Morgunblaðið - 16.02.2021, Blaðsíða 28

28 MENNING
MORGUNBLAÐIÐ ÞRIÐJUDAGUR 16. FEBRÚAR 2021
SÉRBLAÐ
Fermingarblaðið hefur
verið eitt af vinsælustu
sérblöðum Morgunblaðsins.
Fjallað verður um allt
sem tengist fermingunni.
NÁNARI UPPLÝSINGAR GEFUR:
Katrín Theódórsdóttir
Sími: 569 1105 kata@mbl.is
PÖNTUN AUGLÝSINGA:
Til mánudagsins 8. mars.
Fermingarblað
Morgunblaðsins
kemur út föstudaginn
12. mars
Listahátíðin List í ljósi var haldin um helgina á Seyðis-
firði en með ögn breyttu sniði miðað við fyrri ár. Aur-
skriðurnar sem ollu mikilli eyðileggingu í bænum og
tjóni fyrir jólin settu mark sitt á listaverk hátíðarinnar
og hátíðahöldin að þessu sinni og segir annar af tveim-
ur stofnendum hátíðarinnar, Sesselja Hlín Jónasar-
dóttir sem gegnir stöðu listræns stjórnanda, að hátíðin
hafi lítið verið auglýst og minni að umfangi en fyrri ár,
bæði vegna hamfaranna og Covid-19. „Allir listamenn-
irnir sem tóku þátt eru Seyðfirðingar eða hafa dvalið á
Seyðisfirði í styttri eða lengri tíma og það sást mjög
sterkt í mörgum verkum,“ segir hún.
Bók þakin leðju
Sesselja nefnir sem dæmi verkið „Dirt Book“, bók
með leðju úr skriðunni eftir Arndísi Ýr Hansdóttur.
„Margir eru að leita að munum úr skriðunni og einn
sagði mér að hann hefði verið viku að leita að bók-
unum,“ bendir Sesselja á. Ljóði eftir Fríðu Ísberg og
Nönnu Vibe S. Juelsbo var varpað á fjallið sem skriðan
féll úr og segir Sesselja þar hafa átt sér stað samtal
við fjallið. „Þetta var fallegt og einlægt ljóð,“ segir hún
um verkið. Á staðnum þar sem húsið Breiðablik stóð
stendur nú aðeins eftir steyptur grunnur og mátti í
honum miðjum sjá upplýstan skúlptúr í líki pappírs-
báts, verk eftir tvíeykið Apolline Fjöru og Hall. Var
með honum vísað í orð eiganda Breiðabliks, hinnar
þýsku Cordula Schrand, þess efnis að hana langaði
núna mest í húsbát svo hún gæti siglt milli Þýskalands
og Íslands.
Sesselja átti sjálf verk á hátíðinni, sama verk og hún
sýndi á Austurvelli á Vetrarhátíðinni í Reykjavík. Litl-
ar ljóskúlur, bæði hvítar og litaðar, mátti sjá í breiðu í
snjónum og heitir verkið „Balls of light“, þ.e. ljóskúlur.
Sesselja segir árið hafa verið átakanlegt og segir verk-
ið vísa í hugleiðslu sem gott sé að stunda til að róa
hugann. Sesselja segir hátíðina í ár hafa verið mun
persónulegri en þær fyrri fyrir þátttakendur og bæjar-
búa. „Það er meiri nánd og hún er minni,“ segir hún en
þess má geta að Þór Vigfússon opnaði um helgina sýn-
ingu í Skaftfelli sem standa mun yfir til 11. apríl.
helgisnaer@mbl.is
Minni hátíð og meiri nánd
 Hátíðin List í ljósi fór fram um helgina á Seyðisfirði  Aurskriðurnar og afleiðingar þeirra settu mark
sitt á hátíðina  Hátíðin sú sjötta í röðinni og mun persónulegri en þær fyrri, að sögn listræns stjórnanda
Róandi Ljóskúlur Sesselju vísa í hugleiðslu og minna á blómabreiðu.
Stjórna Sesselja Hlín Jónasardóttir
og Celia Harrison stjórna hátíðinni.
Fallegt Leikskólabörn tóku þátt og
skreyttu glugga leikskólans.
Augu „Heiðný’s Eyes“ eftir Rafael Vázquez á hátíðinni um nýliðna helgi.
Bátur Verk Apolline Fjöru og Halls í grunni hússins Breiðabliks.
Ljósmyndir/Jessica Auer
Fjalir Nýtt útigallerí, Glerhús, var vígt með sýningu á
verki Elvars Más Kjartanssonar og Hönnu Christel Sigur-
karlsdóttur, „The sun shines bright and full“. Verkið er
samsett úr fjölum sem þau ætluðu að nýta í smíði drauma-
hússins síns en sópuðust ásamt öðru með skriðunni.
Einlægni Fallegur boðskapur og
einlægni í verkum nemenda Seyðis-
fjarðarskóla, einn nemandi óskar
eftir því að sá sem skoðar sé glaður
á meðan annar býður knús.
Samtal Ljóði eftir Fríðu Ísberg og Nönnu Vibe S. Juelsbo var varpað á fjallið sem aurskriðan féll úr.