Bæjarins besta - 03.03.2004, Blaðsíða 11

MIÐVIKUDAGUR 3. MARS 2004 11
Arnar G. Hinriksson hdl.
Silfurtorgi 1 • Ísafirði • Sími: 456 4144 • Fax: 456 4243
Fasteignaviðskipti
Hef til sölu
fasteignir víða
á Vestfjörðum
Allar nánari upplýsingar
eru veittar á skrifstofu
Atvinna
Óskum eftir að ráða bifvélavirkja til starfa
á bifreiðaverkstæði okkar.
Nánari upplýsingar í símum 456 4580 og
863 3800.
Bílatangi ehf., Ísafirði.
Verðmæti afla sem landað
var á Vestfjörðum á fyrstu ell-
efu mánuðum síðasta árs var
um einum milljarði lægra en á
sama tíma árið á undan.
Mestur er samdrátturinn í
þorski. Á tímabilinu var land-
að á Vestfjörðum 50.280 tonn-
um að verðmæti rúmlega 4,3
milljarðara króna. Á sama tíma
árið áður hafði verið landað
71.259 tonnum að verðmæti
rúmlega 5,3 milljarða króna.
Samdrátturinn nemur rúmlega
19%. Þetta kemur fram í tölum
frá Hagstofu Íslands.
Af einstökum fisktegundum
má nefna að afli í þorski hefur
dregist saman um 2.800 tonn
á milli ára og verðmæti hans
um 430 milljónir króna. Ýsu-
afli stendur í stað í magni, er
rúmlega 4.000 tonn, en afla-
verðmætið hefur minnkað um
160 milljónir króna. Grálúðu-
afli dregst saman um rúm 900
tonn og verðmætin um 210
milljónir króna. Loðnuafli
dregst saman um 18.000 tonn
og verðmætin um 140 millj-
ónir króna og rækjuafli dregst
saman um 1.500 tonn og
aflaverðmæti um 200 milljónir
króna.
Af helstu fisktegundunum
er einungis aukning í stein-
bítsafla. Þar verður aukning á
milli ára um 1.300 tonn og
aflaverðmætið jókst um tæpar
80 milljónir króna.
Á landinu í heild varð sam-
dráttur í aflaverðmæti fyrstu
ellefu mánuði síðasta árs um
12,6% og varð samdráttur í
öllum landshlutum. Mestur
varð hann þó á Vestfjörðum
eða um 19,2% eins og áður
sagði og þar á eftir kemur höf-
uðborgarsvæðið með tæplega
17% samdrátt á milli ára.
Minnstur varð samdrátturinn
á Austurlandi um 11%. – hj@bb.is
Dróst saman um einn milljarð
Aflaverðmæti á Vestfjörðum fyrstu ellefu mánuði síðasta árs
Löndun í Bolungarvíkurhöfn.
Grunnskólanemum á Vestfjörðum fækkar en réttindakennurum fjölgar
Nemendum hefur fækkað um 13% frá 1997
Grunnskólanemendum á
Vestfjörðum hefur fækkað um
tæp 13% síðan árið 1997 en á
sama tíma hefur hlutfall rétt-
indakennara í grunnskólum á
Vestfjörðum hækkað mjög.
Þetta kemur fram í tölum frá
Hagstofu Íslands.
Árið 1997 var 1.431 nem-
andi í grunnskólum á Vest-
fjörðum en í haust hófu aðeins
1.249 nemendur nám. Hefur
því nemendum á þessu tíma-
bili fækkað um 12,72%. Mjög
misjafnt er hvernig fækkunin
kemur fram í einstökum ár-
göngum. Sem dæmi má nefna
að nú stunda tæplega 8% fleiri
nemar nám í 6. bekk en árið
1997 en tæplega 27% færri
nemar eru nú í 7.bekk en árið
1997.
Þrátt fyrir fækkun nemenda
hefur kennurum í grunnskól-
unum fjölgað um einn frá árinu
1998, úr 175 í 176 í ár. Þá
hefur hlutfall réttindakennara
hækkað úr 48,6% árið 1998 í
56,3% í ár. Á landinu öllu
fjölgaði grunnskólanemend-
um um tæp 7% á árunum 1997-
2003. Þeir voru 42.318 en eru
nú 44.809 talsins. Á þessum
tíma hefur nemendum á hvern
kennara fækkað úr 11,4 í 10,2.
Á sama tíma hefur nemendum
á hvern kennara á Vestfjörðum
fækkað úr 8,17 í 7,09 eða um
rúm 13%. – hj@bb.is Grunnskólinn á Ísafirði.
Rokkhljómsveitin Mínus
lék fyrir um 60 tónleikagesti í
íþróttahúsinu á Torfnesi um
miðja síðustu viku. Aðsókn
var því í minna lagi fyrir svo
stórt hús en telst varla slæm á
rokktónleika á Ísafirði.
Umgjörð tónleikanna þótti
vönduð og létu tónleikagestir
vel af ljósum og hljómi. Mínus
rokkuðu á sviðinu eftir að ís-
firska unglingahljómsveitin
Apolló hafði hitað upp. Um
skipulag tónleikanna sá Gunn-
ar Atli Gunnarsson, 15 ára
gamall Ísfirðingur, sem hefur
vakið landsathygli fyrir fram-
takið. Áður hefur hann skipu-
lagt nokkra tónleika á Ísafirði
Hljómsveitin Mínus rokkaði
í íþróttahúsinu á Torfnesi
og veitt ágóða þeirra til góð-
gerðarmála.
Hljómsveitin Mínus hefur
notið vaxandi velgengni á er-
lendri grundu og þykir ein af
eftirtektarverðustu hljómsveit-
um samtímans þó ekki njóti
hún sömu lýðhylli og margir
léttmeltari tónlistarmenn.
Rokkarar á ferð. Mínus í íþróttahúsinu á Torfnesi.
Krummi, söngvari Mínuss, kominn úr að ofan.
09.PM5 12.4.2017, 09:3311