Morgunblaðið - 14.01.2021, Blaðsíða 18

18 FRÉTTIRInnlent
MORGUNBLAÐIÐ FIMMTUDAGUR 14. JANÚAR 2021
Skeifunni 8 | Sími 588 0640 | casa.is
Opið virka daga 10-18, laugardaga 11-15
Casa býður upp á vaxtalausar raðgreiðslur (Visa/Euro) í allt að 6 mánuði.
LÝSTU UPP
skammdegið
Pipistrello borðlampi
Stillanleg hæð lampa (66-86 cm)
Hönnun: Gae Aulenti (1965)
Verð 249.000,-
Sigtryggur Sigtryggson
sisi@mbl.is
Vefurinn timarit.is verður sífellt vin-
sælli meðal landsmanna. Heimsókn-
um inn á vefinn fjölgaði um 36% í
fyrra frá árinu á undan og hafa aldrei
verið fleiri. Hins vegar fækkaði flett-
ingum á síðum lítillega.
Heimsóknir á vefinn árið 2020 voru
1.880.393 og hafði fjölgað um 494.341
frá árinu 2019. Flettingar voru
20.320.357. Landsbókasafnið – Há-
skólabókasafn hannaði og rekur
þennan vinsæla vef.
Morgunblaðið er sem fyrr lang-
vinsælasti titillinn árið 2020 með
rúmlega 26% allra flettinga. Voru yfir
fimm milljónir síðna Morgunblaðsins
skoðaðar á vefnum í fyrra. Morgun-
blaðið hefur verið í efsta sætinu allar
götur frá því vefnum var hleypt af
stokkunum árið 2002. Á timarit.is er
hægt að lesa alla árganga Morgun-
blaðsins frá stofnun 1913 fram á
seinni ár, meira en 1,2 milljónir blað-
síðna.
Dagblaðið Vísir (DV) kemur næst
með 10,6% flettinga og Fréttablaðið
er í þriðja sæti með 5,3% flettinga. Á
lista yfir 10 vinsælustu titlana er að
finna nokkur blöð sem eru hætt að
koma út, þar á meðal „flokksblöðin“
Tímann, Þjóðviljann og Alþýðublaðið.
Röð vinsælustu titlanna er sýnd á
meðfylgjandi grafi.
Grænlenskt blað á listanum
Á vefnum eru einnig blöð og tíma-
rit frá Færeyjum og Grænlandi. Er
það efni sett inn í samstarfi við lands-
bókasöfn landanna. Grænlenskt blað,
Atuagagdliutit, er á lista yfir mest
sóttu blöðin, í 6. sæti.
Á timarit.is hefur verið safnað
saman tæplega 1.400 titlum af prent-
uðum blöðum og tímaritum frá upp-
hafi. Á árinu 2020 bættust við 96 titlar
með samtals 181.336 blaðsíðum. Alls
voru 1.372 titlar aðgengilegir í árslok.
Blöðin og tímaritin á timarit.is hafa
að geyma, auk almenns fréttaefnis og
auglýsinga, mikið efni á sviði bók-
mennta, sagnfræði, ættfræði, þjóðlífs,
menningar, atvinnuvega og viðskipta.
Jafnt og þétt hafa bæst við safnið
fleiri titlar. Vefurinn er talinn ein-
stakur í sinni röð í heiminum. Sam-
bærilegir gagnagrunnar eru engir
jafn víðtækir. Þá er allt efnið í opnum
og ókeypis aðgangi. Mikið er um að
fræðimenn og skólafólk noti vefinn
við rannsóknir og ritgerðasmíð. Þá
leita menn að ýmsu persónulegu efni
og sér til fróðleiks og skemmtunar,
samkvæmt upplýsingum frá Lands-
bókasafninu.
Langflestar heimsóknanna eru frá
íslenskum IP-tölum en einnig er vef-
urinn talsvert skoðaður í tölvum víða
um heim.
Skoðuðu yfir fimm milljónir
blaðsíðna af Morgunblaðinu
 Heimsóknir á vefinn timarit.is slógu öll met í fyrra  Yfir 20 milljónir flettinga
Morgunblaðið/Ómar
Prentsmiðja Morgunblaðsins Blaðið hefur verið það langvinsælasta á timarit.is frá því vefurinn tók til starfa 2002.
Mest sóttu titlarnir á timarit.is 2020
Heimild: Landsbókasafn Íslands
Þúsundir síðna
Titill á timarit.is
Flettingar alls
Pr. síðu Þúsundir Hlutfall
Morgunblaðið 1.216 4,4 5.294 26,1%
DV 420 5,1 2.148 10,6%
Fréttablaðið 378 2,9 1.082 5,3%
Tíminn 244 2,4 577 2,8%
Þjóðviljinn 198 2,6 522 2,7%
Atuagagdliutit 90 5,2 470 2,3%
Vikan 156 2,6 408 2,0%
Vísir 214 1,9 399 2,0%
Alþýðublaðið 180 2,1 376 1,9%
Dagur 78 3,9 302 1,5%
Aðrir
titlar
Heildarfjöldi titla
á timarit.is: 1.372
Samtals
flettingar 2020
20.320.357
Mastur í Hvalnesskriðum, sem á
voru tvær myndavélar og þrjár sól-
arsellur, brotnaði í ofsaveðri sem
gekk yfir austanvert landið á laug-
ardaginn. Fjölmörg umferðarskilti
fuku á hliðina eða skemmdust á
þessum slóðum. Tjónið er talsvert.
Hviður fóru upp í 50 metra á sek-
úndu þegar verst lét.
Frá þessu er greint í frétt á
heimasíðu Vegagerðarinnar og
birtar myndir af skemmdunum.
Myndavélarnar á mastrinu eru
hluti af Vegsjá Vegagerðarinnar
sem er sem er safn vefmyndavéla
um allt land. Þannig er hægt að
fylgjast með færð og aðstæðum á
vegum landsins. Vaktstöð Vega-
gerðarinnar nýtir einnig vélarnar
til upplýsingaöflunar.
Einhvern tíma tekur að setja upp
nýtt mastur með nýjum mynda-
vélum og á meðan verður ekki
hægt að skoða myndir frá Hvalnes-
skriðum í Vegsjánni.
„Vegurinn var þakinn möl og
umferðarmerki liggja víða á hlið-
inni og stikur hafa feykst í burtu.
Þá voru fjölmörg umferðarmerki á
Hlíðarsandi skemmd, það er eins
og rúllað hafi verið upp á þau,“ seg-
ir Þorleifur Olsen, flokksstjóri á
þjónustustöð Vegagerðarinnar á
Höfn. sisi@mbl.is
Ljósmynd/Vegagerðin
Ógnarkraftar Mastrið brotnaði í ofsaveðrinu, þar sem hviður fóru upp í 50
metra á sekúndu þegar verst lét. Tíma mun taka að setja upp nýtt mastur.
Myndavélamastur
brotnaði í ofsaveðri
Til athugunar er að skrá Stolt Sea
Farm sem rekur eldisstöð á Reykja-
nesi í kauphöllina í Ósló. Stolt-
Nielsen Limited, móðurfélag Stolt
Sea Farm, hefur ráðið fjármálafyr-
irtæki til að undirbúa skráninguna.
Stolt Sea Farm er með landeldi á
flatfiski á fjórtán stöðum á Spáni, í
Portúgal, Frakklandi og Noregi,
auk eldisstöðvarinnar á Reykjanesi
þar sem alin er senegalflúra.
Ekkert kemur fram í tilkynningu
fyrirtækisins um sölu á hlutabréfum
eða hvort hlutafé verður aukið með
útgáfu nýrra hluta. helgi@mbl.is
Undirbúa skráningu
Stolt Sea Farm
Reykjanes Senegalflúra er alin í eldis-
stöð Stolt Sea Farm í Höfnum og flutt út.
Sala á þorrabjór hefst í Vínbúð-
unum í dag, rúmri viku áður en
þorrinn gengur í garð. Alls verða 15
tegundir þorrabjórs til sölu að
þessu sinni, einni fleiri en í fyrra.
Fyrir bjóráhugafólk ber sjálfsagt
hæst að í boði verða fjórar forvitni-
legar tegundir af Surti frá Borg
brugghúsi, Surtur 8.12 sem er
þroskaður í kókosrommtunnum,
Surtur 8.13 sem er þroskaður í Pink
Tequila-tunnum, Surtur 8.14 sem er
þroskaður í Peach Brandy-tunnum
og Surtur nr. 83 sem er Oat Meal
Imperial Stout.
Auk þess verður hægt að smakka
á hindberjaöli frá Víking sem kall-
ast Vetrarsól og hinum vinsæla
Hval 2 frá Steðja. Þá verða sömu-
leiðis kunnuglegir þorrabjórar frá
Segli 67, The Brothers Brewery og
Kalda auk annarra.
Tvær tegundir af sterku áfengi
eru einnig meðal þorravara í Vín-
búðinni þetta árið; brennivínið Víti
frá Eimverki og Þorra Brennivín
frá Háloga.
Sölutímabili þorrabjórs lýkur 20.
febrúar. hdm@mbl.is
Fimmtán tegundir
þorrabjórs í boði í ár