Fréttablaðið - 19.05.2021, Side 8

FAXAFEN 11, 108 REYKJAVÍK, S: 534-0534
WWW.PARTYBUDIN.IS
Allt fyrir veisluna á einum stað
Skraut, borðbúnaður, búningar og tækjaleiga
thorgrimur@frettabladid.is
„Mjög margir Ísraelar eru á móti
þessu stríði,“ segir Lára Jónasdóttir
um yfirstandandi átök milli Ísra-
elshers og Palestínumanna á Gasa-
ströndinni.
Lára bjó í Jerúsalem þar til fyrir
tveimur árum er hún starfaði þar á
vegum Sameinuðu þjóðanna.
„Ég vann auðvitað hjá stofnun
sem vinnur að því að vernda rétt-
indi Palestínumanna þannig að ég
varð vitni að því hvernig réttindi
þeirra eru brotin reglulega. Ein
einföld birtingarmynd þess er til
dæmis að Google Maps virkar ekki
á Vesturbakkanum.“
Lára leggur áherslu á að vingott
sé með mörgum Ísraelum og Pal-
estínumönnum.
„Margir þeirra starfa hlið við hlið
á ýmsum stöðum í landinu, bara
eins og Svíar og Norðmenn. Maður
getur sest niður á kaffihúsi í Jerú-
salem án þess að þekkja neinn mun
á þeim. Það er pólitíkin sem skapar
þetta fjandsamlega umhverfi sem
fólk virðist alveg vanmáttugt gagn-
vart. Allir eru settir í f lokka og
maður finna að Palestínumenn eru
þarna í einhverjum þriðja f lokki.“
Lára segir að ekkert undanlát
geti orðið í baráttu fyrir viðurkenn-
ingu á sjálfstæði Palestínu.
„Það er ekki bara hægt að segja
Palestínumönnum að þeir ættu að
gefast upp og sleppa þessu. Ísland
er mun fámennara ríki en Palest-
ína, en ef einhver segði okkur að
verða bara hluti af Noregi og hætta
þessu veseni, myndi þá einhver
Íslendingur segja já?
Og þar sem við höfum viður-
kennt Palestínu sem sjálfstætt ríki
skiptir máli að við styðjum að hún
sé jafnvirt og hver önnur þjóð,“
segir Lára. n
Palestínumenn settir í þriðja flokk
Norðurskautsráðið var
stofnað árið 1996 sem vett-
vangur um málefni norður-
slóða. Ísland hefur gegnt
formennsku síðan 2019 er það
tók við af Finnlandi. Rússar
taka við formennsku á ráð-
herrafundi ráðsins á morgun.
thorvardur@frettabladid.is
UTANRÍKISMÁL Antony Blinken,
utanríkisráðherra Bandaríkjanna,
kom hingað til lands á mánu-
daginn vegna ráðherrafundar
Norðurskautsráðsins sem fram fer á
fimmtudaginn. Hann fundaði í gær
með Guðlaugi Þór Þórðarsyni utan-
ríkisráðherra, Katrínu Jakobsdóttur
forsætisráðherra og forseta Íslands,
Guðna Th. Jóhannessyni.
Blinken mun auk þess funda með
rússneskum starfsbróður sínum,
Sergei Lavrov, en þetta er í fyrsta
sinn sem ráðherrarnir hittast síðan
Joe Biden tók við embætti forseta í
janúar. Blinken sagðist bíða spennt-
ur eftir að hitta Lavrov og ræða við
hann um málefni norðurslóða á
blaðamannafundi í Hörpu í gær
með Guðlaugi Þór. Rússar taka við
formennsku í Norðurskautsráðinu
af Íslendingum á fimmtudag.
Á blaðamannafundi í Moskvu á
mánudaginn lýsti Lavrov því yfir
að yfirráð á norðurskautssvæðinu
væru í höndum Rússa og á blaða-
mannafundinum í Hörpu í gær var
Blinken spurður út í afstöðu Banda-
ríkjastjórnar til orða Lavrovs.
Blinken sagði að Rússar hefðu
haldið fram kröfum á svæðinu
sem væru brot á alþjóðlegum haf-
réttarlögum sem nauðsyn væri að
bregðast við. Auk þess lýsti hann
áhyggjum af vaxandi hernaðarupp-
byggingu Rússa við norðurskaut.
Hann undirstrikaði að gott samstarf
hefði verið um málefni norðurslóða
undanfarin ár og sagðist vona að svo
yrði áfram. Hann þakkaði Íslandi
fyrir forystu í ráðinu sem eflt hefði
starf þess.
Spurður um aðgerðir Bandaríkj-
anna til að reyna að koma á vopna-
hléi milli Ísraela og Hamas-samtak-
anna sagði Blinken að unnið væri að
því hörðum höndum bak við tjöldin
að reyna að stilla til friðar.
Bandaríkin hafa beitt neitunar-
valdi gegn yfirlýsingum öryggisráðs
Sameinuðu þjóðanna um að koma
þurfi á vopnahléi og þar sem nauð-
syn á tveggja ríkja lausn við deilum
Ísraels og Palestínu er undirstrikuð.
Blinken sagði það vera afstöðu
bandarískra stjórnvalda að mikil-
vægast nú væri að ræða við ríki á
svæðinu og freista þess að koma á
vopnahléi með samstarfi við þau.
Ef Bandaríkin teldu að öryggis-
ráðið væri besti vettvangurinn til
aðgerða myndu þau ekki standa í
vegi fyrir því. Það væri hins vegar
ekki raunin á þessu stigi. Tveggja
ríkja lausn væri vænlegasta leiðin
til að koma á friði og Bandaríkin
væru andsnúin öllum aðgerðum
sem hindruðu slíkt.
Á fundi Guðlaugs Þórs og Blink-
ens var rætt um samstarf Banda-
ríkjanna og Íslands og lýstu þeir
því báðir yfir á blaðamannafund-
inum að bandalag þjóðanna myndi
áfram gegna veigamiklu hlutverki,
einkum hvað varðar norðurslóðir.
Ísland hefði rödd sem hlustað væri
á og unnið með góðum árangri að
þeim málum er það sat í mannrétt-
indaráði Sameinuðu þjóðanna.
Katrín Jakobsdóttir og Blinken
funduðu einnig í gær og hvatti Katr-
ín bandarísk yfirvöld til að beita
sér í að stilla til friðar milli Ísraels
og Palestínu. Eftir fundinn sagði
Katrín að yfirlýsingar Lavrovs um
norðurskautið væru tilraun hans
til að marka sér stöðu fyrir fund
Norðurskautsráðsins. n
Hernaðaruppbygging Rússa veldur
Bandaríkjamönnum áhyggjum
Antony Blinken, utanríkisráðherra Bandaríkjanna, ræddi við blaðamenn á fundi í Hörpu. FRÉTTABLAÐIÐ/STEFÁN
Guðlaugur Þór Þórðarson, utanríkisráðherra Íslands, ræddi samstarfið við
Bandaríkin í gær við bandaríska utanríkisráðherrann. FRÉTTABLAÐIÐ/STEFÁN
Lára bjó í Jerúsalem þar til fyrir
tveimur árum. FRÉTTABLAÐIÐ/ERNIR
arnartomas@frettabladid.is
BANDARÍKIN Hinum 73 ára gamla
Saif ullah Parachi hefur verið til-
kynnt að honum verði sleppt úr
fangelsinu í Guantanamo-flóa.
Þótt Parachi hafi aldrei verið
ákærður hefur hann verið í fang-
elsinu í yfir sextán ár grunaður um
tengsl við hryðjuverkasamtökin
al-Kaída. Bandaríkin segjast geta
haldið föngum án ákæru sam-
kvæmt alþjóðlegum stríðslögum.
Ekki er upplýst hvenær eða af
hverju Parachi yrði sleppt, einungis
að af honum stafaði ekki lengur
„viðvarandi ógn“ við Bandaríkin.
Ríkisstjórn Joes Biden hefur áður
sagt að stefnt sé að því að loka fang-
elsinu en ferlið var stöðvað í valda-
tíð Donalds Trump þáverandi for-
seta. n
Sleppa elsta fanga
Guantanamo-flóa
Parachi var handtekinn árið 2003.
Asíufílar lifa venjulega í 60 til 70 ár.
arnartomas@frettabladid.is
JAPAN Tveir Asíufílar drápust nýlega
á sama degi í dýragarði í Japan
eftir að sex fílar þar af tólf veiktust
skyndilega í síðustum viku.
Ekki liggur fyrir hvað varð fíl-
unum tveimur að bana en krufning
stendur nú yfir auk þess sem sýni
hafa verið send til stofnunar í Taí-
landi sem annast fíla. Hinir fílarnir
sem veiktust eru áfram illa haldnir.
Er þetta sagt í fyrst sinn sem tveir
fílar deyja í dýragarðinum með svo
stuttu millibili. n
Fílar drápust með
stuttu millibili
Utanríkisráðherra
Bandaríkjanna kvaðst
í gær spenntur að hitta
rússneskan starfsbróð-
ur sinn meðan á fundi
Norðurskautsráðsins í
Reykjavík stendur.
8 Fréttir 19. maí 2021 MIÐVIKUDAGUR