Börn og menning - 01.10.2002, Síða 8

6
Börn og menning
fyrir okkur íslenskunemum og almenningi.
Ég rambaði þarna inn og sá myndlist sem ég
vissi ekki að hefði varðveist og ég hélt á
Konungsbók Eddukvæða vikuna sem sonur
minn fæddist. Eldgamalt og glænýtt í sömu
viku og jafn viðkvæmt. Mér fannst svo mikil
synd að þetta skyldi ekki vera meiri fræði-
mannaverksmiðja, þar sem framleiddir væru
eldhugar í fræðunum í tugatali árlega. Ef
ekki eru ræktaðar upp nýjar kynslóðir af
áhugafólki þá lognast þetta út af og deyr. Þá
bera menn ekki skynbragð á verðmætið og
stjórnmálamenn tala bara um „menningar-
arfinn" en það er hætt að hafa nokkurn
hljómgrunn hjá manni vegna þess að það
vísar ekki í neitt nema sjálft sig. Mér sveið
sárt að sjá þögnína kringum Árnastofnun
þegar allt annað var í sjoppustíl eins og
Fjörukráin.
Leitin að Mónu Lísu
Ég skrifaði skýrslu fyrir Ferðamálaráð sem
bar heitið „Leitin að Mónu Lísu". Hug-
myndín var að svara spurningum eins og:
Hvað er merkilegasta listaverk á Islandi?
Þegar spurt er um merkasta fossinn á íslandi
er enginn í vafa en þegar spurt er um
merkasta mannanna verk þá er komið að
tómum kofanum. Nú er Þjóðminjasafnið
búið að vera lokað í fimm ár og það er heil
kynslóð af krökkum sem hefur bara fengið
sitt popptíví og pizzuauglýsingar. Það er
ótrúlegt og merkilegt að þjóðin skuli sætta
sig við að Þjóðminjasafnið sé svona lengi
lokað. En svarið var að það væri vísindalega
sannað að Konungsbók Eddukvæða hafi
haft mest áhrif á listamenn í öllum heiminum
og henni hefur ekki verið haldið á lofti. f
rauninni var hugmyndin sú að hún yrði gerð
að segulstáli sem dregur fólk hingað og ís-
lenskar bókmenntir, fornbókmenntir og nú-
tímabókmenntir, séu það sem þú tekur með
þér heim frá íslandi. Ég veit að það er fullt
af fólki úti um allan heim sem er til í að koma
bara út af Eddu. Ég held að það sé hægt að
gera miklu meira í að kynna Eddu, við tökum
kafla úr henni eins og t.d. Hávamál og
seljum í bókabúðum undir heitum eins og
Sayings of the Vikings eða Viking wisdom -
við þorum ekki að halda uppi frummyndinni
af ótta við að fólk skilji hana ekki, þorum
ekki að kenna fólki neitt, þorum bara að
taka fyrirfram hugmyndir þeirra og láta þær
standast væntingar. Jú, jú, við erum bar-
dagavíkingar.
Mér finnst stundum eins og þróunin hafi
verið þannig að í 1000 ár höfum við átt inni-
haldið en glatað öllu öðru, búin að glata
húsunum, vopnunum og nánast öllu öðru.
Nú sé þróunin sú að glata innihaldinu og
herja á umbúðirnar sem týndust. Endur-
byggja tilgátubæi og setja upp bardaga í
staðinn fyrir að segja fólki að þetta sé ekki
til. Þetta er ekki hérna en þú getur lesið um
það og ímyndað þér, raðað því í landslagið.
En við þurfum ekki að eyða peningum í að
láta unglinga skylmast.
Hef ánetjast
Ég ætla að skrifa fleiri barnabækur - ég er
með hugmynd að tveimur og er búinn að
semja í höfðinu en þær eru næstar í röðinni
á eftir þessari skáldsögu sem ég er að semja
núna og heitir LoveStar. Ég skil alveg hvernig
menn ánetjast barnabókum - það er svo
frjór jarðvegur og mikil viðbrögð frá
lesendum - mjög skemmtilegt þegar maður
nær til barna, eða heillar fjölskyldu. Það er
þakklátur lesendahópur.
Guðlaug Richter