Bæjarins besta - 04.06.2003, Blaðsíða 11

MIÐVIKUDAGUR 4. JÚNÍ 2003 11Lestu nýjustu fréttir daglega á www.bb.is
Kirkjuból í Bjarnardal í Önundarfirði
Hyggjast reisa minnisvarða
um Halldór Kristjánsson
Stúkan Einingin í Reykja-
vík hefur ákveðið að reisa
minnismerki um Halldór
Kristjánsson, bónda, skáld
og bindindisfrömuð frá
Kirkjubóli í Bjarnardal í Ön-
undarfirði og hefur óskað
eftir leyfi Ísafjarðarbæjar til
þess. Til stendur að minnis-
merkið verði við þjóðveginn í
landi Kirkjubóls. Stúkan hefur
fengið góð viðbrögð frá land-
búnaðarráðuneytinu en jörðin
er í eigu ríkisins.
Halldór Kristjánsson
fæddist árið 1910 og lést í
ágúst árið 2000, tæplega ní-
ræður að aldri. Hann var
mikill félagsmálamaður og
gegndi fjölda trúnaðarstarfa
á langri ævi.
Tungudalur
Baldur Ingi
sigraði
Baldur Ingi Jónasson
sigraði á „Uppstigningar-
móti“ Golfklúbbs Ísafjarð-
ar sem fram fór á Tungu-
dalsvelli á uppstigningar-
dag.
Leikin var 18 holu
punktakeppni og fékk
Baldur Ingi 42 punkta. Í
öðru sæti varð Jóhannes
Geir Guðnason með 39
punkta og í þriðja sæti Ein-
ar Valur Kristjánsson með
37 punkta.
Súðavík
Ferðamenn
koma fyrr
Wendy Scott hjá Sumar-
byggð hf., sem sér um út-
leigu á sumarhúsum í göm-
lu byggðinni í Súðavík,
segir ferðamannastrauminn
mun fyrr á ferðinni nú en á
síðasta ári. „Við erum búin
að bóka töluvert í júní og
svo hefur verið töluverð
traffík hingað til sem var
ekki á þeim tíma í fyrra.
Maður veit ekki hvernig
framhaldið verður en ég er
mjög bjartsýn“, segir
Wendy.
Á vorin og á haustin eru
í boði sérkjör á gistingu
hjá Sumarbyggð og hefur
það mælst vel fyrir eftir
aðsókninni að dæma. Sum-
arbyggð leigir út tíu hús en
auk þess eiga fjölmargir
einstaklingar og félaga-
samtök hús í gömlu byggð-
inni.
Wendy segir einhverja
húseigendur leigja vinum
og kunningjum en margir
vilji hafa húsin fyrir sig.
Súðavík
Sex ættar-
mót í sumar
Súðavík virðist vera að
sækja sig veðrið sem væn-
legur staður fyrir ættarmót.
Í það minnsta sex slík verða
haldin í bænum í sumar.
Að sögn Önnu Lindar
Ragnarsdóttur, skólastjóra
Grunnskólans í Súðavík,
hefur skólinn verið leigður
undir fjögur ættarmót.
„Um hundrað manns
sækja eitt þeirra, tvö önnur
eru tvö hundruð manna en
óvíst er um fjöldann á því
fjórða“, segir Anna Lind,
sem ásamt Birgi Ragnars-
syni húsverði sér um út-
leigu á skólanum. „Í öllum
tilfellum eru þetta ættir sem
eiga rætur í Álftafirði eða
Seyðisfirði.“
Auk mótanna fjögurra
verða haldin í það minnsta
tvö ættarmót í Félagsheim-
ili Súðvíkinga. „Þetta hefur
aldrei verið svona mikið“,
segir Anna Lind.
Atvinna
Vanur járniðnaðarmaður óskast til starfa.
Upplýsingar í símum 456 4750 og 898
5865.
Vélsmiðjan Þristur.
Símavarsla
- afleysing
Starfskraftur, 20 ára eða eldri, óskast til
að leysa af á símaborði stofnunarinnar í
sumar. Þarf að geta byrjast strax.
Upplýsingar gefur Sigrún C. Halldórsdótt-
ir skrifstofustjóri (camilla@fsi.is) í síma 450
4500.
Hafnsögubáturinn Þytur á Ísafirði að syngja sitt síðasta
Leitað eftir styrk til kaupa
eða smíði á nýjum bát
Ísafjarðarbær hefur farið
þess á leit við samgönguráðu-
neytið, að hafnir Ísafjarðar-
bæjar fái styrk samkvæmt ný-
samþykktum hafnalögum til
kaupa eða smíði á hafnsögu-
báti. Samkvæmt þeim er rík-
issjóði heimilt að taka þátt í
allt að 75% stofnkostnaðar
hafnsögubáta á stöðum þar
sem aðstæður í höfn og í ná-
grenni hennar kalla á slíkt ör-
yggistæki. Halldór Halldórs-
son bæjarstjóri segir í bréfi til
samgönguráðherra, að mikil
þörf sé fyrir aflmikinn dráttar-
bát á Ísafirði þar sem stór skip
komi til löndunar og móttaka
skemmtiferðaskipa hafi aukist
ár frá ári.
Þytur, sem lengi hefur gegnt
hlutverki hafnsögubáts á Ísa-
firði, er rúmlega 30 ára gamall.
Hann var upphaflega byggður
sem fiskibátur en síðar breytt
svo að hann nýttist í núverandi
hlutverki. Halldór segir tog-
kraft bátsins lítinn og ástand
það lélegt að ekki borgi sig að
endurbyggja hann.
Frekar er stefnt að því að
kaupa nýlegan hafnsögubát en
að láta smíða nýjan. Halldór
segir kostnað ekki liggja fyrir
en sem dæmi megi nefna að
46 milljónir séu settar á bát í
Færeyjum sem komi til greina.
Sá bátur hafi verið smíðaður
árið 1997.
Frá listsýningu barnanna 270 í Stjórnsýsluhúsinu.
Öll leikskólabörn í Ísa-
fjarðarbæ, sem eru um 270
talsins, áttu verk á mynd-
listarsýningu sem opnuð
var í Stjórnsýsluhúsinu á
Ísafirði á uppstigningardag
og stóð í tvo daga. Straum-
ur fólks var á sýninguna
strax fyrri daginn þótt
almennt væru stofnanir í
húsinu þá lokaðar og vakti
listsköpun barnanna mikla
athygli. Erna Káradóttir,
leikskólastjóri á Græna-
garði á Flateyri, segir að
ætlunin sé að halda sýn-
ingu af þessu tagi annað
hvert ár en sameiginleg
íþróttahátíð allra leik-
skólanna verði hitt árið.
„Við höfum haldið íþrótta-
hátíð síðustu ár en fannst
það orðið einhæft og
ákváðum þess vegna að
breyta til með þessum
hætti.“
270 börn sýndu í
Stjórnsýsluhúsinu
Listsýning á verkum allra
leikskólabarna í Ísafjarðarbæ
Tekið verði næstlægsta tilboði í gerð snjóflóðavarna á Ísafirði
Vesturvélar ehf. sem áttu
lægsta boð fá ekki verkið
Bæjarráð Ísafjarðarbæjar og
Framkvæmdasýsla ríkisins
(FSR) leggja til við bæjar-
stjórn að tekið verði tilboði
Kubbs ehf. og Bílagarðs-Eyr-
arsteypu ehf. í gerð snjóflóða-
varna á Ísafirði. Verk það sem
hér um ræðir er gerð 650 metra
langs leiðigarðs í Seljalands-
múla og níu snjóflóðakeilna.
Reiknað var með að verkið
gæti hafist í þessum mánuði
og tæki tvö ár.
Fyrirtækin tvö áttu í samein-
ingu næstlægsta tilboðið í
verkið og nam það um 270
milljónum króna. Það eru
78,4% af kostnaðaráætlun sem
var rúmar 344 milljónir króna.
Vesturvélar ehf. áttu lægsta til-
boð í verkið eða tæpar 240
milljónir. Þar sem ársreikn-
ingur fyrirtækisins sýndi nei-
kvæða eiginfjárstöðu ber sam-
kvæmt ákvæðum útboðs-
gagna að hafna því, eftir því
sem fram kemur í bréfi FSR
til bæjaryfirvalda í Ísafjarðar-
bæ.
Um tilboð Kubbs ehf. og
Bílagarðs-Eyrarsteypu ehf.
segir í bréfi FSR til bæjaryfir-
valda:
„Ekki er ástæða til að efast
um tæknilega getu fyrirtækj-
anna til að framkvæma umrætt
verk, en rétt er hins vegar að
benda á að velta beggja fyrir-
tækjanna hefur verið lítil und-
anfarið og þetta verkefni er
því mjög stórt á þeirra mæli-
kvarða. Af þessum sökum
gætu komið upp einhver
stjórnunarleg vandamál við
framkvæmdina sem gætu haft
í för með sér seinkun á verk-
lokum og einhvern aukakostn-
að fyrir verkkaupa. Þess ber
þó að geta að verkkaupi mun
vera tryggður fyrir slíkum
kostnaði í gegnum verktrygg-
ingu verktakans. Þá er einnig
bent á að vegna eðlis fram-
kvæmdanna er ekki mikil
áhætta eða tjón fólgin í því
fyrir verkkaupa þó svo að
skiladagur verksins dragist.“
Framkvæmdastjóri Kubbs
ehf., Sævar Óli Hjörvarsson,
kveðst mjög undrandi á fram-
angreindum ummælum Fram-
kvæmdasýslu ríkisins. „Velta
okkar í fyrra var um 300 millj-
ónir fyrir utan skatt eða meiri
en þetta verk á að kosta. Við
höfum verið og erum í stórum
verkefnum og höfum alltaf
skilað þeim á réttum tíma.“
Þar nefnir Sævar Óli sem
dæmi vegagerð í Skötufirði,
„hundrað og fimmtíu milljóna
króna verkefni, sem við kom-
um til með að skila nokkrum
mánuðum á undan áætlun. Þá
höfum við verið að vinna í
vega- og gatnagerð á Stein-
grímsfjarðarheiði, á Flateyri
og á Drangsnesi. Á síðast-
nefnda staðnum skiluðum við
verkinu heilu ári á undan áætl-
un“, segir Sævar Óli.
Kubbi ehf. hefur vaxið mjög
fiskur um hrygg að undan-
förnu og hefur fyrirtækið
stækkað gífurlega ört. „Fyrir
tveimur árum átti þetta fyrir-
tæki einn vörubíl en núna eig-
um við í kringum 400 tonn af
alls kyns tækjum og tólum“,
segir Sævar Óli Hjörvarsson,
framkvæmdastjóri Kubbs ehf.
Áskrifendur ath!
Vinsamlegast gerið skil á útsendum
greiðsluseðlum vegna áskriftargjalda.
22.PM5 18.4.2017, 11:1111