Félagstíðindi Starfsmannafélags ríkisstofnana - 15.03.2000, Blaðsíða 16

Lífeyrisþegadeild SFR
ILÍfeyrisþegadeild SFR eru um 750
félagsmenn. Störf deildarinnar árið
1999 voru nokkuð í sama farvegi og
undanfarin ár. Fastir stjórnarfundir
deildarinnar eru fyrsta fimmtudag í
hverjum mánuði nema yfir sumar-
mánuðina júní - ágúst. Á þessum
fundum eru ýmis mál rædd en aðal-
lega þó mál er varða hag og af-
komu aldraðra, öryrkja og þeirra
sem minna mega sín í lífsbaráttunni.
Einnig hefur töluvert verið rætt um
hvernig auka megi þátt aldraðra í
allskonar endurmenntun, þannig að
þeir geti frekar notið hinnar öru
tæknibyltingar þjóðfélagsins.
Deildin hefur haldið sig við nokk-
uð fastmótað vetrarstarf, sem er
sviðaveisla í október, jólafundur í
desember, þorrablót í janúar,
skemmtifundur í mars, aðalfundur í
apríl og sumarferð um Jónsmessu-
leytið.
Deildin sendir út um 6 tölublöð á
ári af fréttablaðinu "Lífeyrisþeginn"
til félaga sinna. Fréttabréf þetta er
um starfsemi deildarinnar.
Lífeyrisþegadeildin fær seint
þakkað alla þá aðstoð og velvilja
sem SFR sýnir henni, til dæmis við
útgáfu fréttablaðsins, aðstoð við
sumarferð og fleira. (tilefni 60 ára
afmælis SFR var lífeyrisþegadeildinni
boðið f ferð um Njáluslóðir. Farið var
vítt og breitt um sagnagrundir, boð-
ið upp á kaffihlaðborð í Njálsbúð og
á eftir stiginn dans við harmonikku-
leik. Um kvöldið var snætt í veit-
ingahúsinu "Básnum". Veður var
gott og að loknum góðum degi
haldið heim á leið með glaðbeittan
hóp. Fararstjóri í ferðinni var Jón
Böðvarsson, auk þriggja annarra, en
öllu var stjórnað af formanni félags-
ins, Jens Andréssyni. Kunnum við
honum, starfsmönnum og stjórn
allri bestu þakkir fyrir.
Stjórn deildarinnar er
nú þannig skipuð:
Aðalstjórn:
Gróa Salvarsdóttir formaður
Guðrún Jónsdóttir meðstjórnandi
Kristinn Helgason varaformaður
Marías Þ. Guðmundsson gjaldkeri
Sigurður Ó. Helgason ritari
Varastjórn:
Bergljót Eiríksdóttir
Olgeir Möller
Sigurður Alexandersson
Valgerður Hanna Jóhannsdóttir
Valgerður Stefánsdóttir
Félagar í Lífeyrisþegadeild SFR njóta sóiar í ferð um Njáluslóðir.
sjúkrasjóður SFR
Styrktar- og
Aaðalfundi félagsins 1999 var
ákveðið að stíga stórt skref og
stofna styrktar- og sjúkrasjóð. Fyrir
aðalfundinn var sérstök nefnd að
störfum sem hafði það hlutverk að
kanna grundvöll fyrir stofnun slíks
sjóðs og koma með tillögur um
reglugerð fyrir hann til að leggja fyr-
ir aðalfundinn. Sjóðurinn er óvenju-
legur að því leyti að enn sem komið
er greiða atvinnurekendur ekki í
hann, eins og í sjúkrasjóði á al-
menna markaðinum, heldur ákveður
aðalfundur framlag í hann úr félags-
sjóði. Að þessu sinni samþykkti að-
alfundurinn að leggja fram tíu millj-
ónir króna.
Þá var kosin stjórn fyrir sjóðinn
og í henni eiga sæti Birna Karlsdótt-
ir, Guðjón Steinsson, Guðrún ívars,
Magnea Bjarnadóttir og Páll Svav-
arsson. Varamaður var kosinn Silja
Gunnarsdóttir.
Á fyrsta fundi stjórnar var Páll
Svavarsson kosinn formaður og
Guðrún fvars ritari. Fljótlega fór
stjórnin að vinna að úthlutunarregl-
um og var í því sambandi ákveðið
að leita til annarra félaga sem hefðu
sjúkrasjóði og þar með reynslu af
úthlutunum. Þar má nefna
Verzlunarmannafélag Reykjavíkur og
Póstmannafélag (slands. Stjórnin
hélt alls 6 fundi þar sem mótaðar
voru úthlutunarreglur og umsóknar-
eyðublað hannað. Þegar þetta lá
fyrir var hægt að hefja úthlutun úr
sjóðnum og var miðað við að út-
hlutað yrði frá og með 1. nóvember
1999. Starfsemin hefur farið hægt
af stað en sjóðurinn hefur verið að
afgreiða allt frá 10 og upp í 40 um-
sóknir á mánuði.
16
Félagstfðindi - mars 2000