Bæjarins besta - 07.03.2001, Page 9
MIÐVIKUDAGUR 7. MARS 2001 9
dnar um tilvist Guðs
anna, og tekið þátt í gleði
fólksins og áhyggjum. Þó að
þingmaðurinn sé í ákveðnum
stjórnmálaflokki, þá er skylda
hans að hlusta á alla, skylda
hans að liðsinna öllum sem
leita til hans, svo fremi það
brjóti ekki gegn sannfæringu
hans.
Já, það er margt líkt með
prestskap og þingmennsku.
Umfram allt verður þú að
kunna að hlusta. Enda þótt
þingmenn sjáist yfirleitt vera
að tala, þá hygg ég að þeir
hlusti meira en þeir tala. Að
minnsta kosti tel ég að svo
eigi að vera.“
Hættur í stjórn
Byggðastofnunar
– Þú varst í stjórn Byggða-
stofnunnar en ert nú hættur...
„Já, það var ánægjulegt að
mörgu leyti að vera í stjórn
Byggðastofnunar. En sam-
kvæmt siðareglum þingflokks
Samfylkingarinnar sitja þing-
menn hennar ekki í stjórnum
sjóða eða stofnana sem deila
út fé. Það er ákveðin hætta á
því að menn rugli saman því
sem ekki á að rugla saman ef
þeir eru bæði þingmenn og
stjórnarmenn í bönkum eða
sjóðum. En það getur líka haft
jákvæðar hliðar.
Ég vildi að betur væri búið
að Byggðastofnun því að hún
á undir högg að sækja. Ég er
næsta viss um að Davíð Odds-
son hefur verið feginn að
Byggðastofnun fór undan
hans ráðuneyti yfir í iðnaðar-
ráðuneytið. Það þarf miklu
meira fjármagn til þessarar
stofnunar svo hún geti starfað
með líkum hætti eins og til
dæmis byggðastofnunin í
Noregi. “
Lögin um stjórn
fiskveiða
– Er landsbyggðin á vetur
setjandi, svo að spurt sé eins
og oft er rætt um landsbyggð-
ina?
„Landsbyggðin getur staðið
undir sér sjálf. Það geta Vest-
firðingar líka. Ég hef starfað
með fólki úr næstum því öll-
um prestaköllum á Vestfjörð-
um og þetta fólk getur mjög
auðveldlega lifað hér og dáið
án aðstoðar annarra. Hér býr
geta, kraftur og þekking til að
lifa í magnaðri náttúru and-
stæðnanna. Og svo mun alltaf
verða. Hins vegar má ekki
setja þannig lög og reglur að
þau hreinlega hindri dugandi
menn í að eiga hér heima.
En því miður er slæmt
ástandið hvað þetta varðar,
sérstaklega lögin um stjórn
fiskveiða. Reyndar líka önnur
ákvæði og reglur sem lúta að
aðstöðu sveitarfélaganna og
ýmsu öðru. Sem betur fer eru
það ekki aðeins stjórnarand-
stöðuþingmenn Vestfjarða
sem halda þessu fram. Þing-
menn ríkisstjórnarflokkanna
gera það líka en þeir mættu
vera áhrifameiri í flokkum sín-
um.
Ég ætla rétt að vona að smá-
bátaflotanum verði ekki rúst-
að í haust. Það væri enn eitt
höggið á landsbyggðina frá
ríkisstjórninni. Ég veit að
flestir íbúar höfuðborgar-
svæðisins vilja hafa góða og
blómlega landsbyggð, rétt
eins og við viljum hafa góða
og blómlega höfuðborg. En
því miður hafa einhvers staðar
á leiðinni orðið nokkur skil
þarna á milli. Í raun ætti að
fara fram mjög öflug og kröft-
ug þverpólitísk umræða um
byggðamál Íslendinga á öllum
sviðum.“
Brautryðjendur
– Framtíðin ...
„Ef þú ert að spyrja um
framtíð Vestfjarða, þá tel ég
hún geti verið björt. Hér eru
ánægjulegir vaxtarbroddar á
ferðinni. Það er mjög ánægju-
legt að sjá framtak Gunnars
Þórðarsonar í sushi-fram-
leiðslunni og ekki síður fram-
takið hjá Jóa og félögum í
3X-Stál. Þá vona ég að Stebbi
Dan fái tækifæri til að gera
góða hluti með heilsuræktar-
áform sín í barnaskólanum í
Reykjanesi. Öll þessi braut-
ryðjendavinna hlýtur að vekja
von og gleði okkar allra, hvar
svo sem við erum í einhverj-
um stjórnmálaflokki.
Þá eru menn líka byrjaðir
að þreifa fyrir sér í þorskeldi,
bæði í Tálknafirði og hér á
norðursvæðinu. Kræklingur
er etinn um allan heim og ég
veit að menn eru einnig byrj-
aðir á því sviði. Það liggja
miklir möguleikar í hvers
konar fiskeldi og skeljaeldi.
Ég vona bara að eignarhaldið
á þessari ónumdu auðlind
lendi í sem flestra höndum.
Ég vona að heimamenn byggi
þetta upp og komi sem mest
að þessum málum sjálfir. Fyrst
og fremst vona ég að tregða
og tortryggni kerfisins drepi
þetta ekki í fæðingu. Mig
langar líka að minna á að
ferðamennskan sem atvinnu-
grein gefur næstmestu tekjur-
nar í þjóðarbúið. Á því sviði
hljótum við að ætla okkur stór-
aukinn hlut.“
Börnin og
unglingarnir
„Já, þú varst að spyrja um
framtíðina. Hvað um fram-
tíðina, börnin okkar? Hvað
vona ég um mín eigin börn og
öll önnur börn? Ég vona að
þau dafni vel í góðu og reglu-
sömu uppeldi, að skólarnir
þeirra séu góðir og kennurun-
um líði vel í einu mikilvæg-
asta starfi þjóðarinnar. Ég
vona að samningarnir við þá
hafi verið góðir. Skólarnir
verða að koma meira inn á
listgreinar og heimspeki.
Ég tel einnig að kristin gildi
eins og kærleikurinn ættu að
vera meira í heiðri höfð. Verk-
efnið í skólanum á Flateyri er
til fyrirmyndar. Við verðum
að styrkja börn og unglinga
þannig að þau leiðist ekki út í
drykkju og aðra vímuefna-
neyslu. Besta forvörnin er að
þeim líði vel, að þau hafi fast-
an grunn í tilveru sinni. Ungl-
ingar og börn verða að hafa
hlutverk í lífinu, alveg eins og
allt annað fólk. Það er okkar
að búa svo um að það gangi
eftir að þau séu til dæmis ekki
verkefnalaus á sumrin eða á
öðrum tímum.“
Brennivínið ...
Séra Karl er bindindismað-
ur á áfengi af lífi og sál. Hann
hefur ekki bragðað vín í fimm-
tán ár. Einhverjar sögur ganga
af því að honum hafi þótt sop-
inn nokkuð góður á yngri ár-
um. ,,Það klæddi mig ekki.“
Hann heldur áfram að tala
um ungdóminn: „Það er mér
áhugamál að unglingarnir hafi
traustari grunn til að standa á
þegar þeir ganga út í lífið svo
að þeir leiti ekki í vínið og
önnur eiturlyf. Þetta er ein
mesta ógn samfélagsins á
okkar dögum – brennivíns-
dýrkunin, þar sem menn reyna
að gera allt fallegt í kringum
vínið.
Ég nota hvert tækifæri sem
ég get til að tala um lífið við
unglinga og hvað það er sem
skiptir máli, hvað það er sem
veitir okkur gleði í tilverunni,
hvernig við eigum að vinna á
ótta og kvíða og einmana-
leika. Unglingur sem útilokast
einhvern veginn með slíkar
tilfinningar, hann er í mikilli
hættu.“
Jafnaðarmaður
Sr. Karl fór snemma að taka
þátt í pólitík. „Á unglingsár-
um mínum voru mótmæla-
göngur daglegt brauð. Ég tók
þátt í mörgum þeirra. Ég hef
alltaf verið félagshyggju-
maður og litið svo á að allir
þegnar landsins eigi að hafa
jafnan rétt og möguleika til
að komast áfram í lífinu. Allt
frá sextán ára aldri var ég fé-
lagi í Alþýðubandalaginu. Ég
tók þátt í að stofna Alþýðu-
bandalagsfélag Snæfellsness
sunnan heiða og var fyrsti for-
maður þess. Líka var ég for-
maður kjördæmisráðs Al-
þýðubandalagsins á Vestfjörð-
um.
Þaðan kem ég svo til liðs
við Samfylkinguna. Hlutverk
hennar er að þjappa saman
öllum þeim sem aðhyllast fé-
lagshyggju, jafnaðarmenn-
sku, kvenfrelsi og hvers konar
jafnrétti. Ég vona svo sannar-
lega að við fáum aukið fylgi í
næstu kosningum. Ég vona
svo sannarlega að rödd jafn-
aðarmennskunnar fá að
hljóma á mun öflugri hátt en
áður. Enda veitir ekki af í þjóð-
félagi okkar þar sem bilið milli
fátækra og ríkra breikkar stöð-
ugt. Það sem mig langar mest
til að gera sem þingmaður er
að verða að liði. Vera í góðum
tengslum við fólkið. Mig
langar til þess.“
Bænheyrð – enda
hátt á annað þúsund
Þessu spjalli ljúkum við
með ánægjulegum sögum úr
prestskapnum. Séra Kalli
(eins og hann kallar sjálfan
sig iðulega) er kímileitur og
ísmeygilegur þegar hann segir
frá. Hann virðist vera búinn
að steingleyma messunni hjá
séra Magnúsi.
„Á fyrstu skíðavikunni sem
var endurvakin á Ísafirði voru
veðurhorfur slæmar. Ég átti
að vera með messu undir ber-
um himni. Ég byrjaði hana
undir regnhlíf sem Bjössi
Helga hélt á, að mig minnir. Í
messunni báðum við um sól-
skin og góða daga. Og viti
menn: Við vorum bænheyrð
enda hátt á annað þúsund
manns í messunni. Og skíða-
vikan gekk mjög vel.“
Að flýta sér?
„Það hefur aðeins einu sinni
komið fyrir mig að vera tekinn
fyrir of hraðan akstur. Það var
á Skutulsfjarðarbrautinni á
Ísafirði. Löggan spurði hvort
mér lægi mikið á. Ég svaraði:
„Ég er að verða of seinn í
kistulagningu.“ Þá sagði lögg-
an: „Heldurðu kannski að
hinn látni sé eitthvað að flýta
sér?“ Þetta fannst konunni
minn mjög fyndið.“
Húmor Guðs ...
„Eitt sinn er ég þjónaði á
Bíldudal var björgunarsveitin
fengin til að sækja mig til
Tálknafjarðar á nýjum og full-
komnum björgunarsveitarbíl
þeirra Bílddælinga. Mikill
snjór var og þeir fóru út úr
bílnum til að hleypa lofti úr
dekkjum eða læsa drifi. Þá
vildi ekki betur til en svo þegar
þeir lokuðu bílhurðunum að
samlæsingin bilaði og læsti
mennina úti. Þeir lentu í góð-
um göngutúr eftir hinum lykl-
unum og gátu svo sótt prestinn
sem sagði þeim að húmor Guðs
gæti verið með ólíkindum.
10.PM5 19.4.2017, 09:249