Víðförli - 15.10.1990, Blaðsíða 7

Þessir þrír þættir eru taldir mikil-
vægir til þess að trúin nærist og
þroskist og menn dafni til
hjálpræðis.
Hér hefur aðeins verið tæpt á
nokkrum hugmyndum um safnaðar-
uppbyggingu. Fyrir höndum liggur
að skapa umræðu um þessi fræði og
koma af stað gerjun í hverjum söfn-
uði sem leiðir til markvissrar áætl-
anagerðar og uppbyggingar.
Safnaðaruppbygging er eitt brýn-
asta verkefni kirkjunnar. Þennan
áratuginn er það sérstakt átaksverk-
efni en um leið er það verkefni allrar
framtíðar. Kirkjan hefur betri að-
stæður til þess en oft áður að efla
tengsl sín við þjóðina en um leið á
hún í vaxandi samkeppni. Þvi er þörf
á fúsum höndum, endurbættum
veiðarfærum, markvissum aðferð-
um og nýjum leiðum í safnaðar-
starfi.
Safnaðaruppbygging er spenn-
andi verkefni! Tökum höndum
saman!
Danski prestaháskólinn
í Lögumkloster
Nokkrir íslenskir prestar hafa
dvalist við nám í Prestaháskólanum
í Lögumkloster á Suður-Jótlandi. Ég
er einn þeirra presta, sem naut hinn-
ar frábæru gestrisni staðarins og átti
þá viðtal við rektor skólans.
Ég spurði hann fyrst um aldur
skólans og upphaf
Prestaháskólinn var stofnaður ár-
ið 1965 fyrir forgöngu Bodil Koch,
þáverandi kirkjumálaráðherra. Hún
taldi að prestar ættu að hafa tök á að
afla sér sífelldrar menntunar bæði í
guðfræði og líka á sviði félagsvís-
inda og lista. Prestaháskólinn var
fyrst í grennd við Kaupmannahöfn
en fluttist í Lögumkloster árið 1973.
Hvert biskupsdæmi fyrir sig sér
um að vista presta sína á Prestahá-
skólann. Prestarnir sækja til bisk-
upsdæmisins um skólavist og fá frí
frá þjónustu til að sækja námskeið-
in. Sjálfir greiða þeir aðeins lítinn
hluta af kostnaði við námsdvölina.
Þeir fá ekki „diplómu" eða
„punkta“ fyrir nám sitt og taka held-
ur ekki próf. Litið er á nám þeirra
sem framfarir í anda lýðháskólanna.
Hvernig er kennslan skipulögð?
Kennt er í 8 mánuði á ári. í 4 mán-
uði eru fjögur mánaðarlöng nám-
skeið. í aðra4 mánuði eru námskeið,
sem standa í viku, 10 daga eða hálfan
mánuð. Á styttri námskeiðunum er
dögunum skipt milli margra fyrir-
lestra og vinnu en á lengri námskeið-
unum eru 3 efni til umfjöllunar. Þá
er kennsla á morgnana en síðdegið er
ætlað til rannsókna á því efni, sem er
til umfjöllunar. Það er einmitt það,
sem allir prestar vildu geta gert í
starfi sínu en aldrei er tími til með
hinum daglegu störfum í presta-
köllunum.
Hvaða námskeið eru eftirsóttust?
Vinsælustu efnin nú eru tengd sál-
gæslu. En efni svo sem umfjöllun
Lúters um þjóðfélagsmál, ræðugerð
við hjónavígslur eða útfarir, hafa
Iika mikið aðdráttarafl. Miklu fleiri
vildu koma á námskeið um rann-
sóknir á ritum Lúters en unnt var að
taka á móti. Það er erfitt að vita fyr-
irfram hvaða efni draga að. Boðun
trúarinnar í söfnuðinum og ný trúar-
brögð hafa t.d. ekki reynst eftirsótt
námskeiðsefni þótt búist væri við að
svo yrði.
íslenskir prestar hafa oft verið á
námskeiðum prestaháskólans í Lög-
umkloster og alltaf hefur það verið
mikið gleðiefni að hafa þá með.
Þeim er veitt skólavist eftir því sem
rúm er til. Prestar frá öðrum Norð-
urlöndum fá líka skólavist er rúm er
til. Þátttaka allra þessara presta, sem
koma frá ólíkum aðstæðum, gefur
skólastarfinu mikið gildi.
Séra Auður Eir Vilhjálmsdóttir
VÍÐFÖRLI — 7