Morgunblaðið - 05.01.2021, Síða 26

26 ÍÞRÓTTIR
MORGUNBLAÐIÐ ÞRIÐJUDAGUR 5. JANÚAR 2021
England
Southampton – Liverpool ........................ 1:0
Staðan:
Liverpool 17 9 6 2 37:21 33
Manch. Utd 16 10 3 3 33:24 33
Leicester 17 10 2 5 31:21 32
Tottenham 16 8 5 3 29:15 29
Manch. City 15 8 5 2 24:13 29
Southampton 17 8 5 4 26:19 29
Everton 16 9 2 5 26:20 29
Aston Villa 15 8 2 5 29:16 26
Chelsea 17 7 5 5 32:21 26
West Ham 17 7 5 5 24:21 26
Arsenal 17 7 2 8 20:19 23
Leeds 17 7 2 8 30:33 23
Wolves 17 6 4 7 18:24 22
Crystal Palace 17 6 4 7 22:29 22
Newcastle 16 5 4 7 18:26 19
Burnley 15 4 4 7 9:20 16
Brighton 17 2 8 7 21:28 14
Fulham 15 2 5 8 13:23 11
WBA 17 1 5 11 11:39 8
Sheffield Utd 17 0 2 15 8:29 2
Ítalía
B-deild:
Brescia – Vicenza .................................... 0:3
 Birkir Bjarnason kom inn á hjá Brescia
eftir 60 mínútur en Hólmbert Aron Frið-
jónsson er meiddur.
Venezia – Pisa.......................................... 1:1
 Bjarki Steinn Bjarkason og Óttar Magn-
ús Karlsson voru varamenn hjá Venezia og
komu ekki við sögu.
Grikkland
Lamia – Aris Saloniki.............................. 2:0
 Theódór Elmar Bjarnason kom inn á hjá
Lamia eftir 62 mínútur.
Spánn
Valencia – Cádiz ....................................... 1:1
Staðan:
Atlético Madrid 15 12 2 1 29:6 38
Real Madrid 17 11 3 3 30:15 36
Real Sociedad 18 8 6 4 27:13 30
Villarreal 17 7 8 2 22:17 29
Barcelona 16 8 4 4 30:15 28
Sevilla 15 8 3 4 18:11 27
Granada 16 7 3 6 19:25 24
Celta Vigo 17 6 5 6 22:24 23
Athletic Bilbao 17 6 3 8 19:19 21
Cádiz 17 5 5 7 12:21 20
Real Betis 17 6 2 9 20:31 20
Eibar 17 4 7 6 14:16 19
Levante 16 4 6 6 21:23 18
Alavés 17 4 6 7 15:20 18
Real Valladolid 17 4 6 7 16:24 18
Getafe 16 4 5 7 12:17 17
Valencia 17 3 7 7 23:25 16
Elche 15 3 7 5 13:18 16
Osasuna 16 3 5 8 15:25 14
Huesca 17 1 9 7 14:26 12
 Spánn
Joventut Badalona – Valencia ........... 80:91
 Martin Hermannsson skoraði 9 stig fyrir
Valencia og tók 1 frákast.
Andorra – Real Madrid....................... 69:75
 Haukur Helgi Pálsson skoraði 5 stig og
tók 6 fráköst hjá Andorra.
NBA-deildin
Detroit – Boston ............................... 120:122
Brooklyn – Washington ................... 122:123
Memphis – LA Lakers....................... 94:108
Minnesota – Denver ......................... 109:124
San Antonio – Utah .......................... 109:130
Chicago – Dallas ............................... 118:108
Phoenix – LA Clippers..................... 107:112
Golden State – Portland .................. 137:122


 Reykjavíkurmótið í knattspyrnu
hefst eftir aðeins ellefu daga, 16.
janúar, svo framarlega sem heim-
ild hefur fengist til þess að hefja
keppni á þeim tíma af sóttvarna-
ástæðum. Knattspyrnuráð Reykja-
víkur tilkynnti þetta í gær og enn-
fremur að Egilshöll standi öllum
liðum til boða en þau lið sem þess
óski geti spilað heimaleikina á sín-
um heimavöllum.
Sömu níu félög og vanalega
leika í meistaraflokki karla, KR,
Valur, Fram, Þróttur, Víkingur,
Fjölnir, Fylkir, ÍR og Leiknir. Þar
er leikið í tveimur riðlum og
keppni er áætluð 16. janúar til 6.
febrúar.
Fram bætist við í kvennaflokki
þannig að þar verða nú sjö lið í
tveimur riðlum. Hin liðin eru KR,
Valur, Þróttur, Víkingur, Fjölnir
og Fylkir en keppni er áætluð frá
17. til 27. janúar. KR er ríkjandi
Reykjavíkurmeistari í karlaflokki
og Fylkir í kvennaflokki.
Ellefu dagar í
fyrsta mótið?
FÓTBOLTI
Bjarni Helgason
bjarnih@mbl.is
Knattspyrnukonan Dagný Brynj-
arsdóttir hefur sett stefnuna á at-
vinnumennsku á nýjan leik eftir stutt
stopp á Íslandi en hún lék með Sel-
fossi síðasta sumar.
Miðjukonan, sem er 29 ára gömul,
varð Þýskalandsmeistari með Bay-
ern München árið 2015, deild-
armeistari með Portland Thorns í
bandarísku atvinnudeildinni árið
2016 og meistari með liðinu 2017.
Þá hefur hún fjórum sinnum orðið
Íslandsmeistari með Val, 2007, 2008,
2009 og 2010, sem og bikarmeistari
með Val árin 2009, 2010 og 2011.
Dagný er samningslaus þessa dag-
ana en hún hefur verið orðuð við sitt
gamla félag Val að undanförnu, sem
og lið á Englandi.
„Það hefur verið mikill áhugi, bæði
frá liðum erlendis frá sem og á Ís-
landi,“ sagði Dagný í samtali við
Morgunblaðið í gær.
„Eins og staðan er í dag snýst
þetta fyrst og fremst um að finna
hvað hentar bæði mér og fjölskyld-
unni minni best á þessum tímapunkti
þar sem ég er líka eiginkona og
mamma.
Síðustu vikur og mánuði hef ég
einblínt á sjálfa mig og að ná mér
góðri af þeim meiðslum sem hafa
verið að hrjá mig.
Eins og staðan er í dag tel ég ólík-
legt að ég sé að fara erlendis í jan-
úargluggganum og ég er meira að
horfa á það að fara utan næsta sum-
ar, ef það stendur mér til boða,“
bætti Dagný við en hún á að baki 118
leiki í efstu deild með Val og Selfossi
þar sem hún hefur skorað 44 mörk. Á
ferlinum heima og erlendis hefur
hún samtals spilað 191 deildaleik og
skorað 54 mörk.
Fer ekki til Bandaríkjanna
Dagný sneri heim úr atvinnu-
mennsku frá Bandaríkjunum síðasta
sumar en hún eignaðist sitt fyrsta
barn í júní 2018 og greindi frá því í
samtali við Morgunblaðið að fjöl-
skyldulífið hefði ekki farið vel með
boltanum.
„Ég myndi ekki beint segja að við-
horfið gagnvart atvinnumennskunni
sé breytt en ég get alla vega staðfest
það að ef ég fer aftur út þá verður
það ekki til Bandaríkjanna. Það er
erfitt meðal annars út af tíma-
mismuninum og þegar ég var að fara
í landsliðsferðir þaðan var ég að
skilja manninn minn og son minn eft-
ir heima í allt upp í tvær vikur.
Það væri vissulega gaman að spila
á Englandi en það þarf allt að ganga
upp ef það á að verða að veruleika.
Vissulega myndi staðsetningin henta
okkur vel en ég er samt sem áður
ekkert að einblína of mikið á að spila
á Englandi, frekar en annars staðar.
Ég er opin fyrir öllu og tilbúin að
skoða nánast allt ef ég á að vera al-
veg hreinskilin.“
Allt á réttri leið
Miðjukonan er að jafna sig á bein-
bjúg á fæti og lék því ekki með ís-
lenska kvennalandsliðinu í loka-
leikjum liðsins gegn Slóvakíu og
Ungverjalandi í undankeppni EM í
lok nóvember og byrjun desember.
„Ég hef ekki spilað fótbolta í þrjá
mánuði en þetta er á réttri leið hjá
mér þótt ég sé ekki byrjuð að sparka
í bolta enn sem komið er. Ég hef ver-
ið að taka létt skokk og er þess vegna
bjartsýn á að þurfa til dæmis ekki að
fara í aðgerð vegna meiðslanna. Ég
finn mun minni verki en ég gerði
þannig að þetta er að batna en það er
mjög mikilvægt að ég taki ekki of
stór skref í einu.
Ég er þess vegna að reyna trappa
mig niður, jafnvel þó allt gangi vel,
svo ég þurfi ekki að taka nokkur
skref aftur á bak í bataferlinu. Mann
langar alltaf að taka tröllaskref fram
á við þegar maður finnur að hlutirnir
eru að ganga upp en sjálf held ég í
vonina um að ég geti byrjað að spila
fótbolta í lok mánaðar. Það helst hins
vegar í hendur við það að ég þarf að
finna mér nýtt lið og vonandi skýrist
það á næstu vikum.“
Langaði í annað barn
en vill meira í boltanum
Dagný á að baki 90 A-landsleiki en
þátttaka Íslands á EM 2022 á þátt í
því að hún vill reyna fyrir sér í at-
vinnumennsku á nýjan leik.
„Ég tel mig hafa það mikla reynslu
sem leikmaður að ég á að geta spilað
enn þá í hæsta gæðaflokki. Eftir að
ég eignaðist son minn hefur mig
langað í annað barn en ég fann það
svo hjá sjálfri mér í apríl á þessu ári
að mig virkilega langar í meira í fót-
boltanum. Ég lofaði sjálfri mér því
einhvern tímann að á meðan ég væri
enn þá að spila fótbolta þá ætlaði ég
að verða eins góð og ég gat orðið.
Maður heldur ekki áfram að bæta sig
nema með því að spila í hærri gæða-
flokki og ég vil líka vera í eins góðu
standi og mögulegt er fyrir Evrópu-
mótið á Englandi sumarið 2022.
Ég er hins vegar ekki tvítug leng-
ur og það þarf allt að ganga upp. Ég
sé alls ekki eftir því að hafa komið
heim því ég hefði ekki viljað vera er-
lendis, ein frá ættingjum og vinum, í
kórónuveirufaraldrinum. Við lærð-
um mikið á því að koma heim og við
erum líka betur í stakk búin núna að
taka ákvarðanir upp á framtíðina að
gera því við vitum nákvæmlega að
hverju við erum að leita,“ sagði
Dagný í samtali við Morgunblaðið.
Stefnir aftur
á atvinnu-
mennskuna
 Dagný leitar að nýju félagi eftir að
samningur hennar á Selfossi rann út
Morgunblaðið/Eggert
Landsliðið Dagný Brynjarsdóttir vinnur skallaeinvígi í sínum nítugasta
landsleik sem var gegn Svíum á Laugardalsvellinum í september.
Stephen Curry varð í fyrrinótt
næstelsti leikmaðurinn í sögu NBA-
deildarinnar í körfuknattleik til að
skora sextíu stig eða meira í leik.
Curry, sem er 32 ára, skoraði 62
stig, 31 í hvorum hálfleik, og setti
persónulegt met þegar Golden
State lagði Portland að velli,
137:122. Aðeins Kobe heitinn
Bryant, 37 ára, hefur verið eldri
þegar hann náði þessum stiga-
fjölda. Curry lék í 36 mínútur af 48
í leiknum en þetta er hæsta stiga-
skor leikmanns Golden State í
deildinni í 47 ár.
Stephen Curry
skoraði 62 stig
AFP
62 Stephen Curry skorar 3ja stiga
körfu í leiknum gegn Portland.
KSÍ mun hefja formlegar viðræður
í vikunni við þá aðila sem koma til
greina sem næsti þjálfari íslenska
kvennalandsliðsins. „Við höfum
fengið nokkrar umsóknir um starf-
ið og þá hafa okkur einnig borist
ábendingar og tilnefningar. Eins og
gengur og gerist þrengist hring-
urinn þegar viðræður fara af stað
og við erum í þeim fasa núna. Við
erum að leita að þjálfara til þess að
leiða liðið næstu árin og á þeim for-
sendum byggjum við okkar vinnu,“
sagði Guðni Bergsson, formaður
KSÍ, m.a. við mbl.is í gær.
Viðræður hjá
KSÍ í vikunni
Morgunblaðið/Eggert
Kvennalandsliðið Hver verður
næsti þjálfari þess?
Liverpool mátti sætta sig við annað
tapið í ensku úrvalsdeildinni á þessu
keppnistímabili þegar meistaraliðið
heimsótti Southampton í gærkvöldi.
Danny Ings, fyrrverandi leikmaður
Liverpool, skoraði eina mark leiks-
ins strax á 2. mínútu.
Liverpool hefur þá ekki unnið í
síðustu þremur leikjum í deildinni
sem teljast nokkur tíðindi í ljósi vel-
gengni liðsins síðustu árin. Liver-
pool er samt sem áður í efsta sæti
með 33 stig eins og reyndar Man-
chester United sem á einn leik inni.
Southampton hafði ekki náð í sig-
ur í síðustu leikjum en sýndi að lið-
inu er full alvara með að blanda sér í
baráttuna í efri hlutanum. Liðið er
með 29 stig í 6. sæti en liðin í 4.-7.
sæti eru öll með 29 stig.
Einungis fjórum stigum munar
sem sagt á liði í 7. sæti og efsta lið-
inu. Úrslitin gera kapphlaupið um
titilinn því enn meira spennandi.
AFP
Skorar Danny Ings sendir boltann í fjærhornið á snyrtilegan hátt í gær.
Toppbaráttan harðnar
eftir tap Liverpool