guðfræði, sem Guð-
fræðistofnun hefur staðið fyrir frá
haustinu 1987, hefur reynst ágætur
vettvangur fyrir umræður um guð-
fræði hér á landi. Hafa að jafnaði
verið flutt sjö erindi á hverju há-
skólaári, yfirleitt síðasta þriðjudag
mánaðar í Skólabæ.
Helstu rannsóknarverkefni kenn-
ara, fastráðinna og stundakennara,
deildarinnar eru sem hér segir.
Rúmsins vegna er ekki unnt að nefna
hluta af rannsóknarverkefnunum.
Dr. Bjarni Sigurðsson prófessor
vinnur að einstökum þáttum kirkju-
réttar i framhaldi af doktorsritgerð
sinni um sögu íslensks kirkjuréttar.
Dr. Björn Björnsson prófessor
vinnur að guðfræðilegri rannsókn á
siðfræðilegum álitamálum við upp-
haf lífs og dauða.
Dr. Einar Sigurbjörnsson próf-
essor rannsakar nú guðfræði Brynj-
ólfs biskups Sveinssonar og vinnur
að endurútgáfu bókar sinnar Kirkj-
an játar.
Dr. Gunnlaugur A. Jónsson vinn-
ur við rit um sögu biblíurannsókna á
íslandi.
Dr. Hjalti Hugason kannar rót-
festingu siðbreytingarinnar í tíð
fyrstu evangelísk-lúthersku biskup-
anna á íslandi.
Hörður Áskelsson lektor kannar
uppruna og feril sálmanna í íslensku
sálmabókinni.
Jón Sveinbjörnsson prófessor
vinnur að rannsóknum við merking-
arfræðilega greiningu á textum í
þeim tilgangi að vinna að orðabók
eða orðstöðulykli yfir Nýja testa-
mentið byggðum á merkingarsvið-
um.
Sr. Jónas Gíslason prófessor und-
irbýr útgáfu fyrirlestra sinna í al-
mennri og islenskri kirkjusögu.
Sr. Kristján Búason dósent vinnur
að samanburðarrannsókn á þremur
aðferðum í ritskýringu Markúsar-
guðspjalls.
Dr. Sigurður Örn Steingrímsson er
að skrifa Sögu ísraels á tímabilinu
587-135 f. Kr.
Dr. Þórir Kr. Þórðarson prófessor
vinnur að táknfræðilegri og túlkun-
arfræðilegri greiningu á hluta Sáls-
sögunnar (1 Sam 13-15) með hliðsjón
af spurningunni um þjáninguna og
hið illa.
Ný guðfræðirit og Ritröð
Guðfræðistofnunar
Á háskólaárinu komu út tvö guð-
fræðirit, sem bæði sæta miklum tíð-
indum. Annars vegar er þar um að
ræða bókina Credo eftir dr. Einar
Sigurbjörnsson prófessor. Er það í
fyrsta sinn sem gefið er út íslenskt
yfirlitsrit yfir kristna trúfræði. Hins
vegar er það bókin Trúarlíf íslend-
inga, sem þeir dr. Björn Björnsson
prófessor og dr. Pétur Pétursson
dósent í félagsvísindadeild skrifuðu
saman. Bókin hefur að geyma niður-
stöðum könnunar sem þeir félagar
framkvæmdu veturinn 1986-87 og
náði til 1000 manna úrtaks. Engin
sambærileg könnun á trúarlífi ís-
lendinga hefur áður verið fram-
kvæmd. Bókin Trúarlíf íslendinga er
3. heftið í Ritröð Guðfræðistofnun-
ar. 4. heftið, sem fjallar um Biblíu-
þýðingar í sögu og samtíð, kemur út
þessa dagana. 5. heftið er minninga-
rit um Jóhann Hannesson
4 _ VÍÐFÖRLI