Rauði borðinn : fréttabréf alnæmissamtakanna á Íslandi - 01.12.2007, Síða 15

Alnæmi breiðist gífurlega hratt út í Kína
Nú eru liðin um tíu ár síðan hneykslið varð í Henan-héraði
þegar fjöldi fólks smitaðist af sýktu blóði á sjúkrahúsum.
Seinna hafa yfirvöld smám saman viðurkennt að hiv-veiran
berist milli fíkniefnaneytenda. En nú gerist það að þau
segja að aðalsmitleiðin sé áhættukynmök. Yfirvöld áætla að
smitaðir séu um 650.000 en margir telja að þeir séu miklu
fleiri.
I nýlegri skýrslu segir að 70.000 hafi greinst með hiv-smit eða
alnæmi árið 2005 og að helmingurinn sé vega áhættukynlífs.
Hingað til hefur áróðri við alnæmisvarnir veri beint til hópa
í mikilli áhættu, sérstaklega fíkla. Nú þarf að beina honum
tih.venjulegs'' fólks, einkanlega ungs fólks. Þetta getur orðið
snúið hjá þjóð sem hefur afar íhaldssama afstöðu til kynlífs
- opinskáa umræðu vantar og um margt má alls ekki ræða.
Hiv'Smit snertir sérstaklega milljónir karla sem eru
farandverkamenn og dveljast í stórborgunum og vinna við
hinar miklu byggingarframkvæmdir sem alls staðar eru.
Þessu hefur fylgt að mörg hundruð þúsund vændiskonur
starfa þar. Kannanir sýna að tíundi hver karl sem lifir kynlífi
hefur keypt sér kynlíf hjá vændiskonu.
Ymiss konar forvarnastarf hefur farið af stað en er enn
umfangslítið. Frjáls félög áhugamanna um forvarnir eru
leyfð en víða treysta yfirvöldin þeim ekki.
Tilraunum með bóluefni
gegn alnæmi hætt
Umfangsmestu tilraunir með bóluefni gegn alnæmi hófust
í febrúar 2007 í Afríku. 3.000 ósmitaðir Suðurafríkumenn
tóku þátt. Upphafinu var fagnað í Suðurafríku þar sem um
1.000 manns deyja daglega af afleiðingum alnæmis.
Helmingur þátttakenda var sprautaður með bóluefninu
MRK-Ad5 en hinn með óvirku efni. Átti svo að fylgjast með
hópunum í fimm ár en verkefninu var hætt nú í október.
Um 800 manns höfðu verið sprautaðir með virka efninu og
verður þeim greint frá því að ef til vill verði þeim hættara en
annars að smitast af hiv-veirunni. .
Sams konar tilraun var gerð áður með 3.000 manns í
Bandaríkjunum og Suður-Ameríku. Árangurinn var
rannsakaðuríseptemberogvaraðstandendumtilraunarinnar
brugðið þegar í ljós kom fleiri höfðu smitast í þeim hópnum
sem hafði verið sprautaður en í samanburðarhópnum. Af
741 í fyrri hópnum höfðu 24 smitast af hiv'veirunni en í
hinum hópnum 21 af 726. Tilrauninni var strax hætt.