Morgunblaðið - 16.02.2021, Blaðsíða 27

ÍÞRÓTTIR 27
MORGUNBLAÐIÐ ÞRIÐJUDAGUR 16. FEBRÚAR 2021
Verndarengill virðist vaka
yfir franska skíðakappanum
Maxence Muzaton sem slapp
með skrekkinn á lygilegan hátt á
heimsmeistaramótinu í alpa-
greinum á Ítalíu um helgina. Ítal-
inn var á ferð niður brekkuna á
leifturhraða þegar hann missti
skyndilega jafnvægið og virtist
voðinn svo sannarlega vís.
Keppendur í bruni ferðast á
meira en 100 kílómetra hraða
þannig að þegar menn taka til
lofts í miðri brekku þá eru þeir í
lífsháska. Ekki Muzaton hins
vegar, sem á einhvern illskilj-
anlegan hátt tókst að standa öf-
ugur á skíðunum eftir byltuna og
komst í endamark lítillega
meiddur.
Kollegi minn í umbrotinu hér
hjá Morgunblaðinu var þá snögg-
ur að rifja upp sögu af öðrum
skíðakappa sem bauð dauðanum
byrginn. Sá var enginn annar en
hörkutólið Hermann Maier sem
er ein af eftirminnilegri persónu-
leikum í skíðabrekkunum á síð-
ustu áratugum en undirritaður
er of ungur til að muna sérlega
vel eftir Austurríkismanninum.
Austurríski múrarinn á eina
frægustu byltu sögunnar er hann
missti jafnvægið í lausu lofti á
Vetrarólympíuleikunum í Nagano
í Japan 1998. Maier flaug út af
brautinni og lenti nánast á höfð-
inu þar sem hann hafði snúist í
loftinu, kútveltist nokkra hringi
og fór í gegnum nokkrar örygg-
isgirðingar.
Vinnufélaginn, sem talar
oftast tæpitungulaust, komst
þannig að orði að eftir þessa
skelfilegu byltu átti Maier í besta
falli að geta verið „rúmfastur að
drekka súpu úr sogröri“. Þessi
bylta hafði hins vegar ekki meiri
áhrif en svo að „The Herm-
inator“ nældi í tvenn gull-
verðlaun nokkrum dögum síðar,
þau einu sem hann vann á Ól-
ympíuleikum á ferlinum.
BAKVÖRÐUR
Kristófer
Kristjánsson
kristoferk@mbl.is
ALPAGREINAR
Kristján Jónsson
kris@mbl.is
Austurríkismaðurinn Vincent Kriechmayr stal
senunni í hröðustu greinunum á HM í alpagreinum
sem fram fer í Cortina á Ítalíu. Kriechmayr sigraði
í bruni á sunnudaginn og hafði fyrir helgi sigrað í
risasviginu. Er hann því tvöfaldur heimsmeistari og
fá dæmi eru um að menn hafi náð að vinna báðar
þessar greinar á heimsmeistaramótum. Frekar var
búist við sigri Austurríkismannsins í risasviginu
þar sem hann leggur meiri áherslu á þá grein en
brunið.
Einungis tveir höfðu náð því í karlaflokki fram að
þessu og þar voru á ferðinni þekktar kempur. Aust-
urríkismaðurinn Hermann Maier náði þessu á HM
í Vail í Colarado-ríki í Bandaríkjunum árið 1999 og
Bandaríkjamaðurinn Bode Miller lék þetta eftir á
HM í Bormio á Ítalíu árið 2005.
Á ýmsu gekk í erfiðri brunbrautinni í gær eins og
getið er um í Bakverði Kristófers hér til hliðar á
síðunni en Kriechmayr sigraði naumlega. Þjóðverj-
inn Andreas Sander kom í mark 0,01 sekúndu á eft-
ir Austurríkismanninum. Frammistaða Þjóðverj-
ans kom eins og þruma úr heiðskíru lofti því hann
hefur verið með keppnisrétt á heimsbikarmótum af
og til í tólf ár án þess að hafa nokkurn tíma hafnað á
meðal tíu efstu í bruni.
Shiffrin heimsmeistari í tvíkeppni
Vincent Kriechmayr er 29 ára gamall og kemur
frá Linz. Segja má að hann sé að springa út á HM á
Ítalíu en fram að þessu hafði hann ekki unnið til
gullverðlauna á HM eða Vetrarólympíuleikum.
Hann hefur þó sex sinnum sigrað í risasvigi í
heimsbikarnum og tvívegis í brunkeppnum í heims-
bikarnum. Á HM í Åre í Svíþjóð fyrir tveimur árum
lét hann að sér kveða þótt hann næði ekki að sigra.
Vann þá til bronsverðlauna í bruni og til silf-
urverðlauna í risasviginu.
Svisslendingar hirtu gullverðlaunin í kvenna-
flokki í hraðagreinunum. Corinne Suter sigraði í
bruninu og vann til silfurverðlauna í risasviginu en
þar sigraði Lara Gut-Behrami. Ein skærasta
stjarnan um þessar mundir, Mikaela Shiffrin frá
Bandaríkjunum, fékk bronsið í risasviginu og varð í
gær heimsmeistari í tvíkeppni. Í karlaflokki í tví-
keppni sigraði Marco Schwarz frá Austurríki og því
hafa gullverðlaunin farið til Austurríkismannanna í
öllum þremur greinunum hjá körlunum til þessa.
AFP
Á efsta palli Vincent Kriechmayr er í sviðsljósinu á HM á Ítalíu um þessar mundir.
Jafnaði afrek Maier og Miller
 Sigraði í báðum hraðagreinunum  Svissnesku konurnar sigursælar
Íris Dögg Gunn-
arsdóttir er geng-
in til liðs við Þrótt
í Reykjavík og
mun hún leika
með liðinu í úr-
valsdeild kvenna í
knattspyrnu,
Pepsi Max-
deildinni, á kom-
andi keppnis-
tímabili.
Þetta staðfesti félagið á sam-
félagsmiðlum sínum í gær en Íris
Dögg skrifar undir samning sem
gildir út tímabilið í Laugardalnum.
Markverðinum er ætlað að fylla
skarð Friðriku Arnardóttur sem
ákvað að taka sér hlé frá knatt-
spyrnuiðkun eftir að síðasta keppn-
istímabili lauk. Íris Dögg, sem er 31
árs gömul, á að baki 86 leiki í efstu
deild með Fylki, KR og FH en hún
hefur einnig leikið með Breiðabliki,
Aftureldingu, Gróttu og Haukum á
ferlinum. Íris Dögg kemur til Þrótt-
ara frá Breiðabliki þar sem hún var
varamarkvörður á síðustu leiktíð en
Breiðablik varð Íslandsmeistari eftir
að keppni var hætt á Íslandsmótinu í
lok október. Þróttarar, sem voru ný-
liðar í efstu deild síðasta sumar,
höfnuðu í fimmta sæti deildarinnar á
síðustu leiktíð.
Öflugur
liðsstyrkur í
Laugardalinn
Íris Dögg
Gunnarsdóttir
FÓTBOLTI
Bjarni Helgason
bjarnih@mbl.is
Það bendir allt til þess að Guðni
Bergsson verði sjálfkjörinn í for-
mannsembætti Knattspyrnu-
sambands Íslands, KSÍ.
Frestur til þess að skila inn fram-
boðum fyrir 75. ársþing KSÍ, sem fer
fram 27. febrúar og verður rafrænt í
ár vegna kórónuveirufaraldursins,
rann út um helgina og hefur enginn
boðið sig fram gegn sitjandi for-
manni að því er fram kemur í frétta-
tilkynningu sem KSÍ sendi frá sér í
gær.
Guðni, sem er 55 ára gamall, tók
við formennsku hjá KSÍ árið 2017 en
hann hafði þá betur í formannskjöri
gegn Birni Einarssyni eftir að Geir
Þorsteinsson ákvað að stíga til hlið-
ar.
Guðni fékk 83 atkvæði gegn 66 at-
kvæðum Björns en árið 2019 bauð
Geir Þorsteinsson sig fram gegn
Guðna.
Guðni vann öruggan sigur, fékk
119 atkvæði gegn 26 atkvæðum
Geirs, en formaður KSÍ er kjörinn til
tveggja ára í senn.
Guðni hefur því verið formaður
KSÍ í sex ár, ef hann ákveður að láta
af embætti árið 2023 þegar næsta
ársþing sambandsins fer fram.
Hann á þó ansi langt í land með að
að ná þeim Ellerti B. Schram og
Eggerti Magnússyni þegar kemur
að langsetu í þessu stærsta embætti
íslenskrar knattspyrnu.
Ellert var formaður KSÍ frá 1973
til 1989 eða 16 ár samfleytt. Eggert
gerði enn betur og var sitjandi for-
maður frá 1989 til 2007 eða í átján ár.
Geir Þorsteinsson tók við af Egg-
erti og var formaður í tíu ár, frá 2007
til 2017, en Björgvin Schram gegndi
embættinu einnig í fjórtán ár, frá
1954 til 1968.
Stórar þjálfarabreytingar
Guðni hefur þurft að taka stórar
ákvarðanir í sinni valdatíð en þrátt
fyrir einungis fjögur ár í starfi hefur
hann nú þegar ráðið tvo A-
landsliðsþjálfara í karla- og kvenna-
flokki.
Svíinn Erik Hamrén tók við þjálf-
un karlalandsliðsins í ágúst 2018 og í
október 2018 var Jón Þór Hauksson
ráðinn þjálfari kvennalandsliðsins.
Arnar Þór Viðarsson var svo ráð-
inn þjálfari A-landsliðs karla í des-
ember 2020 og Þorsteinn Hall-
dórsson tók við þjálfun
kvennaliðsins í janúar 2021.
Guðni, sem er fyrrverandi knatt-
spyrnumaður, er uppalinn hjá Val á
Hlíðarenda en lék einnig með Tott-
enham og Bolton á atvinnu-
mannaferli sínum.
Hann sló í gegn hjá Bolton, var
meðal annars fyrirliði liðsins um
tíma, og þá lék hann 80 A-landsleiki
þar sem hann skoraði eitt mark.
Þá gefa þau Ásgeir Ásgeirsson,
Borghildur Sigurðardóttir, Magnús
Gylfason og Þorsteinn Gunnarsson
öll kost á sér til áframhaldandi setu í
stjórn KSÍ en þau voru kjörin til
stjórnarsetu á ársþingi KSÍ í febr-
úar 2019.
Varamenn í stjórn, þeir Þóroddur
Hjaltalín, Guðjón Bjarni Hálfdán-
arson og Jóhann K. Torfason, gefa
einnig áfram kost á sér til áfram-
haldandi setu og því ljóst að engar
stórar breytingar verða á stjórn KSÍ
fyrir komandi kjörtímabil.
Engar stórar breytingar
 Guðni Bergsson er á leið inn í sitt
fimmta kjörtímabil sem sitjandi formaður
Morgunblaðið/Eggert
Formaður Guðni Bergsson hefur gegnt formannsembætti KSÍ frá 2017.
Timo Werner var á skotskónum
fyrir Chelsea þegar liðið vann 2:0-
sigur gegn Newcastle í ensku úr-
valsdeildinni í knattspyrnu á Stam-
ford Bridge í London gær.
Werner skoraði annað mark
Chelsea á 39. mínútu eftir að Oli-
vier Giroud hafði komið Chelsea yf-
ir á 31. mínútu. Werner, sem gekk
til liðs við Chelsea frá RB Leipzig
síðasta sumar fyrir tæplega 48
milljónir punda, hefur ekki gengið
vel að skora á tímabilinu.
Fyrir leik gærdagsins hafði Wer-
ner skorað fjögur mörk í 22 leikjum
í ensku úrvalsdeildinni á tímabilinu,
en hann var síðast á skotskónum 4.
nóvember síðastliðinn í 4:1-sigri
Chelsea gegn botnliði Sheffield
United. Werner hafði því ekki skor-
að í þúsund mínútur þegar hann
braut loksins ísinn gegn Newcastle
í gær en þrátt fyrir markaleysið
hefur Þjóðverjinn lagt upp fimm
mörk fyrir liðsfélaga sína í úrvals-
deildinni á leiktíðinni. Chelsea fór
með sigrinum upp í fjórða sæti
deildarinnar í 42 stig en liðið hefur
unnið fjóra deildarleiki í röð og hef-
ur ekki tapað leik í tæpan mánuð.
Þjóðverjinn þurfti að bíða í þúsund
mínútur eftir markinu langþráða
AFP
Léttir Timo Werner, lengst til hægri, fagnaði marki sínu vel og innilega.