Félagstíðindi Starfsmannafélags ríkisstofnana - 10.12.2004, Qupperneq 14

Illlll Skráargatið
Verðmætamat
stjómvalda og valdaöflin
í þjóðfélaginu
Á ýmsu hefur gengið í íslensku
þjóðfélagi nú á haustmánuðum.
Hæst ber þar verkfall kennara,
enda varð nánast hvert einasta
heimili á landinu fýrir barðinu á
því. Síðan kynnti Samkeppnis-
stofnun niðurstöður rannsóknar
sinnar um verðsamráð olíufélag-
anna. Fróðlegt verður að sjá
hvernig dæmt verður í málinu,
sem virðist umfangsmeira og al-
varlegra en nokkurn grunaði.
Níu vikum eftir að kennara-
verkfallið hófst náðust loks
samningar. Eftir að ríkissátta-
setnjari hafði lagt fram miðlun-
artillögu sem var koltelld af
kennurum voru sett lög sem
bönnuðu verkfallið og átti gerð-
ardómur að íinna lausn á málinu.
Honum höfðu verið settar
þröngar skorður til að leysa mál-
ið svo samningar náðust rétt áður
en dómurinn átti að taka til
starfa. Þegar litið er til baka til
þess þegar viðræður hófust sl.
vetur er með ólíkindum að
samningar skyldu ekki nást án
verkfalls. Hefði ekki mátt nota
sumarið betur en gert var?
Ástand eins og varð í þessar
verkfallsvikur er ekki ásættan-
legt. Leikreglunum verður að
breyta.
Ein hugmynd er sú að eftir
að ákveðinn tími er liðinn frá því
að samningar eru útrunnir og
ekki búið að semja þá fari deilan
strax í gerðardóm, án þess að
lagasetningar sé þörf. Annað,
sem gæti gert gagn, er að alltaí
þegar samningar hafa náðst þá
taki þeir gildi frá þeim tíma er
síðustu samningar runnu út.
Eg hef það á tilfmningunni
að ef sjómenn hefðu verið í
verkfalli þá hefði það ekki staðið
svona lengi. Þar keniur verð-
mætamat stjórnvalda og valda-
öflin í þjóðfélaginu til skjalanna.
Sem betur fer tókst sjómönnum
og útgerðarmönnum að semja
núna í skugga kennaraverkfalls-
ins, en þetta voru fýrstu frjálsu
samningarnir á milli þessara aðila
í áratug.
Hvað varðar skýrslu Sam-
keppnisstofnunar um verðsam-
ráð olíufélaganna má segja að
hún hafi komið eins og köld
vatnsgusa yfir landsmenn. Otrú-
legt að svona svindl skuli geta átt
sér stað í okkar litla þjóðfélagi.
Alla tíð hefur venjulegum við-
skiptavinum olíufélaganna þótt
það undarlegt að öll olíufélögin
skuli alltaf hafa sama verð á elds-
neyti. Enda er söluumhveríi
vörunnar á landsvísu mjög
breytilegt og þjónustan sem þau
hafa veitt mismunandi.
Þessi skýrsla kemur í kjölfar
annarra skýrslna sem birtar hafa
verið um verðsamráð á græn-
meti og einnig samráð trygg-
ingafélaganna. Það hefur verið
kvartað yfir því að Samkeppnis-
stofnun hafi ekki nógu mikið
fjármagn til ráðstöfunar og þar af
leiðandi taki mál sem eru í rann-
sókn hjá stofnuninni svo langan
tíma að þau fyrnist áður en rann-
sókn þeirra lýkur. Slíkt má ekki
koma fýrir.
Þær fréttir bárust fyrir
nokkrum dögum að stjórnvöld
ætli að auka fjárveitingar til Sam-
keppnisstofnunar. Eðlilegt væri
að fyrirtæki sem eru í rannsókn
hjá stofnuninni og hafa brotið af
sér borguðu í það minnsta
kostnað stofnunarinnar við
rannsóknina, jafnvel þótt mál
þeirra séu fyrnd.
Eyjólfur Magnússon.
Krossgátu-
vinningshafi
Trausti Hermannsson var sá
heppni þegar dregið var úr
réttum lausnum á krossgátu
síðustu Félagstíðinda SFR.
Trausti starfar á Skattstofu
Reykjavíkur og hefur unn-
ið þar frá árinu 1982. Hann
hefur tekið mikinn þátt í
félagsstörfum SFR, var í
stjórn félagsins í 6 ár ásamt
því að eiga sæti í stjórn
Vinnudeilusjóðs frá upp-
hafi. Þá hefúr hann átt sæti í
fjölda samninganefnda og
þar á meðal þeirri sem nú
er starfandi. Trausti segist
ákveðinn í að nýta sér
verðlaunin í formi helgar-
dvalar í orlofshúsi SFR.
Lausnarorðin í krossgát-
unni voru Hlóð eg Iqfköst
sem er ljóðlína úr síðustu
vísu Arinbjarnarkviðu sem
Egill Skallagrímsson orti.
Vísan er svona:
Var eg árvakr,
bar eg orð saman
með málþjóns
m orgunverkum.
Hlóð eg lofköst
Þann er lengi stendr
Obrotgjarn
í bragartúni.
Desemberuppbót
Starfsmaður í fullu starfi skal fá greidda persónuuppbót 1. desember
ár hvert. Með fullu starfi er átt við 100% starf frá 1. janúar til 31.
október. Hafi starfsmaður gegnt hlutastarfi eða unnið hluta úr ári,
skal hann fá greitt miðað við það. Starfsmaður sem hefur látið af
starfi verður þó að hafa skilað minnst 3ja mánaða starfi til að eiga
rétt á desemberuppbót. Á árinu 2004 fá starfsmenn ríkisins og sjálfs-
eignarstofnana kr. 38.000.
Dcemi um desemberuppbót hjá tímavinnufólki:
Starfsmaður í tímavinnu vann 653 stundir á árinu.Til að fá fulla
desemberuppbót hefði hann þurft að skila 1504 vinnustundum á
tímabilinu l.janúar til 31. október, en þar sem hann hafði einungis
unnið 653 stundir fær hann hlutfall. 653/1504 = 0,4342 x 100 =
43,42% af 38.000 sem gerir 16.500 kr. í desemberuppbót.
(Utreikningur: Deila með 1504 í unninn tímafjölda og það sinn-
um 100 = prósentutala af desemberuppbót.)
14