Bæjarins besta - 17.09.1997, Page 7

MIÐVIKUDAGUR 17. SEPTEMBER 1997 7
ELDRI BORGARAR ÍSAFJARÐARBÆ
OG BOLUNGARVÍK
Skemmtun verður haldin í Félagsheim-
ilinu í Hnífsdal laugardaginn 27. septem-
ber kl. 15:00.
Sætaferðir verða frá hverjum stað.
Vinsamlega skráið þátttöku fyrir miðviku-
daginn 24.sept. hjá eftirtöldum aðilum:
Elín Þóra Magnúsdóttir, Hlíf Ísafirði,
símar 456-4076 og 456-3805, Málfríður
Sigurðardóttir, Bolungarvík, sími 456
7114, Helga Kristjánsdóttir, Suðureyri,
sími 456 6255, Ásta Kristinsdóttir,
Þingeyri, 456 8199 og Sigríður Magnús-
dóttir, Flateyri, sími 456 7655.
HÚSNÆÐISNEFND ÍSAFJARÐAR-
BÆJAR AUGLÝSIR
Til sölu eru félagslegar eignaríbúðir á
eftirtöldum stöðum:
Pollgötu 4, Hlíðarveg 3, 5 og 7, Múla-
landi 12 og 14, Stórholti 15 og 17,
Dalbraut 1, Árvöllum 2 - 4, Raðhús á
Árvöllum, íbúðir á Suðureyri, íbúðir
á Flateyri og íbúðir á Þingeyri.
Upplýsingar gefur húsnæðisfulltrúi í
síma 456 3722.
Húsnæðisnefnd Ísafjarðarbæjar.
ÍSAFJARÐARBÆR
Punktakerfi vegna umferðarlagabrota tekur gildi
Tólf punkta þarf til að missa
ökuréttindi í þrjá mánuði
Á mánudag hóf embætti ríkislögreglustjóra að halda
landsskrá um ökuferil ökumanna og punktafjölda sem þeir
ávinna sér vegna umferðarlagabrota. Það eru lögreglustjórar í
hverju umdæmi sem færa inn upplýsingarnar sem byggðar
verða á kærum lögreglumanna. Í 7. grein 2. kafla reglugerðar
um ökuferilsskrá og punktakerfi vegna umferðarlagabrota,
segir að hafi ökumaður á allt að þriggja ára tímabili, gerst
sekur um þrjú eða fleiri brot á umferðarlögum eða reglum
samkvæmt þeim og ná tilteknum punktafjölda samkvæmt
skrá um vægi brota í punktakerfi, skal hann sviptur ökurétti í
þrjá mánuði til viðbótar þeim viðurlögum sem við síðasta brot
hans kunna að liggja.
Samkvæmt 8. grein 2. kafla skal ökumaður sviptur ökurétti
þegar hann hefur hlotið samtals tólf punkta og ökumaður með
bráðabirgðaökuréttindi skal sviptur ökurétti þegar hann hefur
hlotið samtals sjö punkta, en þó ekki fyrr en við þriðja brot.
Ákvörðun um sviptingu ökuréttar er tekin samhliða ákvörðun
annarra viðurlaga vegna þess brots sem varð þess valdandi að
ökumaður hlaut tilskilinn fjölda punkta til sviptingar ökuréttar.
Varði viðkomandi brot eitt og sér sviptingu ökuréttar, bætist
þriggja mánaða svipting við vegna uppsafnaðra punkta við
þann sviptingartíma sem ella hefði verið ákveðinn.
Sem dæmi um punktagjöf má nefna að sé ekið á allt að 20
km hraða á klst. yfir leyfilegum hámarkshraða, er gefinn einn
punktur, tveir punktar ef ekið er á 21-30 km. yfir leyfilegan
hámarkshraða, þrír punktar ef ekið er 31-40 km. yfir leyfilegan
hámarkshraða og fjórir punktar ef ekið er 41 km. á klst eða
meira yfir leyfilegum hámarkshraða. Þá eru gefnir þrír punktar
sé stöðvunarskylda ekki virt, fjórir punktar eru gefnir ef ekið
er gegn rauðu ljósi, þrír punktar eru gefnir ef ekið er fram úr
þar sem bannað er og tveir punktar eru gefnir ef biðskylda er
ekki virt, svo dæmi séu tekin. Gefinn hefur verið út bæklingur
vegna reglubreytingarinnar og ættu flestir landsmenn að hafa
fengið hann sendann. Lögregluyfirvöld á hverjum stað munu
einnig hafa bæklinginn til afhendingar.
Önundur Jónsson, yfirlögregluþjónn á Ísafirði sagðist í
samtali við blaðið á mánudag, jafnvel eiga von á því að gildis-
töku reglugerðarinnar yrði frestað þar sem hvergi væri til
tölvutækt form til skráningar á umferðarlagabrotum. ,,Þessi
reglugerð er viðauki við þau brot sem hafa verið framin, ekki
hvatning fyrir okkur um að fara í herferð gegn ökumönnum.
Hér er einungis verið að setja reglur til refsingar fyrir alvarlegri
umferðarlagabrot,” sagði Önundur.
Kennarar við Grunnskólann á Ísafirði skrifa
Athugasemdir við skrif BB
Í BB í síðustu viku var grein
um uppsagnir kennara við
Grunnskólann á Ísafirði. Þar
kom fram að ástæður upp-
sagna kennara væru kjara-
málin en meginhluti greinar-
innar fjallaði um að einnig
hefðu húsnæðismál grunn-
skólans vegið þungt. Þetta er
ekki rétt.
Kennarar við G.Í. vita vel
að húsnæðismál skólans eru í
ólestri. Það hafa þau verið
lengi, og kom engum á óvart.
Við vitum líka að bæjarstjórn
Ísafjarðarbæjar vinnur að
lausn húsnæðisvandans og
hefur fullan vilja til að bæta
aðstöðuna.
Til að koma í veg fyrir
frekari misskilning birtum við
hér uppsagnarbréfið í heild.:
Ég, undirrituð kennari við
Grunnskólann á Ísafirði, segi
hér með upp starfi mínu. Ég
hef lagt mig fram um að
stunda vinnu mína eins vel og
mér er unnt og er sátt við
stjórnun, starfshætti og góðan
starfsanda í skólanum.
Kjör kennara á Íslandi hafa
verið óviðunandi í mörg ár.
Þegar sveitarfélögin tóku við
rekstri grunnskólans voru
gefin fyrirheit um að nú yrðu
kjörin bætt. Nú hafa sveitar-
félögin rekið grunnskólann í
eitt ár og ekkert bólar á
kjarabótum nema síður sé.
Vegna lágra launa, neikvæðs
viðhorfs í garð kennarastétt-
arinnar af hálfu samninga-
nefndar sveitarfélaganna og
þeirrar umræðu sem verið
hefur er varðar vinnutíma
kennara í skólum, sé ég mig
tilneydda til að segja starfi
mínu lausu.
Eins og sjá má er uppsögnin
ekki tilkomin vegna hús-
næðismála, heldur eingöngu
vegna kjaramála. Mikið ber á
milli í samningaviðræðum og
lausn ekki í sjónmáli.
Meðal annars hefur mikið
verið rætt um að gera þurfi
vinnutíma kennara sjáanlegri.
Allir skilja að húsmóðir vinn-
ur ekki bara í matartímanum,
leikari ekki bara á sviðinu og
að í öllum veislum þarf bæði
undirbúning og frágang.
Vinna við hverja kennslustund
er líka meiri en þær 40 mínútur
sem kennslustundin stendur
yfir, bæði þarf undirbúning
og frágang.
Bergljót Halldórsdóttir
Burkni Dómaldsson
Herdís Hubner
Jóna Benediktsdóttir
Kennarar við Grunn-
skólann á Ísafirði.
Grunnskólinn á Ísafirði.
Ísfirðingar!
Sinfóníutónleikar í íþróttahúsinu á Torfnesi,
föstudaginn 19. september kl. 20:00.
Hljómsveitarstjóri: B Tommy Andersson
Einleikari: Sigrún Eðvaldsdóttir
Efnisskrá: Verk eftir Brahms, Schubert og Tcahikovsky.
Barnaguðsþjónustur eru í Ísafjarðarkirkju
á laugardögum kl. 11:00. Kirkjustrætó ekur
úr Holtahverfi kl. 10:45. Foreldrar eru hvattir
til að koma með yngstu börnunum.
Væntanleg fermingarbörn í Ísafjarðar- og
Hnífsdalssóknum eru boðin ásamt foreldrum
sínum til guðsþjónustu í Ísafjarðarkirkju
sunnudaginn 21. september kl. 11:00. Þar
fer fram skráning, kynnt verða fermingarstörf
vetrarins, svo og væntanlegir fermingar-
dagar.
Ísafjarðarprestakall.
Barnaguðs-
þjónustur
á Íslandi er 5 ára
Í tilefni 5 ára afmælis Pizza 67 á Íslandi,
gefum við Pizza 67 boli með öllum heimsend-
ingum yfir 1.500,- kr. á meðan birgðir
endast.
Ísafirði