Bæjarins besta - 28.05.2003, Blaðsíða 14

1 4 MIÐVIKUDAGUR 28. MAÍ 2003 Lestu nýjustu fréttir daglega á www.bb.is
Gróska í myndlistinni á Ísafirði
Sjö listakonur
sýndu verk sín
Sjö listakonur sem
stundað hafa nám í Lista-
skóla Rögnvaldar Ólafs-
sonar á Ísafirði í vetur
héldu fyrir skömmu eins
dags sýningu á verkum
sínum í Edinborgarhúsinu
á Ísafirði. Þar sýndu þær
myndir sem þær höfðu
unnið á átta vikna vatns-
litanámskeiði hjá Jóni Sig-
urpálssyni myndlistar-
manni. Töluvert rennirí var
á sýningunni í Edinborg og
þótti ekki spilla fyrir að
undir léku gítarnemendur
listaskólans sem lært hafa
vinnukonugripin hjá
Bryndísi G. Friðgeirs-
dóttur í vetur.
Listakonurnar sjö eru
Agnes Aspelund, Sigríður
Kristinsdóttir, Dagrún
Matthíasdóttir, Sigþrúður
Gunnarsdóttir, Bjarney
Guðmundsdóttir, Gréta
Sturludóttir og Kristín
Einarsdóttir.
Listakonurnar ásamt kennara sínum.
Sölubörn!
Sölubörn vantar til afleysinga á Ísafirði í
sumar.
Nánari upplýsingar veitir Sigurjón í síma
456 4560 eða á afgreiðslu BB.
Slökkviliðsæfing í Súðavík
Kveikt í húsi til að slökkva aftur
Súðvískur slökkviliðsmaður mundar slönguna. Myndir: Ómar Már Jónsson.
Slökkvilið Súðavíkur hélt
æfingu í síðustu viku og var
kveiktur eldur í Eyrardalsbæn-
um gagngert til þess að slökk-
va hann aftur. Að sögn Alberts
Heiðarssonar, slökkviliðs-
stjóra í Súðavík, gekk æfingin
með ágætum og logaði eldur-
inn um fimm klukkustundir.
„Þarna standa tvö hús, ann-
að gamalt en hitt nýrra, og
einungis um tveir metrar á
milli þeirra. Við kveiktum í
því nýrra og reyndum með
góðum árangri að hlífa því
gamla sem er friðað. Það var
aldrei nein hætta á að eldurinn
næði á milli húsanna.“
Auk fimm súðvískra slökk-
viliðsmanna sóttu æfinguna
tveir menn frá Brunamála-
stofnun. Ford-bíll slökkviliðs-
ins í Súðavík, sem búinn er
Ziegler-dælu, reyndist vel við
æfinguna. „Við gerum þetta
ekki oft enda eru ekki mörg
hús sem við fáum. Þetta er
samt besta æfing sem völ er
á“, segir Albert.
Nokkurn reyk lagði yfir
Súðavík meðan á æfingunni
stóð en engum mun hafa orðið
meint af. Nokkur fjöldi barna
og fullorðinna fylgdist með af
áhuga meðan húsið brann. „Ég
held að enginn hafi kvartað
enda grunar mig að flestir séu
ánægðir með að losna við þetta
hús“, segir Albert Heiðarsson
slökkviliðsstjóri.
21.PM5 18.4.2017, 11:0614