Fréttablaðið - 12.03.2021, Blaðsíða 4

Eftir sitja rjúkandi
rústir á sviðinni
jörð, svekkelsi og djúpstæð
reiði.
Kolbrún Baldursdóttir, áheyrnarfull-
trúi Flokks fólksins í umhverfis- og
skipulagsráði
SKIPULAGSMÁL Laugavegur milli
Frakkastígs og Klapparstígs verður
varanlega gerður að göngugötu með
samþykkt skipulags- og samgöngu-
ráðs Reykjavíkur. Einnig Vatns-
stígur frá Laugavegi að Hverfisgötu.
Samhliða á að endurnýja allt yfir-
borð gatnanna, hellur, gróður, götu-
gögn og lýsingu.
Fulltrúar meirihluta Samfylk-
ingarinnar, Viðreisnar og Pírata í
ráðinu bókuðu að tillagan væri í
samræmi við stefnu borgarstjórn-
ar frá september 2018 um að gera
Laugaveginn að varanlegri göngu-
götu allt árið. „Hér er verið að sam-
þykkja annan áfanga sem nær yfir
Laugaveg frá Klapparstíg að Frakka-
stíg auk Vatnsstígs,“ bentu þeir á.
Tveir fullrúar Sjálfstæðisflokks í
ráðinu greiddu atkvæði gegn tillög-
unni og einn sat hjá. Áheyrnarfull-
trúar Miðflokks og Flokks fólksins
bókuðu andmæli.
„Umrædd ákvörðun er verulega
íþyngjandi fyrir rekstraraðila sem
hafa mátt þola mikið tap vegna
götulokana,“ bókaði áheyrnarfull-
trúi Miðf lokksins sem kvað Mið-
bæjarfélagið hafa bent á að borgin
væri að brjóta bæði meðalhófsreglu
og rannsóknarreglu. „Þrátt fyrir
þessi sterku lögfræðirök heldur
borgin áfram að böðlast á rekstrar-
aðilum,“ bókaði fulltrúinn.
„Of mikil óbilgirni, harka hefur
einkennt aðgerðir skipulagsyfir-
valda þegar kemur að þessu máli.
Eftir sitja rjúkandi rústir á sviðinni
jörð, svekkelsi og djúpstæð reiði,“
bókaði áheyrnarfulltrúi Flokks
fólksins.
Fjöldi athugasemda barst borg-
inni vegna málsins. „Nú er mál til
komið að borgaryfirvöld hlusti á
þá sem staðið hafa vaktina í fyrir-
tækjum sínum í áratugi og hefji
raunverulegt samráð um leiðir til að
efla atvinnulíf og þar með mannlíf
í miðbænum, því án blómlegra við-
skipta er enginn miðbær,“ segir í
ítarlegu erindi Miðbæjarfélagsins .
Undir það skrifa 26 fyrirtæki.
„Til að miðbærinn geti verið
samkeppnishæfur við verslunar-
miðstöðvar hérlendis verður hann
að vera aðgengilegur fyrir fólk sem
þangað kemur akandi,“ segir Mið-
bæjarfélagið.
Umhverf is- og skipulagssvið
borgarinnar tók saman svör við
athugasemdunum. „Má nefna að
það er oft lengra frá bílastæði til
dæmis við Kringluna inn í verslanir
en frá bílastæðahúsum við Lauga-
veg,“ segir í svörunum.
Ásgeir Bolli Kristinsson, sem hóf
verslunarrekstur á Laugavegi 1976
með tískufatabúðinni Sautján,
sendir einnig inn athugasemdir í
gegn um lögmann sinn.
„Með því að þverbrjóta fyrirheit
sín og ráðast í lokanir gatna og stór-
fellda fækkun bílastæða hafa borg-
aryfirvöld gengið á stjórnarskrár-
varin mannréttindi umbjóðanda
míns,“ segir í bréfi lögmannsins
sem kveður Ásgeir Bolla eiga tvær
fasteignir við Laugaveg, númer 89
og númer 19 þar sem hann búi.
„Verslun hefur átt sínar hæðir
og lægðir í gegnum tíðina en með
þessari breytingu er verið að gera
Laugavegi hátt undir höfði sem
verslunargötu,“ segir í svörum frá
umhverfis- og skipulagssviði borg-
arinnar. gar@frettabladid.is
Hluta Laugavegar brátt lokað
varanlega fyrir umferð bíla
Meirihlutafulltrúar í skipulags- og samgönguráði Reykjavíkur segja varanlega lokun hluta Laugavegar og
Vatnsstígs fyrir bílaumferð áfanga að því marki að gera Laugaveg að göngugötu allt árið. Fulltrúar minni-
hlutans og margir verslunarmenn mótmæla harðlega. Segja miðbæinn ekki verða samkeppnishæfan.
Brátt verður ekki hægt að aka niður Laugaveginn sem loka á milli Frakkastígs og Klapparstígs. FRÉTTABLAÐIÐ/VALLI
SAMFÉLAG Alls eru 872 spilakassar
í rekstri hér á landi. 495 þeirra
eru reknir af Happdrætti Háskóla
Íslands og 377 af Íslandsspilum.
Þetta kemur fram í svari dómsmála-
ráðherra við fyrirspurn Björns Leví
Gunnarssonar, þingmanns Pírata.
Flestir kassanna eru í póstnúmeri
200, eða 182 talsins, 112 kassar eru
í miðbæ Reykjavíkur í póstnúm-
erið 101 og í Hafnarfirði (220) eru 95
spilakassar. Engir spilakassar eru í
Garðabæ.
Flestir kassar eru í Videomark-
aðnum í Hamraborg í Kópavogi, 86
talsins, og því næst í Háspennu á
Laugavegi. – bdj
872 spilakassar í
rekstri á Íslandi
Í póstnúmeri 101 eru 112 spila-
kassar. FRÉTTABLAÐIÐ/VALLI
SKATTAR Á miðnætti rennur út frest-
ur til að skila skatt fram tali til Ríkis-
skatt stjóra. Ó líkt fyrri árum verður
ekki boðið upp á við bótar frest í ár.
Þá hefur ekki verið boðið upp á að-
stoð í húsi við gerð skatt fram talsins
vegna faraldursins.
Elín Alma Arthurs dóttir vara-
ríkis skatt stjóri segir að þeim sem
ekki skili í dag verði ekki refsað
strax um helgina nema þau hafi
ítrekað skilað fram tali seint áður.
„En skilið eins fljótt og þið getið.
Við erum eins sveigjan leg og við
getum verið varðandi það en
hvetjum alla til að halda á fram að
skila þótt þau nái ekki að klára á
morgun,“ segir Elín Alma. – la
Veita ekki frest
til framtalsskila
UMHVERFISMÁL Bæði Faxaf lóa-
hafnir og Eimskip hafa beðist afsök-
unar á auknum hávaða sem kemur
frá Sundahöfn. Hvorugt fyrirtækið
kannast þó við aukinn hávaða en
bæði segja að hægt sé að draga lær-
dóm og gera betur í framtíðinni. Það
séu reyndar ekki neinar vísbend-
ingar um vaxandi umsvif Faxaflóa-
hafna né flutningsaðila á svæðinu.
Formaður íbúaráðs Laugardals
sendi inn fyrirspurn til Faxaflóa-
hafna til að spyrjast fyrir um aukinn
hávaða frá Sundahöfn. Var málið
tekið fyrir á fundi íbúaráðs Laugar-
dals í vikunni en Faxaf lóahafnir
sendu svarið í byrjun mánaðarins.
Í svarinu kemur fram að í nóvem-
ber og desember stóðu Faxaf lóa-
hafnir fyrir dýpkunarframkvæmd
á Viðeyjarsundi. Dýpkunarskipið
hafi verið að störfum allan sólar-
hringinn og harma Faxaflóahafnir
ef það hafi skapað ónæði. Eim-
skip var með gámaflutningaskip í
viðgerð við Vatnagarðabakka frá
lokum desember til febrúarloka og
harmar ef það hafi valdið ónæði.
Að öðru leyti eru engar vísbend-
ingar um aukin umsvif í Sunda-
höfn, hvorki frá Faxaf lóahöfn né
flutningsaðila í Sundahöfn.
Heilbrigðiseftirlit Reykjavíkur
beindi því til Faxaf lóahafna að
nokkur fjöldi kvartana hefði borist
og því var ákveðið að fela verk-
fræðistofunni Eflu að framkvæma
hljóðmælingar. Efla hefur áður mælt
hávaða og góð gögn eru til um hljóð-
vist á svæðinu. Þegar niðurstöður
liggja fyrir verður farið yfir þær til
að komast að rótum og umfangi
vandans.
„Faxaflóahafnir harma það ónæði
sem orðið hefur og munu leggja sitt
af mörkum til að greina vandann og
leiða fram úrbætur ef ástæða reynist
til,“ segir í svari Faxaflóahafna. – bb
Biðja íbúa Laugardals afsökunar á auknum hávaða við Sundahöfn
Í fyrra fluttist meginþungi vinnu við
gámaskipin á nýjan stað,fjær byggð.
EINN FYRIR ALLA, ALLIR FYRIR EINN
mottumars.is
1 2 . M A R S 2 0 2 1 F Ö S T U D A G U R4 F R É T T I R ∙ F R É T T A B L A Ð I Ð