Morgunblaðið - 17.03.2021, Blaðsíða 23

AFP
Sannfærandi Markaskorarinn Kevin De Bruyne fagnar sigri í leikslok
ásamt Aymeric Laporte og John Stones á Puskás Aréna í Búdapest.
Manchester City og Real Madrid
tryggðu sér sæti í átta liða úrslitum
Meistaradeildar Evrópu í knatt-
spyrnu í gær.
City tók á móti Borussia Mönch-
engladbach á Puskás Aréna í Búda-
pest í Ungverjalandi í síðari leik lið-
anna í sextán liða úrslitum keppn-
innar.
Leikið var í Ungverjalandi vegna
sóttvarnareglna í Þýskalandi en
fyrri leikur liðanna, sem lauk með
2:0-sigri City, fór einnig fram á Pus-
kás Aréna.
Kevin De Bruyne og Ilkay Günd-
ogan skoruðu mörk City strax á 13.
og 18. mínútu og var eftirleikurinn
auðveldur fyrir Englandsmeistara-
efnin eftir það.
City vann því viðureignina
samanlagt 4:0.
Þá vann Real Madrid 3:1-sigur
gegn Atalanta á Alfredo Di Stefano-
vellinum í Madríd.
Karim Benzema og Sergio Ramos
voru á skotskónum fyrir Real Mad-
rid áður en Luis Muriel minnkaði
muninn fyrir Atalanta á 83. mínútu.
Marco Asensio gerði út um vonir
Atalanta með þriðja marki Madríd-
inga á 85. mínútu en Spánarmeist-
ararnir unnu einvígið samanlagt 4:1.
Manchester City, Real Madrid,
Liverpool, Borussia Dortmund,
PSG og Porto verða öll í pottinum
þegar degið verður í átta liða úrslit
keppninnar hinn 19. mars næstkom-
andi í höfuðstöðvum UEFA í Nyon í
Sviss.
Þá kemur í ljós síðar í kvöld
hvaða tvö lið bætast við í pottinn en
Bayern München leiðir 4:1 í einvígi
sínu gegn Lazio og mætast liðin í
München í Þýskalandi í kvöld.
Chelsea leiðir svo 1:0 í einvígi
sínu gegn Atlético Madrid og mæt-
ast liðin í London í kvöld.
bjarnih@mbl.is
Stórliðin fóru
örugglega áfram
ÍÞRÓTTIR 23
MORGUNBLAÐIÐ MIÐVIKUDAGUR 17. MARS 2021
_ Knattspyrnumaðurinn Hákon Ingi
Jónsson hefur gert þriggja ára samn-
ing við ÍA. Hákon Ingi er 25 ára gamall
og uppalinn Fylkismaður en hann hef-
ur leikið með Árbæjarliðinu alla tíð, ef
undan er skilið keppnistímabilið 2016.
Þá lék hann með HK í 1. deild, einmitt
undir stjórn Jóhannesar Karls Guð-
jónssonar, núverandi þjálfara ÍA. Þeir
höfðu árið áður verið samherjar með
liði Fylkis tímabilið 2015. Hákon hefur
leikið 81 úrvalsdeildarleik með Fylki og
skorað 11 mörk.
_ Spánverjinn Israel Martin hefur lát-
ið af störfum sem þjálfari körfuknatt-
leiksliðs Hauka í karlaflokki. Haukar
verma botnsætið í Dominos-deildinni
og tók körfuknattleiksdeild Hauka því
þá ákvörðun að láta Martin taka poka
sinn. Hann tók við stjórn liðsins sum-
arið 2019 eftir að hafa áður þjálfað
karlalið Tindastóls hér á landi. Ekki
hefur verið tekin ákvörðun að svo
stöddu um hver muni taka við starfinu
af Martin. Haukar eru í tólfta og
neðsta sæti Dominos-deildarinnar
með aðeins sex stig að loknum 14 um-
ferðum, fjórum stigum frá öruggu
sæti.
_ Halldór Jóhann Sigfússon mun
ekki stýra karlalandsliði Barein á Ól-
ympíuleikunum í Tókýó. Handknatt-
leikssamband Barein vildi halda Hall-
dóri, með því skilyrði að hann léti af
störfum sem þjálfari karlaliðs Selfoss.
„Ég var ekki tilbúinn til að fórna mínu
starfi á Selfossi,“ sagði Halldór í sam-
tali við RÚV.
_ Hollendingurinn Donny van de
Beek, miðvallarleikmaður enska knatt-
spyrnuliðsins Manchester United, vill
fara frá félaginu að loknu yfirstand-
andi tímabili. Van de Beek gekk til liðs
við Rauðu djöflana frá Ajax síðasta
sumar en hefur verið í litlu hlutverki
hjá liðinu á tímabilinu. Hann hefur til
að mynda aðeins byrjað tvo leiki í
ensku úrvalsdeildinni og komið 11
sinnum inn á sem varamaður.
_ Handknattleiksmaðurinn Aron Dag-
ur Pálsson verður ekki áfram hjá
sænska úrvalsdeildarliðinu Alingsås
eftir tímabilið en hann er að klára sína
aðra leiktíð hjá liðinu. Aron kvaðst
óviss um næstu skref í samtali við
Handbolta.is. „Næstu skref eru ennþá
óljós. Vonandi dettur eitthvað inn á
næstu vikum,“ sagði Aron Dagur við
netmiðilinn.
_ Zlatan Ibrahimovic er mættur aftur
í sænska landsliðið í knattspyrnu eftir
langa fjarveru. Framherjinn, sem er 39
ára gamall, lagði landsliðsskóna á hill-
una árið 2016 eftir fimmtán ára lands-
liðsferil. Hann er hins vegar í hópnum
hjá Svíum sem
mæta Georgíu
og Kósóvó í
undankeppni
HM í lands-
leikjaglugganum
í mars. Svíar
leika í B-riðli
undankeppn-
innar ásamt
Spáni, Grikk-
landi,
Georgíu og
Kósóvó en Janne
Anderson er þjálfari
Svía í dag. „Guð snýr
aftur,“ skrifaði Zlatan í
færslu sem hann birti
á samfélagsmiðlinum
Twitter í gær.
Eitt
ogannað
Knattspyrnukonan Fanndís Frið-
riksdóttir gæti snúið aftur á knatt-
spyrnuvöllinn í sumar eftir tæplega
árs fjarveru. Fanndís eignaðist sitt
fyrsta barn í byrjun febrúarmán-
aðar en hún sneri aftur til æfinga
hjá félagsliði sínu Val á dögunum.
„Ég stefni á að spila í sumar,“ sagði
Fanndís í samtali við instagram-
síðu Heimavallarins. Sóknarkonan,
sem er þrítug, á að baki 204 leiki í
efstu deild þar sem hún hefur skor-
að 107 mörk. Þá á hún að baki 109
A-landsleiki þar sem hún hefur
skorað 19 mörk.
Stefnir á að
spila í sumar
Morgunblaðið/Kristinn Magnússon
Marktilraun Fanndís hefur þrívegis
orðið Íslandsmeistari á ferlinum.
Handknattleikskappinn Elvar Örn
Jónsson mun ganga til liðs við
þýska fyrstudeildarfélagið Melsun-
gen næsta sumar en þetta staðfesti
þýska félagið á heimasíðu sinni í
gær. Elvar kemur til félagsins frá
danska úrvalsdeildarfélaginu
Skjern þar sem hann hefur leikið
frá 2019. Hann skrifar undir
tveggja ára samning við Melsungen
en þar hittir hann fyrir línumann-
inn Arnar Frey Arnarsson og
landsliðsþjálfarann Guðmund Þórð
Guðmundsson. Elvar er 23 ára
gamall og uppalinn á Selfossi.
AFP
Leikstjórnandi Elvar varð Íslands-
meistari með Selfossi árið 2019.
Frá Danmörku
til Þýskalands
HANDBOLTINN
Jóhann Ingi Hafþórsson
johanningi@mbl.is
Haukar náðu fjögurra stiga forskoti
á toppi Olísdeildar karla í handbolta
með 26:25-sigri á Stjörnunni á
heimavelli í gærkvöldi. Á sama tíma
gerði FH jafntefli við Gróttu á úti-
velli, 30:30. Haukar eru nú með 23
stig og FH í öðru sæti með 19 stig.
Haukar voru með undirtökin nán-
ast allan leikinn gegn Stjörnunni og
var staðan í hálfleik 16:11. Stjörnu-
menn neituðu hins vegar að gefast
upp.
„Allt annað var að sjá til Stjörnu-
manna í upphafi síðari hálfleiks. Sig-
urður Dan fór að verja í bunum og
Stjörnumenn skoruðu fyrstu þrjú
mörk hálfleiksins og minnkuðu þar
með muninn í tvö mörk, 16:14.
Haukar svöruðu því með næstu
tveimur mörkum en Stjörnumenn
voru ekki á því að gefast upp og
minnkuðu muninn aftur í tvö mörk,
19:17.
Haukar voru með þriggja marka
forystu megnið af síðari hálfleiknum
en þegar skammt var eftir náðu
Stjörnumenn að minnka muninn
niður í eitt mark, 24:23. Haukar
náðu að komast í 25:23 en enn gáf-
ust Stjörnumenn ekki upp og
minnkuðu muninn í 25:24. Ólafur
Ægir Ólafsson skoraði fyrir Hauka
og kom þeim aftur í tveggja marka
forystu áður en Stjörnumenn skor-
uðu síðasta mark leiksins. Lokatölur
því 26:25,“ skrifaði Gunnar Egill
Daníelsson m.a. í umfjöllun sinni um
leikinn á mbl.is.
Haukar fengu þær glæsilegu
fréttir fyrir leik að landsliðsmað-
urinn Stefán Rafn Sigurmannsson
væri orðinn leikfær í fyrsta skipti
síðan hann kom til félagsins í janúar
eftir tæpan áratug í atvinnu-
mennsku erlendis. Stefán var
snöggur að láta að sér kveða því
hann var markahæstur hjá Haukum
með sex mörk ásamt Ólafi Ægi
Ólafssyni.
Haukar hafa verið á gríðarlegri
siglingu og aðeins tapað einum leik
af síðustu tíu. Með innkomu Stefáns
Rafns verður liðið enn sterkara og
ljóst að erfitt verður að stoppa
rauða liðið í Hafnarfirði.
Grótta kemur á óvart
Grótta hefur komið liða mest á
óvart í vetur og var jafnteflið gegn
FH í gær enn ein góðu úrslitin sem
lærisveinar Arnars Daða Arnars-
sonar ná í, en fæstir áttu von á að
Grótta ætti mikið erindi í efstu deild
fyrir tímabilið. Grótta hefur nú náð í
tíu stig og hafa fimm þeirra komið í
fimm síðustu leikjum, en Grótta hef-
ur síðasta mánuðinn unnið Fram og
Selfoss og nú gert jafntefli við FH.
Á góðum degi er FH eitt besta lið
landins en það misstígur sig of oft til
að geta keppt við Hauka um deildar-
meistaratitilinn. FH hefur unnið
átta af fjórtán leikjum sínum til
þessa en tapað stigum í sex leikjum
gegn aðeins þremur hjá Haukum.
FH verður að vinna leiki gegn liðum
eins og Gróttu til að eiga einhvern
möguleika á að fara upp fyrir
granna sína í Hafnarfirði. Grótta er
nú með tíu stig, sex stigum fyrir of-
an fallsæti. Miðað við gengi Þórs og
ÍR þar fyrir neðan þarf ansi margt
að ganga á til að Grótta þurfi að
hafa verulegar áhyggjur af fall-
draugnum. Haldi liðið áfram á sömu
braut gæti það jafnvel farið að berj-
ast um sæti í úrslitakeppninni.
Haukamenn
náðu fjögurra
stiga forskoti
Morgunblaðið/Eggert
Negla Adam Haukur Baumruk lætur vaða að marki Stjörnunnar í gær.
- Grótta og FH skildu jöfn - Enginn
falldraugur á Seltjarnarnesinu