Morgunblaðið - 13.03.2021, Page 10

10 FRÉTTIRInnlent
MORGUNBLAÐIÐ LAUGARDAGUR 13. MARS 2021
Guðni Einarsson
gudni@mbl.is
Bjartsýni ríkir hvað varðar sölu lax-
og silungsveiðileyfa í sumar, að því
er veiðileyfasalar segja. Verð veiði-
leyfa hefur víða staðið í stað eða
heldur lækkað. Vaxandi áhugi er á
silungsveiði.
Almennt fínar bókanir
„Heilt yfir eru ágætar bókanir í
sumar. Sum svæðin eru svo gott
sem uppseld. Á öðrum er laust eitt
og eitt holl,“ sagði Ingólfur Ásgeirs-
son, framkvæmdastjóri veiðifélags-
ins Stara ehf. Það selur veiðileyfi í
Þverá/Kjarrá, Strauma, Brennu,
Langadalsá, Víðidalsá, Blöndu og
Svartá. Svo eru Starir að taka við
Alviðru og hluta af Bíldsfelli í Sog-
inu. Hann sagði að þeir hafi lækkað
verð veiðileyfa lítið eitt í samráði við
landeigendur í ljósi aðstæðna og það
hafi fleiri gert.
„Vel ríflega helmingurinn af okk-
ar erlendu gestum komst ekki í
fyrra vegna Covid en stefnir á að
koma á þessu ári,“ sagði Ingólfur.
Sumir þeirra færðu veiðidaga sína
yfir á þetta ár. Erlendu lax-
veiðimennirnir koma að stærstum
hluta frá Bretlandseyjum. Ingólfur
sagði að gangi bólusetningar áfram
vel á Bretlandseyjum og ef ekki
verða miklar ferðatakmarkanir
megi eiga von á mörgum breskum
laxveiðimönnum. Hann sagði meiri
óvissu ríkjandi varðandi komur
bandarískra stangveiðimanna.
„Vonandi fáum við fleiri erlenda
veiðimenn en í fyrra. Það eru fáir
erlendir ferðamenn sem skilja eftir
meiri peninga í landinu en lax-
veiðimenn.“
Ljómandi gangur í sölunni
„Veiðileyfasalan hefur gengið
ljómandi vel. Sumarið er bara nokk-
uð vel bókað,“ sagði Jóhann Davíð
Snorrason, framkvæmdastjóri Kol-
skeggs ehf. Fyrirtækið er með
Eystri-Rangá, Affall, Þverá hjá
Fljótshlíð og austurbakka Hólsár.
Jóhann sagði að flytja hafi þurft
töluvert marga veiðidaga útlendra
veiðimanna frá því í fyrra yfir á
komandi sumar vegna faraldursins.
Því er búið að ráðstafa töluvert
mörgum veiðidögum sumarsins.
Margir erlendir laxveiðimenn
hafa veitt í Eystri-Rangá auk ís-
lenskra veiðimanna. Í Affalli, Þverá
og Hólsá veiða mest Íslendingar.
Útlendu veiðimennirnir koma flest-
ir frá Bretlandi en einnig frá
Bandaríkjunum, Þýskalandi,
Frakklandi, Spáni, Rússlandi og
fleiri löndum.
„Veiðitímabil okkar í Eystri-
Rangá byrjar 1. júlí. Við erum
bjartsýnir á að það hafist,“ sagði Jó-
hann. „Í fyrrasumar þurftum við að
selja veiðileyfi með miklum afslætti
vegna þess hvað það voru margar
afbókanir. Ég er bjartsýnn á sum-
arið. Maður vonar bara að þetta Co-
vid-dót verði búið fyrir 1. júlí.“
Íslendingar duglegir að bóka
„Útlitið fyrir sumarið er mjög
gott. Íslendingar hafa verið mjög
duglegir að bóka í haust og allan
vetur. Salan í silung og lax hefur
aukist jafnt og þétt síðustu vikur.
Eins höfum við fundið gríðarlegan
áhuga erlendis frá,“ sagði Kristinn
Ingólfsson sem á og rekur veiði-
leyfavefinn veida.is. Vefurinn er
stærsta markaðstorg veiðileyfa á Ís-
landi, að hans sögn.
„Bretar eru stærsti hópur er-
lendra laxveiðimanna hjá okkur.
Það er gríðarlega mikill áhugi í
Bretlandi á að koma hingað til lax-
veiða í sumar. Bretar sem veiða lax
eru flestir eldri en 50 ára. Sá hópur
er meira eða minna búinn að fá fyrri
bólusetningu eða fær hana innan
fárra vikna. Bresk yfirvöld til-
kynntu í febrúar hvenær verður lík-
lega opnað á ferðalög frá Bretlandi.
Eftir það urðu Bretarnir óhræddari
við að bóka veiðileyfi,“ sagði Krist-
inn. Helsti þröskuldurinn nú eru
flugáætlanir sem eru enn sem kom-
ið er fremur götóttar, ekki síst flug
frá borgum utan London.
Verð á veiðileyfum hefur yfirleitt
staðið í stað eða eitthvað lækkað frá
síðasta ári. Þó eru dæmi um ár sem
hafa aðeins hækkað. „Það hjálpar
við markaðssetningu erlendis að ís-
lenska krónan hefur veikst. Það er
ódýrara fyrir erlenda veiðimenn að
bóka og kaupa veiðileyfi nú en fyrir
ári síðan,“ sagði Kristinn.
Stangveiðimenn hafa áttað sig á
þeim miklu möguleikum sem Ísland
býður upp á í silungsveiði. Veiði-
menn frá meginlandi Evrópu hafi
mikinn áhuga á silungsveiðinni,
Þjóðverjar, Ítalir og Spánverjar vilji
komast í góða silungsveiði á Íslandi.
Góð sala á lax- og silungs-
veiðileyfum fyrir sumarið
- Verð hefur víða staðið í stað eða lækkað - Vona að erlendir veiðimenn komi
Morgunblaðið/Einar Falur
Laxveiði Kastað fyrir lax í Kirkjustreng í Þverá í Borgarfirði. Erlendir stangveiðimenn bíða margir spenntir eftir
því að komast til Íslands til að veiða lax eða silung. Verð veiðileyfa hefur víða staðið í stað eða lækkað lítið eitt.
Hörður Felix
Harðarson
hæstarétt-
arlögmaður hefur
tekið að sér að
vinna að tillögum
um mögulega
styttingu á máls-
meðferðartíma
sakamála á rann-
sóknar- og dóm-
stigi, að sögn Ás-
laugar Örnu Sigurbjörnsdóttur
dómsmálaráðherra, sem greindi frá
þessu á Facebook í gær. Þar sagði
hún að Jón Steinar Gunnlaugsson,
fv. hæstaréttardómari, hafi í gær-
morgun óskað eftir því að vera leyst-
ur frá verkefninu. Áslaug féllst á þá
beiðni. Greint var frá skipun Jóns
Steinars fyrr í vikunni og sætti valið
á honum nokkurri gagnrýni. Jón
Steinar sakaði gagnrýnendur um að
nota nafn hans til að koma höggi á
dómsmálaráðherra.
Hörður Felix mun kalla sérfróða
aðila að borðinu til að leggja sín lóð á
vogarskálarnar.
Hörður skip-
aður í stað
Jóns Steinars
Áslaug Arna
Sigurbjörnsdóttir
- Jón óskaði eftir
lausn frá verkefninu
Landsréttur sýknaði í gær Árna
Gils Hjaltason af ákæru um tilraun
til manndráps. Árni hafði áður ver-
ið dæmdur í fjögurra ára fangelsi í
Héraðsdómi Reykjavíkur.
Árna var gefið að sök að hafa
stungið annan mann með hnífi við
Leifasjoppu í Breiðholti í mars 2017
en maðurinn fékk þar gat í höf-
uðkúpuna. Árni hefur alla tíð neit-
að sök og haldið því fram að hann
hafi verið að verjast árás mannsins.
Málið hefur velkst um í dóms-
kerfinu síðan þá. Árni var fyrst sak-
felldur í héraðsdómi fyrir árásina
árið 2017, en Hæstiréttur ómerkti
síðar dóminn og vísaði málinu aftur
í héraðsdóm. Komst héraðsdómur
þá að sömu niðurstöðu og áður, en
Árni áfrýjaði til Landsréttar sem
hefur nú sýknað hann.
Árni Gils sýknaður
í Landsrétti
Tvenn ummæli Aldísar Schram um
föður sinn Jón Baldvin Hannibalsson
í Morgunútvarpinu á Rás 2 frá 17.
janúar 2019 og af Facebook voru
dæmd ómerk í Héraðsdómi en átta
önnur standa. Fjölmiðlamaðurinn
Sigmar Guðmundsson var sýknaður
af stefnu Jóns Baldvins þegar dómur
var kveðinn upp í gær.
Í tilvikum þeirra ummæla Aldísar
sem voru dæmd sem meiðyrði
var um að ræða staðhæfingu um
staðreynd án fyrirvara, samkvæmt
dómnum. Þar sem ummælin fjölluðu
annars vegar um barnagirnd og hins
vegar barnaníð var um alvarlegar
staðhæfingar að ræða þar sem rík
krafa er um sönnunarbyrði. Í dómn-
um kemur fram að ekki voru gögn til
staðar sem studdu þessi ummæli.
Ummælin sem voru dæmd dauð
og ómerk voru: „Fíkn, auðvitað er
barnagirnd fíkn, þetta er fíkn“ og
„… og sigra hann og hans barnaníð-
ingabandalag“.
Jón Baldvin krafðist þess að sam-
tals yrðu fjórtán ummæli dæmd
dauð og ómerk, þar af tíu ummæli
Aldísar. Hann gerði ekki fjárkröfur
á hendur Aldísi. Sigmar lét fern um-
mælanna sem Jón Baldvin vildi að
yrðu dæmd dauð og ómerk falla en
Jón Baldvin krafði Sigmar um 2,5
milljónir króna.
Í dóminum segir óumdeilt að Jón
Baldvin sé opinber persóna og að
viðtalið við Aldísi verði að meta í því
ljósi að umtalsverður aðdragandi sé
að því. Þannig hafi komið fram hópur
á Facebook þar sem ýmsar konur
lýstu samskiptum sínum við Jón og
árið 2019 hafi Stundin birt umfjöllun
undir fyrirsögninni „Konur segja frá
áreitni Jóns Baldvins“.
Tvenn ummæli
ómerk en átta standa
- Dæmt í máli
Jóns Baldvins gegn
Aldísi og Sigmari
Morgunblaðið/Kristinn Magnússon
Úr dómsal Frá réttarhöldunum í
Héraðsdómi Reykjavíkur í febrúar.