Morgunblaðið - 11.01.2021, Síða 10

10 FRÉTTIRInnlent
MORGUNBLAÐIÐ MÁNUDAGUR 11. JANÚAR 2021
Dekton er algjörlega öruggt gagnvart blettum svo sem kaffi,
rauðvíni, sítrus og ryði. Dekton þolir að það slettist á það
ofnahreinsir, klór og stíflueyðir og þolir mikinn hita.
Blettaþolið SýruþoliðHögg- og
rispuþolið
Viðarhöfða 1, 110 Reykjavík | Sími 566 7878 | rein.is
HÁTT
HITAÞOL
Sigurður Bogi Sævarsson
sbs@mbl.is
„Nú þarf að spretta úr spori og
gera fleirum kleift að reyna sig í
hestamennskunni. Ég vil leggja
mitt af mörkum til að fjölga iðk-
endum í þessu skemmtilega sporti,
sem ég hef stundað frá barnsaldri,“
segir Guðni Halldórsson sem á dög-
unum var kjörinn formaður Lands-
sambands hestamannafélaga. Inn-
an vébanda sambandsins eru 43
félög á öllu landinu og í röðum
þeirra um 12.500 manns. Fólk sem
stundar hestamennsku er þó mun
stærri hópur og fá áhugamál njóta
meiri vinsælda landans.
„Lífleg skoðanaskipti um
móta- og keppnishald, áherslur í
ræktunarstarfi og einstaka gæð-
inga, hverjar séu bestu reiðleið-
irnar; þetta og fleira er áberandi
umræðuefni í hestamennskunni,“
segir Guðni. „Innan lands-
sambandsins hefur oft verið rígur
milli höfuðborgarsvæðisins og
landsbyggðar og ólík sjónarmið um
hvort áhersla á afreksstarf sé á
kostnað verkefna í þágu þeira sem
stunda hestamennskuna sér aðeins
til ánægju. Að of miklu sé varið í
þágu landsliðsins í stað þess til
dæmis að skapa aðstöðu við hest-
húsahverfin, leggja reiðvegi og
slíkt er sömuleiðis álitaefni
margra.“
Eflt landsliðsstarf
hefur skilað sér
Um fjögur ár eru síðan Guðni
hóf þátttöku í félagsmálum hesta-
manna sem fulltrúi í landsliðsnefnd.
Lengi tíðkaðist að nokkrum vikum
fyrir stórmót erlendis væru bestu
knaparnir valdir í landliðið, sem nú
starfar árið um kring og fá knap-
arnir þar reglulega og fjölþætta
þjálfun. Um tuttugu manns eru í lið-
inu, auk þess sem búið er að setja á
fót landslið knapa 21 árs og yngri.
Fyrir efnilegustu unglingana er síð-
an svonefnd hæfileikamótun, for-
dyri að U21.
„Eflt landsliðsstarf hefur skil-
að sér, samanber að á heimsmeist-
armóti íslenska hestsins í Berlín ár-
ið 2019 unnu Íslendingar til sjö
gullverðlauna af níu. Árangur á
öðrum mótum var sömuleiðis
prýðilegur, svo landsliðsfólkið
verður sterkar fyrirmyndir og
hvatning til unglinganna okkar um
að stefna hátt. Því þarf að gera
ungmennum auðveldara fyrir að
prófa hestamennsku, sem þarf að
vera jafngild öðru íþrótta- og
æskulýðsstarfi sem sveitarfélögin
styrkja,“ segir Guðni og heldur
áfram: „Hestamannafélögin þurfa
að bjóða krökkunum að prófa sig í
sportinu og komast á bak svo þau
og foreldrarnir finni útgjaldalítið
hvort hestamennskan henti þeim.
Þetta þarf raunar að bjóða fólki á
öllum aldri og félaganna er að
finna útfærsluna og koma mál-
unum í framkvæmd með góðum
stuðningi okkar í forystunni. Fyrst
og síðast krefst þetta vilja og góðs
skipulags.“
Glæsileg aðstaða sköpuð
Á sl. fimmtán árum eða svo
hefur aðstaða og umgjörð hesta-
mennsku í landinu verið bætt til
muna með byggingum, stígagerð
og fleiru. Meiri peningar en áður
eru sömuleiðis en áður í sportinu,
sem margir vinna við. Þá hefur
víða úti um land verið sköpuð
glæsileg aðstaða – reiðskemmur og
stór hesthús – sem fært hafa land-
búnað í sveitum landsins í nýja
vídd.
Afsetja geðvonda gripi
„Í ræktunarstarfi síðustu ára
hefur náðst frábær árangur, ef við
skoðum aðeins fárra ára gamlar
myndir sést hvað hross í dag eru
miklu fallegri og gangbetri en áð-
ur. Íslenskir hestar eru því eftir-
sóttir víða um heim og í fyrra var
2.321 hross selt úr landi, sem er
53% aukning frá fyrra ári. Eftir-
sóttustu stóðhestarnir seljast vænt-
anlega á vel yfir 100 milljónir
króna svo af því má ráða hve mikið
er undir,“ segir Guðni.
Vegna kórónuveirunnar var
landsmótinu sem halda átti á Hellu
sl. sumar frestað til ársins 2022.
Ekki þótti gerlegt að landsmót
væri á sama ári og heimsmeist-
aramót, en það verður í Herning í
Danmörku nú í sumar. Hér heima
verður hins vegar margvíslegt ann-
að sýninga- og keppnishald á árinu,
svo sem félaga- og fjórðungsmót,
stóðhestasýningar, kappreiðar og
útreiða. Sjálfum finnst mér fátt
skemmtilegra en stússa í kringum
hrossin, moka undan þeim, kemba,
fara einn hring og vera í samfélagi
með góðu fólki. Leyfa sér svo að
dreyma um skemmtilegar hesta-
ferðir næsta sumar og þá koma
Löngufjörur, uppsveitir Borgar-
fjarðar og Dalirnir fljótt í hugann.
Þangað fer fjölskyldan oft og finnst
gaman.“
fleira skemmtilegt á dagskrá sem
hefst strax nú á útmánuðum.
Hvað prýðir góðan hest? Að
þeir séu ganggóðir og taugasterk-
ir er mikilvægast, segir Guðni, sem
segir betri menntun tamninga-
manna einfaldlega skila betri
hrossum. „Svo þarf einfaldlega að
afsetja geðvonda gripi, en halda
áfram með bestu hestana hvort
sem það er í ræktun, keppni eða til
Uppbygging og ræktunarstarf í hestamennskunni hefur fært íslenskan landbúnað í nýja vídd
Morgunblaðið/Sigurður Bogi
Hestamaður Halda áfram með bestu hestana í ræktun, keppni og til útreiða, segir Guðni Halldórsson með sinn
góða hest, Án frá Arnbjörgum á Mýrum sem er undan Sóloni frá Skáney og Birtu frá Borgarlandi.
Sprett úr spori
Morgunblaðið/Sigurður Bogi
Reiðnámskeið Útreiðartúr er upplifun fyrir krakkana og mikilvægt er
að gefa sem allra flestum kost á að kynnast þessu skemmtilega sporti.
 Guðni Halldórsson, formað-
ur Landssambands hesta-
mannafélaga, fæddist árið
1973. Guðni er viðskiptalög-
fræðingur frá Háskólanum á
Bifröst og starfar sem lögfræð-
ingur og ráðgjafi í fyrirtækja-
ráðgjöf Íslenskra verðbréfa, við
kaup, sölu og samruna fyrir-
tækja.
 Guðni er Mýramaður aftur í
ættir. Er alinn upp á stóru kúa-
búi í Þverholtum á Mýrum sem
foreldrar hans, þau Halldór
Gunnarsson sem nú er látinn
og Ragnheiður Guðnadóttir
ráku. Guðni býr nú á Skrauthól-
um á Kjalarnesi.
Hver er hann?
Starfshópur sem heilbrigðisráð-
herra fól að gera tillögur að bættri
barneignarþjónustu, með áherslu á
að auka samþættingu milli með-
gönguverndar, fæðingarhjálpar og
þjónustu við konur í sængurlegu,
hefur skilað ráðherra tillögum sín-
um. Tillögurnar taka mið af
áherslum heilbrigðisstefnu og fela í
sér framtíðarsýn til ársins 2030.
Niðurstaða starfshópsins felur í
sér áherslu á samþættingu þjónust-
unnar með teymis- og samvinnu þar
sem sérþekking mannauðsins er
nýtt til hins ýtrasta, segir í tilkynn-
ingu frá ráðuneytinu.
Samvinna milli staða
Starfshópurinn leggur áherslu á
að barneignarþjónusta eigi að vera
samfellt þjónustuferli þótt þjónustan
sé veitt á mismunandi stöðum og á
mismunandi stigum heilbrigðisþjón-
ustu. Meðal tillagna hópsins er að
skilgreint verði eitt eða fleiri stöðu-
gildi héraðsljósmóður með vaktþjón-
ustu í dreifðari byggðum þar sem
ekki er fæðingarþjónusta.
Samvinna verði skipulögð milli
stærri og minni fæðingarstaða, með-
al annars með tilliti til sérhæfðari
þjónustu fæðingar- og kvensjúk-
dómalækna.
Fjöldi og dreifing fæðingarstaða á
landsvísu verði skoðuð sérstaklega
og tryggt að ákvarðanir um breyt-
ingar þar að lútandi byggist á fagleg-
um grundvelli með hliðsjón af öryggi
og gæðum þjónustunnar og rétti
kvenna til þess að eiga val um barn-
eignarþjónustu.
Heimaþjónusta í sængurlegu
verði veitt af ljósmæðrum í heilsu-
gæslu og/eða fyrirtækjum ljós-
mæðra sem tryggt geta mönnun
þjónustunnar alla daga ársins.
Tillögur að bættri
barneignarþjónustu
 Héraðsljósmóðir
verði í dreifðari
byggðum landsins
Morgunblaðið/Kristinn Ingvarsson
Fæðing Tillögur eru um að sam-
hæfa betur fæðingarþjónustu.