Rit Mógilsár - 2000, Page 20

20
6 ÁLYKTANIR

6.1 Hvenær er best að bera á ?
Ekki er marktækur munur á milli tilraunaliða hvað varðar afföll
og því ekki hægt að fullyrða neitt um hvaða áhrif dreifingartími
hefur á lífslíkur. Þó má vekja athygli á því að frostlyfting gæti
orðið meira vandamál hjá plöntum sem fá áburð ári eftir
gróðursetningu eða síðla sumars, miðað við hjá plöntum sem
fá áburð við gróðursetningu. Ennfremur má benda á að
plöntur sem fengu áburð við gróðursetningu voru gildari en
hinar og eru því líklegri til að standast rótanag ranabjallna.
Plöntur sem fá áburð við gróðursetningu vaxa mun betur og
eru hærri og breiðari en plöntur sem fá áburð síðar.

Tilraunin sýnir bersýnilega að betra er að bera áburð á
birkiplöntur, hvort sem það er gert við gróðursetningu, um mitt
sumar, síðsumars, eða ári eftir gróðursetningu, heldur en að
sleppa áburðargjöf alveg.

6.2 Er mismunur í svörun milli trjátegunda?
Sökum mikilla affalla á stafafuru og gallaðrar tilraunar á
Végeirsstöðum er aðeins hægt að svara þessari spurningu
fyrir Sitkagreni og birki. Birki gefur mun betri svörun en
Sitkagreni og gæti það skýrst af eðlislægum mun milli
tegundanna, þ.e. birki vex vel við góðar aðstæður og nýtir
þær strax til vaxtar, en hjá greni nýtir góðar vaxtaraðstæður til
orkusöfnunar sem skilar í bættum vexti næstu árin.