Fréttablaðið - 29.05.2021, Blaðsíða 32

Sjöfn
Þórðardóttir
sjofn@
frettabladid.is
Katrín Jakobsdóttir for-
sætisráðherra er mikil
fjölskyldumanneskja og
líður best heima í faðmi
fjölskyldunnar. Hún og
eiginmaður hennar, Gunnar
Sigvaldason, hafa búið sér
og sonum sínum þremur
fallegt heimili sem á sér
sterka skírskotun í æsku
Katrínar.
Katrín hafði strax sterka skoðun á
því hvernig eldhús hana langaði í.
Hugurinn leitaði til uppvaxtarár­
anna og minninga frá eldhúsinu
heima. Katrín segir að hjarta
heimilisins slái í eldhúsinu og þar
eigi fjölskyldan iðulega sínar bestu
samverustundir.
„Hjarta heimilisins slær í eld­
húsinu, þar borðum við saman og
spjöllum um daginn og veginn,“
segir hún. Fyrsta sem vekur eftir­
tekt þegar inn kemur er eldhúsinn­
réttingin sem fangar augað og
er mikil nostalgía, það er eins og
við séum komin aftur til fortíðar,
gamla tímans.
„Eldhúsinnréttingin var teiknuð
af vinkonu minni, Evu Huld Frið­
riksdóttur, þegar við fluttum inn
og var smíðuð fyrir okkur. Ætlunin
var að tengja við eldhúsinnrétting­
ar sjötta áratugarins enda er húsið
byggt þá og ég alin upp í eldhúsi og
íbúð frá þeim tíma.“
Litapallettan í innréttingunni er
sérstaklega skemmtileg, er einhver
saga bak við hana?
„Þetta var nú bara ákvörðun
– að meginliturinn væri hvítur
og bjartur en svo kæmu aðeins
hressari litir við sögu enda höfum
við gaman af litum.“
Afslappað og heimilislegt
Katrín leggur mikið upp úr
því að hafa heimilið hlýlegt og
öllum líði vel. „Ég held að ég sé nú
frekar heimilisleg og afslöppuð. Vil
gjarnan hafa snyrtilegt í kringum
mig, nýta hlutina vel og hef gaman
af litum í umhverfinu.“
Flestir hlutir heimilisins eiga
sér sögu og eldhúsið prýða margir
munir sem bæði ylja og rifja upp
góðar minningar hjá Katrínu.
„Þarna er til dæmis kaffikanna frá
ömmu og afa, ketill sem mamma
og pabbi fengu í brúðargjöf og
tekanna sem vinkona mín hélt á
heim frá París af því að mér fannst
hún svo bráðnauðsynleg. Mikil ást
á bak við þetta allt saman.“
Er einhver hlutur í eldhúsinu sem
þú heldur meira upp á en annan?
„Erfitt að segja. Góðir pottar eru
auðvitað gulls ígildi því að mat­
seldin verður skemmtilegri og svo
Katrín fékk innblástur frá æskuárunum
Katrín Jakobsdóttir á sér leyndarmál í eldhúsinu sem hún upplýsir um.
FRÉTTABLAÐIÐ/ANTON BRINK
Eldhúsinnréttingin var teiknuð af vinkonu Katrínar, Evu
Huld Friðriksdóttur, þegar fjölskyldan flutti inn og var
smíðuð fyrir þau eftir hugmyndum húsmóðurinnar.
Borðkrókurinn er með stólum í stíl við innréttinguna.
Þarna hafa eflaust mörg áhugaverð málefni verið rædd.
Að sjálfsögðu eru bækur í eldhúsinu
hjá Katrínu og ekki endilega mat-
reiðslubækur.
er pressukannan okkar í stöðugri
notkun,“ segir Katrín.
Á ísskápnum er fjöldi segla sem
endurspegla mörg góð ráð og
góðar lífsreglur. Katrín segir að
það hafi ekki verið samantekin
ráð að safna seglunum. „Eiginlega
safna ég þeim ekki en þetta er samt
20 ára seglasafn. Þetta er svona
eitthvað sem bara gerist. Nema
auðvitað Abba­seglarnir sem voru
keyptir eftir góða heimsókn á
Abba­safnið í Stokkhólmi.“
Leyndarmál Katrínar
Áttu þér eitthvert leyndarmál í eld-
húsinu sem þú ert til í að af hjúpa?
„Það er auðvitað hillupappírinn
í skápunum, þekki engan annan
sem er með jafn mikið dálæti á
hillupappír og hann er líka mjög
í anda sjötta áratugarins,“ segir
Katrín og hlær. Katrínu finnst
jafnframt ómissandi að hafa mat
í hverju eldhúsi. „Hvernig væri
eldhús án matar?“ segir hún og
brosir. Stóra leyndarmálið hjá
forsætisráðherra er líka afhjúpað.
„Öll bestu samtölin fara fram í eld­
húsum þessa heims, held ég,“ segir
Katrín að lokum. ■
Skemmtileg blanda af litum sem kemur vel út.

Hjarta
heimilis-
ins slær í
eldhúsinu,
þar borð-
um við
saman og
spjöllum
um daginn
og veginn.
4 kynningarblað A L LT 29. maí 2021 LAUGARDAGUR