Börn og menning - 01.09.2008, Blaðsíða 21

Emil sem rekur kvikmyndahús staðarins.
Eflaust er hægt að hnotabitast út í þessa
málvenju en þetta er bara svona, lýsandi
fyrir fólkið og andrúmsloftið. Myndir Brians
Pilkingtons sem prýða hverja bók undirstrika
tíðarandann og tískuna og hjálpa lesendum
að sjá fyrir sér persónur og umhverfi.
Bækur Kristínar Steinsdóttur um Lillu og
fólkið á Austurfirði og í Reykjavík eru afar
vel skrifaðar og skemmtilegar, stfllinn er
litríkur og hressilegur. Persónurnar eru afar
trúverðugar og gefa lesanda innsýn í líf
þeirra og störf. Auðvelt er fyrir þann sem
tekur sér þessar bækur í hönd og les að lifa
sig inn í andrúmsloft það sem ríkti um miðja
síðustu öld.
Höfundur er íslenskukennari við
Fjölbrautaskólann í Garðabæ