Víkurfréttir - 20.01.2021, Blaðsíða 23

Íþróttadrengurinn Snorri Rafn
hefur samtals unnið meira en 100
verðlaunapeninga í fimleikum,
golfi, skíðum og knattspyrnu en
honum finnst einnig gaman að
syngja og spila á gítar.
Snorri Rafn William Davíðsson á
heima í Keflavík en hann er nýorðinn
þrettán ára. Hann hefur verið sér-
staklega iðinn að taka þátt í ýmis-
konar keppnum og er það eitt það
skemmtilegasta sem hann gerir.
Hann hefur nú þegar orðið Íslands-
meistari fjórum sinnum, annars
vegar í fimleikum á bogahesti og
stökki og hins vegar tvöfaldur Ís-
landsmeistari í golfi með sveit Golf-
klúbbs Suðurnesja tólf ára og yngri.
Snorri Rafn hefur lagt mesta
stund á fimleika en hann æfir fim-
leika fjórum sinnum í viku yfir
vetrartímann með fimleikafélaginu
Gerplu í Kópavogi en áður æfði hann
með fimleikadeild Keflavíkur. Hver
æfing er að minnsta kosti þrír tímar
og því fara margir tímar í hverri
viku í fimleika. Vegna Covid-19
hefur mikið verið um heimaæfingar
á Zoom eða æfingaáætlun dagsins
sett á netið og því hefur bílskúrnum
verið breytt í smá fimleikasal þar
sem hægt er að gera flest allar æf-
ingarnar.
„Mér finnst alltaf mjög gaman á
fimleikaæfingum og þá sérstaklega
að læra nýja hluti. Við förum oft í
litlar keppnir á æfingunum og það
finnst mér skemmtilegustu æfing-
arnar,“ segir Snorri Rafn í viðtali.
Síðasta sumar fór Snorri Rafn
oftar í golf en nokkru sinni áður
og tók hann þátt í fjölmörgum golf-
mótum vítt og breytt um landið
með góðum árangri. Systir hans,
Lovísa Björk, og pabbi þeirra, Davíð
Jónsson, kepptu þá oft saman og úr
varð skemmtileg keppni. Þau urðu
svo öll klúbbmeistarar í sínum flokki
á meistaramótinu síðasta sumar.
Snorri Rafn í unglingaflokki hjá
Golfklúbbi Suðurnesja en Davíð og
Lovísa Björk urðu klúbbmeistarar
hjá Golfklúbbi Sandgerðis í karla- og
kvennaflokki.
„Við ferðuðumst mjög mikið síð-
asta sumar á hjólhýsinu okkar og
tókum við þátt í mörgum golfmótum.
Skemmtilegast fannst mér að keppa
á Selfossi en þar spila ég alltaf mjög
vel. Það var líka gaman að keppa
með systur minni á Akranesi og í
Vogunum en þá spiluðum við betri
bolta og passaði spilamennska okkar
mjög vel saman. Ég var svo að fá
nýjar golfkylfur í afmælisgjöf þannig
að ég hlakka mikið til þegar sumarið
kemur og prófa að slá úti með nýju
golfkylfunum. Siggi Palli, golfkenn-
arinn minn, sagði að ég væri búinn
að lengja mig mikið og það verður
gaman að sjá það,“ segir Snorri Rafn.
Snorri Rafn er einnig skíðamaður
en hefur lítið getað stundað þá íþrótt
í vetur.
„Því miður þá gat ég mjög lítið
stundað skíði síðasta vetur þar sem
skíðasvæðunum var lokað mjög
snemma vegna Covid. Við fórum
samt á eitt skíðamót á Dalvík en þar
er keppt á skíðum og í sundi. Það
gekk bara mjög vel en eftir það var
öllu lokað. Leiðinlegast fannst mér
að Andrésar Andar leikunum skyldi
vera aflýst en það er langskemmti-
legasta skíðamótið og hef ég tekið
þátt í þeim frá því ég var sex ára
gamall.“
Það er von fjölskyldunnar að
skíðasvæðin verði opin mikið lengur
þennan veturinn en venjulega byrjar
skíðatímabilið hjá Snorra Rafni ekki
fyrr en eftir áramót og þá gefst meiri
tími til að fara á skíðaæfingar.
Fyrir utan það að keppa í íþróttum
þá finnst Snorra Rafni gaman að
syngja og spila á gítar.
„Á þessum tíma er ég venjulega
mikið að spila og syngja á tónleikum
í kirkjum eða eitthvað svoleiðis en
það verður eitthvað öðruvísi í ár
þar sem allir tónleikarnir fara fram á
netinu,“ segir Snorri Rafn sem finnst
það greinilega ekki eins skemmtilegt
og spila fyrir framan áhorfendur.
Síðasta vetur tók hann þátt í söng-
leiknum Fiðlarinn á þakinu í Hljóma-
höll og gæti hann alveg hugsað sér
að verða leikari eða söngvari í fram-
tíðinni. Það má annars vel segja að
Snorra Rafni finnist gaman að öllu
sem hann tekur sér fyrir hendur
og ef það tengist keppni þá er það
jafnvel enn skemmtilegra.
„Finnst skemmti-
legast að keppa“
– segir Snorri Rafn sem hefur unnið
til fleiri en 100 verðlaunapeninga
andY PEW Er ÍÞrÓttaMaður vOga 2020
– Knattspyrnuliðið allt heiðrað sérstaklega
Fyrirliði knattspyrnuliðs Þróttar, Andrew James Dew, var valinn íþróttamaður Voga á laugardag. Andy er spilandi
aðstoðarþjálfari Þróttara og hefur verið með liðinu síðan 2018. Andy er mikill leiðtogi innan vallar sem utan,
frábær fyrirmynd og var valinn í úrvalslið 2. deildar á vefmiðlinum Fótbolti.net eftir síðasta tímabil, það voru
fyrirliðar og þjálfarar deildarinnar sem sáu um valið.
Valið stóð á milli fimm íþrótta-
manna, aðrir voru þeir Adam Árni
Róbertsson, Alexander Helgason,
Rafal Stefán Daníelsson og Róbert
Andri Drzymkowski.
Þróttarar heiðraðir
Meistaraflokkur Þróttar í knatt-
spyrnu var heiðraður sérstaklega
fyrir frábæran árangur á árinu en
liðið fékk 41 stig í 2. deildinni síð-
asta sumar, endaði í þriðja sæti og
var hársbreidd frá því að tryggja sér
sæti í næstefstu deild – sem er besti
árangur í sögu félagsins. Hermann
Hreiðarsson, þjálfari knattspyrnuliðs
Þróttar, tók við viðurkenningunni
við mikið lófaklapp. Knattspyrnu-
liðið vakti mikla athygli í sumar
og var stemmningin í kringum það
bæjarbúum til mikillar gleði og sóma.
Efnilegt íþróttafólk
fékk viðurkenningu
Samhliða vali á íþróttamanni ársins
fengu átta ungmenni viðurkenningu
fyrir afrek sín á síðasta ári. Þau eru:
Logi Friðriksson, fyrir knattspyrnu,
Alexander Ívarsson, Óðinn Ást-
þórsson, Pálmar Óli Högnason og
Andri Snær Guðlaugsson fyrir knatt-
spyrnu, Keeghan Freyr Kristinsson
og Bragi Hilmarsson fyrir júdó og þá
fékk Tinna Róbertsdóttir viðurkenn-
ingu fyrir dans.
Þessi ungmenni hafa skarað fram
úr í þeim greinum sem þau leggja
stund á og hafa sýnt að þau eru
góðar fyrirmyndir fyrir önnur ung-
menni.
Íþróttastarfið í Vogunum stendur
augljóslega í miklum blóma, í bænum
er hægt að iðka fjölmargar greinar
og hafa hinar ýmsu deildir verið að
unga út afreksfólki.
Andy Pew, íþróttamaður Voga
2020, og Hermann Hreiðarsson
sem tók á móti viðurkenningu sem
knattspyrnuliði Þróttar var veitt.
Myndir: Guðmundur Stefán Gunnarsson
Verðlaunahafarnir eftir að hafa veitt viðurkenningum móttöku.
Systkinin Lovísa Björk
og Snorri Rafn.
Snorri Rafn að keppa á
Hvaleyrarvelli í Hafnarfirði.
Kylfuberi Snorra er Davíð
Jónsson, faðir hans.
Snorri Rafn tók þátt í
uppsetningu Tónlistarskóla
Reykjanesbæjar á
Fiðlaranum á þakinu.
Skíðaíþróttin er ein
þeirra íþrótta sem Snorri
Rafn leggur stund á.
vÍkurFrÉttir á SuðurnESjuM Í 40 ár // 23