Víðförli - 01.12.2003, Page 6

6
VlÐFÖRLI
22. ÁRG. 4. TBL.
Stefnumótun Þjóðkirkjunnar
Stefnan samþykkt - hvað svo?
Nú eru gerðir kirkjuþings komnar á vef Kirkjuþings
(www.kirkjan.is/kirkjuthing) og þar má sjá samþykkt um
Stefnu og starfsáherslur Þjóðkirkjunnar 2004 - 2010.
Kirkjuþing samþykkti þá stefnu og starfsáherslur sem
kynntar voru í stefnuskjalinu með litlum breytingum og
einnig þá forgangsröðun sem kom fram í greinargerð bisk-
ups íslands þegar hann flutti málið. Hvað svo?
Heilmikil vinna er að baki og afrakstur hennar er grunn-
ur starfsins framundan. En þetta er þó ekki nema brot af
því sem felst í stefnumótun. Aðalverkið er eftir: Fram-
kvæmd stefnunnar.
í greinargerð biskups segir meðal annars:
„Tillaga Kirkjuráðs er að skipta stefnu Þjóðkirkjunnar á
tímabilinu 2004-2010 niður í fimm aðalverkefni eða áhersl-
ursem byggð eru á meginstefnunni. Hvert verkefni næryfir
tvö ár og hefur þrjár meginþætti, þ.e. undirbúning, fram-
kvæmd og mat. Þessi verkefni eru eftirfarandi og skiptast
niður á árin sem hér segir:
2004- 2005 Samfélag - í trú og gleðl
2005- 2006 Heimili - vettvangur trúaruppeldis
2006- 2007 Fjölþætt þjónusta - opin, virk og gefandi
2007- 2008 Aukið samstarf - inn á við og út á við
2008- 2009 Umgjörð þjónustunnar - stjórnun og
starfseiningar
Sfðasta árið, þ.e. árið 2010, hafi nokkra sérstöðu, þá fari
fram heildarmat á stefnunni.
Enda þótt megináherslan verði á eitt verkefni í senn,
verður þegar fbyrjun stefnuátaksins hafist handa við að ýta
úr vör öðrum verkefnum og undirbúa í samræmi við þá leið
sem valin verður til að hrinda stefnunni í framkvæmd, und-
ir yfirstjórn biskups og Kirkjuráðs.
[...] Mikilvægt er að hver starfseining tileinki sér stefnuna,
áherslur og einstaka verkefni, ígrundi grundvöllinn og mark-
mið Þjóðkirkjunnar og sjái þar tækifæri til að eflast og bæta
þjónustuna m.a. með því að gera hana markvissari.
Starfseiningar, sóknir og stofnanir aðlagi meginstefnu og
verkefnin að þeim aðstæðum sem hver og ein starfseining
býr við. “
Samfélag í trú og gleði
Fyrstu tvö árin verður megináhersla lögð á samfélagið.
Hér er átt við samfélagið innan kirkjunnar, í messunni, í
sókninni, í landinu. í öllu kirkjustarfi verðum við að spyrja
okkur hvernig við getum eflt samfélagið, tekið vel á móti
fólki, stutt hvert annað.
En hvernig verður staðið að breytingum? Það verður
aldrei nema með því að vinna með grasrótinni, vinna með
öllu því góða fólki sem starfar innan kirkjunnar að sameig-
inlegum markmiðum.
Stefnt er að því að stofna nokkra starfshópa er koma
með tillögur um framkvæmd hinna mismunandi áherslu-
atriða. Jafnframt því eru starfseiningar kirkjunnar hvattar til
að skoða eigið starf í Ijósi þessa og í Ijósi stefnuskjalsins
sem finna má á vef kirkjuþings. Sóknir, prestaköll og pró-
fastsdæmi geta þegar hafist handa við að skoða eigið starf
í Ijósi þessara áhersla.
Vonandi verða tillögur að útfærslu, byggðri á stefnu-
skjalinu og þeim upplýsingum sem fyrir liggja, komnar á
blað í lok fyrsta ársfjórðungs. Þá stendur einnig til að gefa
út efni um stefnu kirkjunnar. Þessar tillögur verða einnig
kynntar víða innan kirkjunnar og boðið upp á samráðsfundi
um framkvæmd stefnunnar sem hlýtur alltaf að markast að
einhverju leyti af ytri aðstæðum.
Kirkjufólk tók vel við sér í fyrsta hluta stefnumótunarinn-
ar og kom sínum áhyggjum og sinni ánægju á framfæri í
svót greiningunni. Þar og á kynningarfundum víða um land
fengust afar mikilvægar upplýsingar um líðan fólksins í
kirkjunni og hugmyndir um hvert stefna bæri og hvernig út-
færslan ætti að vera. Það er mikilvægt að þessi grasrótar-
áhugi hverfi ekki og við vinnum öll að því saman að byggja
upp kirkjustarfið og samfélagið okkur öllum til góðs.
Adda Steina Björnsdóttir
Þetta þrennt...
- Þrennt er mikilsvert:
þrennt að elska:
Hugrekki, hógværð og sannsögli.
Þrennt að hata:
grimmd, stærilæti og vanþakklæti.
Þrennt að biðja um:
trú, frið og hreint hjarta.
Þrennt að forðast:
leti, mælgi og gálaust hjal.
Þrennt að ráða við:
hugarfar, tungu og hegðun.
Þrennt að muna eftir:
lífi, dauða og eilífðinni.
Úr bókinni Orð í gleði
Karl Sigurbjörnsson tók saman.