Morgunblaðið - 25.01.2021, Side 32

KIMI-tríó kemur fram á Tíbrár-tónleikum í Salnum í
Kópavogi annað kvöld, þriðjudag, og hefjast tónleikarn-
ir kl. 19.30. Á efnisskránni er fjölbreytileg tónlist sem
samin er fyrir óvenjulega samsetningu tríósins. Það er
skipað söngkonunni Þórgunni Önnu Örnólfsdóttur, Ka-
terinu Anagnostidou á slagverk og Jónasi Ásgeiri Ás-
geirssyni á harmóníku. Á efnisskrá eru þrjú verk samin
fyrir KIMA af Finni Karlssyni, Christos Framkis og Nick
Martin. Að auki verður flutt verk eftir Atla Heimi
Sveinsson og þjóðlög frá Íslandi og Grikklandi.
Söngur, slagverk og harmóníka á
Tíbrár-tónleikum KIMI-tríósins
MÁNUDAGUR 25. JANÚAR 25. DAGUR ÁRSINS 2021
Sími: 569 1100
Ritstjórn: ritstjorn@mbl.is Auglýsingar: augl@mbl.is
Áskrift: askrift@mbl.is mbl.is: netfrett@mbl.is
Í lausasölu 697 kr.
Áskrift 7.530 kr. Helgaráskrift 4.700 kr.
PDF á mbl.is 6.677 kr. iPad-áskrift 6.677 kr.
Antonio Hester átti stórleik fyrir Njarðvík þegar liðið
heimsótti Valsmenn á Hlíðarenda í 5. umferð úrvals-
deildar karla í körfuknattleik, Dominos-deildarinnar, í
gær en Hester skoraði 26 stig og tók fimmtán fráköst í
85:76-sigri Njarðvíkinga. Þá er Stjarnan komin aftur á
sigurbraut í deildinni eftir 92:86-sigur gegn Haukum á
Ásvöllum í Hafnarfirði. Garðbæingar eru með 8 stig,
líkt og Keflavík og Grindavík, í öðru sæti deildarinnar
en Keflavík og Grindavík eiga leik til góða á Stjörnuna
sem hefur leikið fimm leiki á tímabilinu. » 26
Antonio Hester fór á kostum í níu
stiga sigri Njarðvíkur á Hlíðarenda
ÍÞRÓTTIR MENNING
Skeifan 3 • 108 Reykjavík • Sími 581 2333
rafver.is • rafver@rafver.is
Verð nú
12.994
35% afsláttur
WV2 ogKV4
saman
Verð nú
87.992
20% afsláttur
JANÚAR
frá 12. janúar*
ÚTSALA
*Gildir aðeins í verslun á
meðan birgðir endast
Skrúfjárnasett
Verð nú
19.632
20% afsláttur
K7 Premium
full control
plus home
Verð nú frá
3.407
50% afsláttur
Verkfæratöskur
Margar mismunandi
stærðir/tegundir
Jón Sigurðsson Nordal
jonn@mbl.is
Hið árlega þorrablót Skagamanna,
sem hundruð manna sækja alla
jafna, var haldið með óvenjulegum
hætti þetta árið í ljósi samkomu-
takmarkana. Blótinu var streymt í
beinni útsendingu og árgangur
Skagamanna sem fæddir eru 1979
sá um skipulagninguna.
„Það gekk alveg ótrúlega vel, eig-
inlega ekkert fór úrskeiðis,“ segir
Karen Lind Ólafsdóttir í samtali við
Morgunblaðið, en hún skipulagði
viðburðinn ásamt þorrablótsnefnd.
Karen Lind segir það að stórum
hluta sterku tækniteymi að þakka
hve vel útsendingin hafi heppnast.
„Við búum svo vel að bæði góðri að-
stöðu og tæknifólki á Akranesi,“
segir hún, en gestir í tölvuvandræð-
um gátu hringt í sérstaka tækni-
hjálp þorrablótsins ef þess þurfti.
Metfjöldi gesta
Karen Lind segir miðasöluna fyr-
ir þorrablótið hafa farið fram úr
vonum skipuleggjenda. „Það voru
líklega um þrjú til fjögur þúsund
Skagamenn að horfa,“ segir hún.
Því er væntanlega um metfjölda
gesta að ræða. „Við höfum svo feng-
ið alveg gríðarlega jákvæð viðbrögð,
fólk var alveg í skýjunum yfir þessu.
Meira að segja fólk sem er nýflutt á
Skagann segist hafa notið allrar
dagskrárinnar í botn,“ segir Karen
Lind.
Þorramaturinn á sínum stað
Skagamenn þurftu þó ekki að
brjóta allar hefðir þótt veirufar-
aldur geisi, því sígildur þorramatur
var á boðstólum fyrir þá sem hann
vildu. Tveir veitingastaðir á Akra-
nesi, Galito og Gamla kaupfélagið,
tóku sig til og seldu þorramatar-
bakka í samstarfi við skipuleggj-
endur, svo enginn þurfti að missa af
því góðgæti. „Svo fóru nöfn allra
þeirra sem pöntuðu sér mat í pott
fyrir happdrættisvinninga,“ segir
Karen Lind. Happdrættið hafi verið
einkar glæsilegt í ár, en andvirði
vinninganna var rúm ein og hálf
milljón króna. „Við vorum með 30
vinninga, og verðmæti hvers og eins
var á bilinu 50-70 þúsund krónur,“
segir hún, en happdrættið var gert
mögulegt með hjálp fyrirtækja á
svæðinu.
Heimagerðar auglýsingar
Skemmtiatriði kvöldsins voru svo
ekki af verri endanum en meðal tón-
listarmanna sem fram komu voru
Herra Hnetusmjör og Ingó veður-
guð. Þá hafi Skagamaðurinn Ingi
Björn Róbertsson, eða Iddi Biddi
eins og hann er kallaður, slegið í
gegn með leikþáttum og auglýs-
ingagerð. „Fyrirtækin sem vildu
styrkja og gera auglýsingu gáfu
Idda Bidda lausan tauminn,“ segir
hún, en allar auglýsingar sem sýnd-
ar voru í streyminu voru heimagerð-
ar af Skagamönnum. „Það kom al-
veg rosalega vel út,“ segir Karen
Lind. „Fólk var alveg límt við skjá-
inn allan tímann, það mátti ekki
missa af neinu.“
Skagamaður ársins valinn
Skagamaður ársins var svo
kynntur á þorrablótinu að vanda, og
hlaut heilbrigðisstarfsfólk titilinn í
ár. Þá munu m.a. Íþróttabandalag
Akraness og björgunarsveit svæð-
isins njóta góðs af því hve vel blótið
var sótt, en skipuleggjendur þess
ákváðu að allur ágóði af viðburð-
inum skyldi renna til íþrótta- og fé-
lagsstarfs á Akranesi, auk 500
króna af hverjum þorramatarbakka
sem seldur var.
„Fólk var alveg í
skýjunum yfir þessu“
 Þorrablót Skagamanna var haldið rafrænt í þetta sinn
Heilbrigðisstarfsfólk Hulda Gestsdóttir og Sigurður Már Sigmarsson tóku
við viðurkenningunni Skagamaður ársins fyrir hönd alls heilbrigðisstarfs-
fólks. Sævar Freyr Þráinsson, bæjarstjóri Akraness, er til hægri á myndinni.
Leikþáttur Iddi Biddi sló í gegn á þorrablótinu með leikþætti um sam-
skiptin á Facebook-síðu bæjarbúa, sem hafa oftsinnis þótt hlægileg.