Bæjarins besta - 28.05.2003, Blaðsíða 6
6 MIÐVIKUDAGUR 28. MAÍ 2003 Lestu nýjustu fréttir daglega á www.bb.is
kona vikunnar
Nafn: Anna Guðrún Sigurðardóttir.
Fædd/-ur, hvar og hvenær: Í Reykjavík í nóv.1956.
Atvinna: Kaupmaður.
Fjölskylda: Eiginmaður Grétar Sigurðsson og börnin
eru Anna Ragnheiður, Trausti Már og Sigurður Fannar.
Helstu áhugamál: Golfið er að ná tökum á mér.
Bifreið: Toyota Landcruiser.
Hvernig bíl vildir þú helst eiga? Toyota Landcruiser.
Hvað ætlaðir þú að verða þegar þú varst lítill?
Ekkert sérstakt held ég.
Uppáhalds matur? Kjötsúpa og baunasúpa.
Versti matur sem þú hefur smakkað? Hræringur.
Uppáhalds drykkur? Gott rauðvín.
Uppáhalds tónlist? Celine Dion og sambærileg
músík.
Uppáhalds íþróttamaður eða félag? Chelsea í
enska boltanum og Tiger Woods.
Uppáhalds sjónvarpsefni? Ekkert.
Uppáhalds vefsíðan? bb.is
Besta kvikmynd sem þú hefur séð? Funny Girl
með Barböru Streisand.
Fallegasti staður hérlendis? Glymur, hæsti foss á
Íslandi og svæðið í kring.
Fallegasti staður erlendis? Nokkrir staðir í Barce-
lona.
Ertu hjátrúarfull(ur)? Ekki held ég það.
Uppáhalds heimilistækið? Uppþvottavélin.
Hvað er það skemmtilegasta sem þú gerir? Að
vera með góðum vinum.
Hvað fer mest í taugarnar á þér og hvers vegna?
Óheiðarleiki að því að ég skil ekki tilganginn. Óheiðar-
leiki er bara til að valda leiðindum og sárindum.
Hvað gerir þú til að láta þér líða vel? Fer í heitt bað
með ilmolíum.
Áttu þér leyndan draum sem þú ætlar að láta ræt-
ast? Ég hugsa það.
Hvað er það neyðarlegasta sem þú hefur lent í?
Þegar sonur minn læsti sig úti á náttfötunum.
Ef þú værir bæjarstjóri í einn dag, hverju myndir
þú breyta? Það er lítið hægt að gera á einum degi,
en kannski væri hægt að klára göngustíg inn í fjörð.
Lífsmottó? Vera ég sjálf og láta gott af mér leiða.
Heldur
mest upp á
Chelsea og
Tiger Woods
Sælkerar vikunnar
er Gabríela Aðalbjörnsdóttir
og Jóhann Birkir Helgason
Nan-brauð,
humar og ís
Við höfum ákveðið að hafa uppskrift vikunnar létta rétti
sem eru ekkert skyldir. Þar sem sól er farin að hækka á lofti
langar okkur til að gefa ykkur uppskrift að nan-brauði sem er
mjög gott að grilla úti í sólinni. Okkur finnst mjög gott að
bera þetta fram með takkó-sósu og góðu rauðvíni. Einnig
langar okkur að gefa ykkur uppskrift að ljúffengum humarrétti
sem er tilvalinn við hvaða tækifæri sem er. Að lokum kemur
uppskrift að virkilega góðum og girnilegum ís sem er mjög
fljótlegt að gera og gott að eiga í frysti.
Nan-brauð
7-8 dl hveiti
25 g ger (einn pakki)
1 tsk salt
1 tsk natrón
1 msk olía
3 dl vatn
Hnoðað saman og látið hefast í einn og hálfan til tvo tíma.
Fletjið út svo að það verði um hálfur sentimetri á þykkt og
skerið til með kleinujárni í litla hluta (svipað og smábrauð að
stærð) og stingið með gaffli nokkrum sinnum í hvert brauð.
Bakið síðan á þurri pönnu eða á útigrilli þar til brauðið er
orðið fallegt á litinn.
Humar Newburg
50 g smjör
2 saxaðir laukar
1 msk hveiti
hálf tsk salt
einn áttundi tsk paprika
einn áttundi tsk cayennepipar
4 dl rjómi
2 eggjarauður
500 g humar, skelflettur
2 tsk sérrí
Látið laukinn krauma í smjörinu þar til hann verður
mjúkur og glær. Bætið hveiti, salti og cayennepipar út í og
blandið vel saman. Hellið rjómanum út á og hrærið vel í.
Bætið humrinum út í, látið suðuna koma upp og sjóðið í 2-
3 mínútur. Sláið eggjarrauðurnar sundur í skál og setjið ör-
lítið af heitri sósunni saman við. Hellið þessu því næst í
pottinn, bætið sérríinu út í og hitið að suðu. Hrærið í á með-
an og gætið þess að ekki sjóði. Berið fram í litlum skeljum
eða brauðkollum. Eins er gott að bera þetta fram með rist-
uðu brauði.
Ljúffengur ís með ferskum ávöxtum
1 lítri vanillu Mjúkís
3-4 rommí-súkkulaðistangir
ca. 1 dl sterkt kaffi
fersk jarðarber, bláber, kíwí og vínber
Ísinn er látinn þiðna svolítið á borði. Síðan er kaffinu
blandað saman við ásamt rommí-súkkulaðinu sem er brytjað
smátt. Sett í hringlaga kökumót og látið í frysti. Ísinn er svo
settur á disk og skreyttur með brytjuðum ávöxtunum sem
komið er fyrir í miðju hringsins.
Verði ykkur að góðu.
Við skorum á Rúnar Óla Karlsson og Nanný Örnu
Guðmundsdóttur að koma með næstu uppskrift.
Meiraprófsnámskeið
· leigubifreið · vörubifreið · hópferðabifreið · eftirvagn
Vestfirðingar athugið!
Námskeið til aukinna ökuréttinda hefst á Ísafirði
föstudaginn 6. júní nk. ef næg þátttaka fæst.
Aukin réttindi = auknir atvinnumöguleikar
Takið þátt í góðærinu sem framundan er!
Ath! Breytingar eru væntanlegar á námskrá!
Uppl. í símum 581 1919 · 898 3810 · 892 4124
Tölvuþjónustufyrirtæki á Ísafirði taka upp samvinnu
Tölvuþjónustufyrirtækin
Netheimar og Snerpa á Ísafirði
hafa gert samkomulag um að-
gang Netheima að aðstöðu í
vélasal Snerpu. Snerpa mun
einnig leggja Netheimum til
bandbreiðar tengingar fyrir
vefþjóna á vegum Netheima.
Með þessu munu Netheimar
jafnframt tryggja sér og við-
skiptavinum sínum aðgang að
tvöföldu útlandasambandi
Snerpu. Fyrst og fremst munu
Netheimar nýta sér þessa að-
stöðu til að bjóða viðskipta-
vinum sínum hýsingu á vefj-
um og gagnagrunnum undir
Windows (.NET, ASP og MS
SQL) umhverfinu en Net-
heimar sérhæfa sig m.a. í
hönnun og rekstri á þessu
sviði.
Netheimar munu einnig
hafa aðgang að nafnaþjónum
Netheimar og Snerpa
semja um hýsingu búnaðar
og annarri þjónustu hjá Snerpu
sem gefur kost á að veita heild-
arlausnir fyrir viðskiptavini.
Þá fylgir einnig fullur aðgang-
ur að varaafli á búnað og vara-
sambönd á sama hátt og fyrir
viðskiptavini Snerpu.
„Með þessu samkomulagi
eru fyrirtækin að nýta sér þá
sérþekkingu og fjárfestingu
sem til staðar eru í hvoru fyrir-
tæki. Hér er því um að ræða
góða lausn fyrir báða aðila og
sýnir að fyrirtæki geta haft
með sér gagnlegt samstarf
þrátt fyrir að þau eigi að hluta
til í samkeppni á markaði“,
segir Magnús Hávarðarson,
framkvæmdastjóri Netheima.
„Við erum mjög ánægðir
með þetta samkomulag“, segir
Björn Davíðsson, þróunar-
stjóri hjá Snerpu. „Það gefur
þjónustu okkar aukna breidd
og vegna þessa getum við bent
á fleiri lausnir fyrir okkar við-
skiptavini. Þarna er ákveðin
skörun á þeim sviðum sem
við erum að sérhæfa okkur í,
sérstaklega á sviði veflausna,
og með þessu býðst mun meiri
breidd í þjónustunni hjá báð-
um aðilum. Við höfum sérhæft
okkur í veflausnum sem
byggjast á Linux stýrikerfinu.
Stundum hefur komið fyrir að
við höfum þurft að vísa frá
okkur hluta verkefna sem
heppilegra er að vinna í Wind-
ows umhverfi en með þessu
fyrirkomulagi höfum við í
raun fundið heppilegan farveg
undir alhliða lausnir“, segir
Björn Davíðsson.
Endurbætur á íþróttasvæðinu á Torfnesi á Ísafirði
Björn Helgason, íþrótta-
og æskulýðsfulltrúi Ísafjarð-
arbæjar, segir endurbætur á
íþróttavöllunum á Torfnesi
verða mikla lyftistöng fyrir
almenningsíþróttir í bænum.
„Ég á von á því að þessi að-
stöðubót efli mjög starfsemi
óformlegra hópa sem taki sig
saman og nýti aðstöðuna, það
er reynslan annars staðar.“
Í sumar verður tekinn í notk-
un gervigrasvöllur og frjáls-
íþróttaaðstaða á Torfnesi.
Stökkaðstöðuna verður einnig
hægt að nýta sem körfubolta-
völl en til staðar verða körfur
á hjólum. Björn segir völlinn
verða 15x25 m að stærð en
löglegur körfuboltavöllur sé
litlu stærri eða 15x28 m.
„Þetta á eftir að skapa
aðstöðu fyrir þá sem hafa
ekki komist að, sagði Björn.
Lyftistöng fyrir almenningsíþróttir
21.PM5 18.4.2017, 11:066